• ૧. વડાપ્રધાન મોદીએ રોજગાર મેળા અંતર્ગત ૫૧ હજાર યુવાઓને નિમણૂક પત્રો આપ્યા
• ૨. હરિયાણાના નૂહમાં વિશ્વ હિન્દુ પરિષદની યાત્રા હવે પ્રતિકાત્મક રહેશે
• ૩. G-20 સમિટ માટે દિલ્હીના ડેકોરેશન ખર્ચ પર ક્રેડિટ વોર શરુ
• ૪. નીરજ ચોપરાએ વર્લ્ડ એથ્લેટિક્સ ચેમ્પિયનશિપમાં જીત્યો ગોલ્ડ, PM મોદીએ આપ્યા અભિનંદન
• ૫. ૨૦૨૪માં ફરી વડાપ્રધાન નરેન્દ્ર મોદી બનશે ઃ મહારાષ્ટ્ર નાયબ મુખ્યમંત્રી અજીત પવાર
• ૬. ભારત અમને ચીનથી આઝાદી અપાવશે ઃ અમેરિકાના રાષ્ટ્રપતિ પદના ઉમેદવાર
• ૭. પાકિસ્તાન પર વિદેશી મુદ્રા ભંડાર ખતમ થવાનું સંકટ
• ૮. ઉત્તરકોરિયા કોરોનાના ૩ વર્ષ બાદ તેના લોકો માટે ખુલ્લું થયું પણ.. સાથે ઘણા નિયંત્રણો લગાવ્યા
• ૯. જઘન્ય અપરાધ કરનાર ચારેય જેલની બહાર નહિ આવે ઃ બ્રિટેન પ્રધાનમંત્રી ઋષિ સુનક
• ૧૦. ઓસ્ટ્રેલિયામાં સૈન્ય અભ્યાસ દરમિયાન હેલિકોપ્ટર ક્રેશ, ૩ના મોત, ઘણા જવાન ઘાયલ
• ૧૧. કેટલીક કંપનીઓ બજારમાં ડેબ્યૂ કરવા માટે લાવી રહી છે IPO
• ૧૨. ભારતીય શેરબજારમાં ફ્લેટ કારોબાર, સેન્સેક્સ ૬૪,૯૦૮.૦૮ અને નિફ્ટી ૧૯,૨૯૮.૩૫ની સ્થિતિ
• ૧૩. ગૌતમ અદાણી હવે વિદેશમાં પણ કારોબારનું સામ્રાજ્ય જમાવશે

(સમાચારની વિસ્ત્રુત માહિતી નીચે છે)

