વડોદરાના ડભોઈ રોડ વિસ્તારમાં મહિલાનો અછોડો તોડી ફરાર થયેલો અછોડા તોડ ગણતરીના કલાકોમાં ઝડપાઈ ગયો છે.
ડભોઇ રોડના મહાનગર નજીક પાનના ગલ્લા પાસે તા 14મીએ સાંજના સમયે મહિલાનો બે તોલાનો અછોડો તોડી યુવક ભાગી છુટતા પોલીસ દ્વારા સીસીટીવી ફૂટેજ તેમજ અન્ય મારફતે તેની તપાસ કરવામાં આવી હતી.
પોલીસે આ ગુનામાં સમીર ઉર્ફે સદુ હનીફ ભાઈ પટેલ (રહે.મહાનગર, ડભોઇ રોડ મૂળ રહે અકોટા, નવા વાસ)ને ડભોઈ રોડ ગણેશ નગર નજીકથી ઝડપી પાડી અછોડો કબજે કરવા તજવીજ હાથ ધરી છે.
