વડોદરા શહેર વિસ્તારમાં બનતા મિલકત સબંધી ગુના અટકાવવા અને વણશોધાયેલ ગુનાઓ શોધી કાઢવા પોલીસ કમિશનરની સુચનાના આધારે વાડી પોલીસ સ્ટેશન લો એન્ડ ઓર્ડર ટીમના માણસો આગામી દિવાળી તહેવાર અનુસંધાને પોલીસ સ્ટેશન હદ વિસ્તારમાં પેટ્રોલિંગમાં હતા. તે દરમિયાન બે પોલીસ કર્મીએ સંયુક્ત બાતમી આધારે શ્રીકાંત ઉર્ફે ગુંગો છોટેલાલ સરોજ (ઉ.4 35 - ગાજરાવાડી, ઇદગાહ મેદાન પાછળ, બાળા સાહેબના પીઠા પાછળ, વાડી, વડોદરા શહેર)ને ચોરીની સાયકલ 10 નંગ જેની કુલ કિંમત રૂપિયા 52,500ના મુદામાલ સાથે પકડી પાડી સી.આર.પી.સી. કલમ-41 (1)ડી મુજબ અટકાયત કરી વધુ કાર્યવાહી હાથ ધરી હતી.
આ અગાઉ આરોપી શ્રીકાંત ઉર્ફે ગુંગો છોટેલાલ સરોજ શહેરના કારેલીબાગ, વાડી, પાણીગેટ, રાવપુરા, મકરપુરા, નવાપુરા પોલીસ સ્ટેશનમાં સાયકલ ચોરીના ગુનામાં પકડાયેલ છે.