૧. વડાપ્રધાન મોદીએ રોજગાર મેળા અંતર્ગત ૫૧ હજાર યુવાઓને નિમણૂક પત્રો આપ્યા

વડાપ્રધાન નરેન્દ્ર મોદી સોમવારે વીડિયો કોન્ફરન્સિંગ દ્વારા ૫૧,૦૦૦ થી વધુ નિમણૂક પત્રોનું વિતરણ કર્યુ છે. દેશભરમાં ૪૫ સ્થળોએ જોબ ફેરનું આયોજન કરવામાં આવ્યું છે. પોતાના વર્ચ્યુઅલ સંબોધનમાં પીએમ મોદીએ કહ્યું કે યુવાનો માટે નવા રસ્તા ખોલવા માટે અર્ધલશ્કરી દળોની ભરતી પ્રક્રિયામાં ઘણા ફેરફારો કરવામાં આવ્યા છે. PMએ કહ્યું હતુ કે અર્ધલશ્કરી દળોમાં ભરતી પ્રક્રિયાને સુવ્યવસ્થિત કરવામાં આવી છે જેથી ભરતીનો સમય ઓછો થાય. યુવાનો માટે નોકરીની તકો વિશે વાત કરતાં તેમણે કહ્યું કે ઓટોમોબાઈલ, ફાર્મા ક્ષેત્રો ખૂબ જ ઝડપથી વિકસી રહ્યાં છે અને આવનારા દિવસોમાં નોકરીની વિશાળ તકો ઊભી કરશે. તેમણે દાવો કર્યો હતો કે ભારત આ દાયકામાં વિશ્વની ટોચની ત્રણ અર્થવ્યવસ્થાઓમાંની એક બની જશે. પીએમ મોદીએ કહ્યું, “જ્યારે હું આ ગેરંટી આપ છું, ત્યારે તે હું કરું છું કે અને તેની સંપૂર્ણ જવાબદારી રહેશે મારી રહશે .’’ ખીલતી અર્થવ્યવસ્થા માટે તમામ ક્ષેત્રોના મહત્વ વિશે વાત કરતા પીએમ મોદીએ કહ્યું, “ફૂડથી લઈને ફાર્મા સુધી, અવકાશથી લઈને સ્ટાર્ટઅપ્સ સુધી, કોઈપણ અર્થતંત્ર માટે તમામ ક્ષેત્રોનો વિકાસ જરૂરી છે.’” બેકિંગ સેક્ટરમાં સુધારા કરવા અને તેને સામાન્ય લોકો માટે વધુ ઉપલબ્ધ બનાવવાના નિર્ણયો પર પ્રકાશ ફેંકતા, પીએમ મોદીએ યાદ અપાવ્યું કે જન ધન યોજના નવ વર્ષ પહેલા ૨૮ ઓગસ્ટના રોજ શરૂ કરવામાં આવી હતી. તેમણે કહ્યું કે આ યોજનાએ રોજગાર સર્જનમાં મુખ્ય ભૂમિકા ભજવી હતી. તેમણે અર્ધલશ્કરી દળોના જવાનોને તેમની સેવાઓ દરમિયાન પણ શીખવાની તેમની ઇચ્છા ચાલુ રાખવાનું સૂચન કર્યું. તેમણે નવા ભરતી કરનારાઓને કૌશલ્ય વિકાસ અને અભ્યાસક્રમો માટે નવા પોર્ટલ પર પોતાની નોંધણી કરાવવા વિનંતી કરી હતી. પીએમ મોદીએ કહ્યું, “આ અભ્યાસક્રમો દરમિયાન તમે જે પણ શીખશો તે તમને એક ઉત્તમ અધિકારી બનવામાં મદદ કરશે.’’ તેમણે નવા ભરતી કરનારાઓને તેમની શારીરિક તંદુરસ્તી પર ધ્યાન કેન્દ્રિત કરવા અને તેમની સેવા દરમિયાન તેમના સ્વાસ્થ્ય અને તંદુરસ્તી જાળવવા પણ કહ્યું હતુ.

