વડોદરા શહેરના વાસણા રોડ પર ક્રાઈમ બ્રાન્ચે દરોડો પાડીને એક મકાનમાંથી વિદેશી દારૂનો જથ્થો ઝડપી પાડ્યો હતો. જયારે એક વ્યક્તિની ધરપકડ કરવામાં આવી હતી.
પ્રાપ્ત માહિતી અનુસાર વડોદરા ક્રાઈમ બ્રાન્ચની ટીમ પેટ્રોલિંગમાં હતી તે દરમિયાન માહિતી મળી હતી કે, વાસણા રોડ સ્વામિનારાયણ મંદિર પાછળ દેવ નગરમાં બળવંતસિંહ ઉર્ફે બાબુભાઈ પરમાર દ્વારા ઘરમાં વિદેશી શરાબ રાખીને તેનું વેચાણ કરવામાં આવી રહ્યું છે. જે બાતમીના આધારે પોલીસે ઘરે દરોડો પડ્યો હતો. જ્યાં મકાનના પહેલા માળે પલંગ નીચેથી વિવિધ બ્રાન્ડની વિદેશી શરાબની બોટલો તેમજ બિયરની બોટલો મળી આવી હતી. જયારે આરોપી બળવંતસિંહ પણ ઘરે હાજર મળી આવ્યો હતો.
ક્રાઈમ બ્રાંચના જવાનોએ 37 હજારની કિંમતનો વિદેશી શરાબનો જથ્થો ઝડપી પાડીને આરોપી બળવંતસિંહ પરમારની ધરપકડ કરી હતી.
