- સમા પોલીસે મોબાઇલ કબજે કરી ગાંજો સપ્લાય કરનાર રાજસ્થાન અને વડોદરાના શખ્સને વોન્ટેડ જાહેર કર્યો

વડોદરાના સમા સાવલી રોડ વિસ્તારમાં પોલીસે એક રાહદારીને તપાસતા એક કિલો ગાંજો મળી આવ્યો હતો.

સમા-સાવલી રોડ પર પોલીસની ટીમ પેટ્રોલિંગમાં હતી તે દરમિયાન ધુમાડ ચોકડીથી સમા તરફ પગપાળા આવી રહેલા એક શખ્સને પોલીસે ચેક કરતા તેની પાસેના થેલામાંથી રૂપિયા 10,000ની કિંમતનો એક કિલો ગાંજો મળી આવ્યો હતો.

પૂછપરછ દરમિયાન તેનું નામ મુકેશ ભેરુલાલ આદિવાલ (ધાણીરાવ ગામ,પાલી,રાજસ્થાન) હોવાનું ખુલ્યું હતું. સમા પોલીસે તેનો મોબાઇલ કબજે કરી ગાંજો સપ્લાય કરનાર રાજસ્થાનના મહારાજ નામના એક શખ્સ અને વડોદરાના ગોપેશ વ્યાસને વોન્ટેડ જાહેર કરી વધુ તપાસ હાથ ધરી છે.