૨. હરિયાણાના નૂહમાં વિશ્વ હિન્દુ પરિષદની યાત્રા હવે પ્રતિકાત્મક રહેશે

હરિયાણાના નૂહમાં સોમવારથી શરૂ થનારી વિશ્વ હિન્દુ પરિષદની યાત્રા હવે પ્રતિકાત્મક રહેશે. આ યાત્રા પહેલા પણ નૂહ અને આસપાસના વિસ્તારોમાં તણાવ હતો અને મોટી સંખ્યામાં સુરક્ષા દળો તૈનાત કરવામાં આવ્યા હતા. પરંતુ હવે VHPએ જાહેરાત કરી છે કે સરકારને પડી રહેલી સમસ્યાઓ અને -૨૦ના કારણે સર્જાયેલી પરિસ્થિતિને ધ્યાનમાં રાખીને અમે યાત્રાને પ્રતીકાત્મક રાખવાની વાત કરી છે. હરિયાણાના મુખ્યમંત્રી મનોહર લાલ ખટ્ટરે પહેલા જ જાહેરાત કરી હતી કે યાત્રાને મંજૂરી આપી શકાય નહીં. વિશ્વ હિંદુ પરિષદ આજે સવારે ૧૧ વાગે યાત્રા કાઢવાની હતી જેને હવે પ્રતિકાત્મક બનાવી દેવામાં આવી છે. પવિત્ર શ્રાવણ મહિનાના છેલ્લા સોમવારે હિંદુ પક્ષે બ્રિજ મંડળ યાત્રા કાઢવાનું નક્કી કર્યું હતું, જે ગત વખતે અધૂરી રહી હતી. જો કે સરકાર અને વહીવટીતંત્રે આની મંજૂરી આપી ન હતી, પરંતુ નૂહ અને સોનીપતમાં કલમ ૧૪૪ લાગુ કરી દેવામાં આવી છે. હરિયાણા પોલીસ ગુરુગ્રામ ટોલ પ્લાઝા પર તૈનાત છે, વાહનોની તપાસ અને આઈડી ચેક કર્યા પછી, પોલીસ તેમને રજિસ્ટરમાં વિગતો દાખલ કર્યા પછી જ આગળ વધવાની મંજૂરી આપી રહી છે. વાહનોની તપાસ અને આઈડી ચેક કર્યા પછી, પોલીસ તેમને રજિસ્ટરમાં વિગતો દાખલ કર્યા પછી જ આગળ વધવાની મંજૂરી આપી રહી છે. પંચાયતના સરપંચે કહ્યું કે અમે આંબેડકર ચૌપાલ બનાવ્યું હતું, દરેક સમાજના લોકો ચર્ચા માટે એકઠા થયા હતા. તેમણે કહ્યું કે જો વહીવટીતંત્ર પરવાનગી ન આપે તો આ બધું સંભાળવાની અને સિસ્ટમને બગડવા ન દેવાની જવાબદારી અમારી છે. અલગ-અલગ સમાજના લોકોએ જણાવ્યું હતું કે બહારથી કોઈ ગામમાં આવશે નહીં કે કોઈ ગામની બહાર જશે નહીં. જે કરવું હોય તે શાંતિથી કરી શકાય.

