- વાડી પોલીસે ઈ.પી.કો કલમ ૩૨૫ હેઠળ ફરિયાદ નોંધી તપાસ હાથ ધરી

શહેરના પ્રતાપનગર વિસ્તારમાં આવેલી ઝેનિથ સ્કૂલ પાસે દશ થી પંદર  વ્યક્તિઓએ એક વ્યક્તિ પર હમલો કરતા તેના પગમાં ઇજા થઈ હતી. ઘાયલ યુવકને સારવાર અર્થે ડભોઈ રોડ સ્થિત મંગલમ હોસ્પિટલમાં ખસેડવામાં આવ્યો હતો.

વડોદરા શહેરના પ્રતાપનગર વિસ્તારમાં રહેતા શત્રુઘ્ન વર્મા નું માનીયે તો તે ગત રાતે તેની પત્ની સાથે ઘર તરફ જતો હતો ત્યારે નજીક માં રહેતા રંજન વર્મા સહિત ૧૦ વધુ લોકોના ટોળાએ રીસ રાખી તેના પર અચાનક હુમલો કર્યો હતો. ટોળા એ લાકડી અને પાઇપો વડે હુમલો કરતા તેને માથામાં અને પગમાં ઈજાઓ થઈ હતી.

ગંભીર રીતે ઘવાયેલા શત્રુઘ્ન ને ડભોઈ રોડ પર આવેલી મંગલમય હોસ્પીટલ માં ખસેડવામાં આવ્યો હતો જ્યાં તેના પગે ફેક્ચર હોવાનું તબીબોએ જણાવ્યું હતું. બનાવ અંગે વાડી પોલીસે આગળની કાર્યવાહી હાથ ધરી હતી.