વડોદરાના નાગરવાડા વિસ્તારમાં ગઈકાલે રાત્રે નશામાં ચૂર હાલતમાં ધાંધલ મચાવી રહેલા ચાર મિત્રોને પોલીસે ઝડપી પાડ્યા હતા.
રથયાત્રા નિમિત્તે પોલીસ દ્વારા દારૂ તેમજ અસામાજિક પ્રવૃત્તિઓ સામે સ્પેશિયલ ડ્રાઇવ રાખીને કામગીરી કરવામાં આવી રહી છે તે દરમિયાન ગઈ રાત્રે નાગરવાડા ગોલવાડ ખાતે કોર્પોરેશના ગાર્ડન નજીક ચાર યુવકો જાહેર માર્ગ પર ધાંધલ મચાવી રહ્યા હોવાથી પોલીસે ચારેયને અટકમાં લીધા હતા. ચારેય યુવકોએ દારૂનો નશો કર્યો હોવાનું જણાઈ આવતા પોલીસે તેમની સામે દારૂબંધીના ભંગનો ગુનો નોંધ્યો હતો. પકડાયેલાઓમાં હસમુખ ગોવિંદભાઈ માળી (મકરપુરા ગામ, માળી મહોલ્લો), વિજય શંકરભાઈ માળી (કોર્પોરેશનના ગાર્ડનની સામે, નવી ધરતી), અજય શંકરભાઈ માળી (નવી ધરતી, કોર્પોરેશનના ગાર્ડન સામે) અને શૈલેષ નાનાભાઈ માળી (માળી મોહલ્લો, પરિવાર સ્કૂલ પાસે, આજવા રોડ)નો સમાવેશ થાય છે.
