શહેરના માંજલપુર પોલીસે ઘરફોડ ચોરીના ગુનામાં સંડોવાયેલા ત્રણ આરોપીઓને પાસા હેઠળ અટકાયત કરી ભાવનગર રાજકોટ અને જામનગર જેલમાં મોકલી આપ્યા છે. શહેરના વિવિધ વિસ્તારોમાં ઘરરોડ ચોરીઓ કરીને આતંક મચાવતા આરોપી કર્માસિંગ જીવણસિંગ દુધાણી (રહેવાસી દિવાળીપુરા)ની પાસા હેઠળ અટકાયત કરી ભાવનગર જેલ મોકલી આપવામાં આવ્યો છે. સમશેરસિંગ માનસિંગ ટાંક (રહેવાસી ભાઈલી ગામ, પટેલ વાડી પાસે)ની પાસા હેઠળ અટકાયત કરી રાજકોટ જેલમાં મોકલી આપવામાં આવ્યો છે તથા રાજવીર સિંઘ માનસિંગ ટાંક (રહેવાસી આકાર એપાર્ટમેન્ટ પાસે)ની પાસા હેઠળ અટકાયત કરી જામનગર જેલ મોકલી આપવામાં આવ્યો છે. આરોપીઓ વિરુદ્ધ માંજલપુર પોલીસ સ્ટેશનમાં પાંચ, મકરપુરામાં ત્રણ તથા જેપી રોડ, વાડી, કારેલીબાગ, ગોત્રી, ગોરવામાં ત્રણ, ફતેગંજ તથા લક્ષ્મીપુરા પોલીસ સ્ટેશનમાં ઘરફોડ ચોરીઓના ગુનાઓ દાખલ થયા છે.
