- આજે બપોરે 3.30 વાગે કમિશનર ઇલેવન અને સાંજે 7.30 વાગે મેયરની ટીમનો મુકાબલો થશે, રાજકોટ સામે વડોદરા મેયરની ટીમનો 17 રને વિજય થયો હતો

વડોદરામાં ઓલ ગુજરાત ઇન્ટર કોર્પોરેશન ટી-20 ક્રિકેટ ટુર્નામેન્ટ મેયર્સ કપમાં વડોદરા કમિશનર અને મેયરની ટીમ ફાઇનલમાં પહોંચી ગઈ છે. વડોદરા કમિશનરની ટીમ અમદાવાદ કમિશનર સામે અને વડોદરા મેયરની ટીમ અમદાવાદ મેયરની ટીમ સામે મેચ રમશે.

વડોદરા પાલિકા દ્વારા આયોજિત આ ક્રિકેટ ટુર્નામેન્ટમાં રવિવારે વડોદરા કમિશનરની ટીમે રાજકોટ કમિશનર ટીમને સેમીફાઇનલમાં 58 રનથી હરાવીને ફાઇનલમાં પ્રવેશ મેળવ્યો હતો. મેચમાં અમદાવાદ કમિશનરની ટીમ સામે વડોદરા કમિશનરની ટીમ ટકરાશે.

રવિવારે વડોદરા અને રાજકોટ મેયરની ટીમ વચ્ચે સેમિફાઇનલ મેચ રમાઈ હતી. જેમાં વડોદરાની ટીમે 19.5 ઓવરમાં 115 રન બનાવ્યા હતા. જેના જવાબમાં રાજકોટની ટીમ 15.3 ઓવરમાં 98 રન કરી શકી હતી. આમ વડોદરાનો 17 રને વિજય થયો હતો.

હવે મંગળવારે બપોરે 3:30 કલાકે વડોદરા કમિશનર ઇલેવનની ટીમનો અને સાંજે 7:30 કલાકે વડોદરા મેયરની ટીમનો મુકાબલો થશે. સોમવારે અમદાવાદ મેયર ટીમ જીતતાં હવે વડોદરાની મેયર ટીમ સાથે ફાઇનલ મેચ રમશે. રવિવારે મેચમાં વડોદરાની મેયર ટીમનો વિજય થતા આગેવાનોએ ગ્રાઉન્ડ ઉપર ગરબા રમીને વિજયની ખુશી મનાવી હતી.