૩. G-20 સમિટ માટે દિલ્હીના ડેકોરેશન ખર્ચ પર ક્રેડિટ વોર શરુ

આવતા મહિને યોજાનારી ત્રણ દિવસીય G-20 સમિટ પહેલા, ભાજપ અને સત્તાધારી આમ આદમી પાર્ટી વચ્ચે દિલ્હીને સુશોભિત કરવાને લઈને ઝઘડો ચાલી રહ્યો છે. ભાજપનો દાવો છે કે દિલ્હીને સુંદર બનાવવાનું કામ કેન્દ્ર સરકારના ભંડોળથી થયું છે. આ અંગે AAPએ પલટવાર કરતા જવાબ આપ્યો છે. તે જ સમયે, ભાજપે આમ આદમી પાર્ટીને તેમની સરકાર દ્વારા ભંડોળ પૂરું પાડવામાં આવેલ એક પ્રોજેક્ટનું નામ આપવાનો પડકાર ફેંક્યો છે. બીજી તરફ આમ આદમી પાર્ટીએ પોતાના સત્તાવાર નિવેદનમાં ભાજપ પર ગંદી રાજનીતિ રમવાનો આરોપ લગાવ્યો છે. G-20ની બેઠકને લઈને દિલ્હીમાં જોરશોરથી તૈયારીઓ ચાલી રહી છે. બીજેપીએ આ મુદ્દે આમ આદમી પાર્ટીને ઘેરતા કહ્યું કે G-20 માટે દિલ્હીનું પરિવર્તન સંપૂર્ણપણે કેન્દ્ર સરકાર દ્વારા ભંડોળ પૂરું પાડવામાં આવે છે અને તેમના મંત્રીઓને ક્રેડિટ ચોરી કરવાનો પ્રયાસ કરતા જોવું શરમજનક છે. પાર્ટી તરફથી કહેવામાં આવ્યું હતું કે કેન્દ્ર સરકાર દ્વારા પહેલા પ્રગતિ મેદાન ટનલ અને બાદમાં એનડીએમસી વિસ્તારમાં વોલ પેઈન્ટિંગનો કોન્સેપ્ટ પણ શરૂ કરવામાં આવ્યો છે. આ મુદ્દે દિલ્હીના બીજેપી પ્રદેશ અધ્યક્ષ વીરેન્દ્ર સચદેવાએ પણ મુખ્યમંત્રી અરવિંદ કેજરીવાલ પર નિશાન સાધ્યું હતું. તેમણે કહ્યું કે તે ખેદજનક છે કે સીએમ અરવિંદ કેજરીવાલ અને તેમના મંત્રીઓ નિર્લજ્ઞતાથી દિલ્હીના પરિવર્તનનો શ્રેય ચોરી કરવાનો પ્રયાસ કરી રહ્યા છે. હું દિલ્હીના મુખ્યમંત્રી અરવિંદ કેજરીવાલને G-20ની તૈયારીઓ માટે તેમની સરકાર દ્વારા દિલ્હીના બ્યુટીફિકેશન અથવા ડેવલપમેન્ટના એક પણ પ્રોજેક્ટનું નામ આપવાનો પડકાર ફેંકું છું. AAPના ભાજપ પર પ્રહાર.. જે જણાવીએ, ભાજપના દાવા પર આમ આદમી પાર્ટીનું સત્તાવાર નિવેદન સામે આવ્યું છે. આમાં પાર્ટીએ કહ્યું, “આ જોઈને આશ્ચર્ય થાય છે કે ભાજપે આમ આદમી પાર્ટીની સરકાર દ્વારા કરાયેલા વિકાસ કાર્યોને અન્ય પાર્ટી પોતાના ગણાવી રહી છે. દિલ્હી સરકારના પીડબ્લ્યુડીએ તમામ નાણાંનો ખર્ચ કર્યો છે. બીજી તરફ, MCD દ્વારા MCDના રસ્તાઓ સંબંધિત કામોમાં સમગ્ર નાણાં ખર્ચવામાં આવ્યા છે. NDMC અને NHAIના રસ્તાઓ સંબંધિત કામોમાં માત્ર કેન્દ્રના પૈસા ખર્ચવામાં આવ્યા છે. આ સ્તરની રાજનીતિથી દેશને કોઈ ફાયદો થવાનો નથી. ભારત, -૨૦ સમિટની યજમાની કરવાનું મનાય છે, પરંતુ ભાજપ ગંદી રાજનીતિ રમી રહી છે.’” તમને જણાવો કે ભારત G-20ની અધ્યક્ષતા કરી રહ્યું છે. આ દરમિયાન દેશના ૩૨ અલગ-અલગ પ્રદેશોમાં લગભગ ૨૦૦ બેઠકો યોજાઈ છે. દિલ્હીમાં યોજાનારી સમિટ ભારત દ્વારા આયોજિત થનારી સૌથી હાઈ-પ્રોફાઈલ આંતરરાષ્ટ્રીય મેળાવડાઓમાંની એક હશે.

૪. નીરજ ચોપરાએ વર્લ્ડ એથ્લેટિક્સ ચેમ્પિયનશિપમાં જીત્યો ગોલ્ડ, PM મોદીએ આપ્યા અભિનંદન

નીરજ ચોપરાએ વર્લ્ડ ચેમ્પિયનશિપ જીતી છે. હંગેરીના બુડાપેસ્ટમાં નીરજે ૮૮.૧૭ મીટરના થ્રો સાથે વર્લ્ડ ચેમ્પિયનશિપ પર કબજો કર્યો અને ઇતિહાસ રચ્યો છે. આ સાથે નીરજ વર્લ્ડ ચેમ્પિયનશિપ જીતનાર પ્રથમ ભારતીય બન્યો. રવિવાર ૨૭મી ઓગસ્ટની મોડી રાતની ફાઇનલમાં નીરજ પાસેથી ગોલ્ડ મેડલની અપેક્ષા રાખવામાં આવી હતી અને વર્તમાન ઓલિમ્પિક ચેમ્પિયને નિરાશ કર્યા ન હતા. એટલું જ નહીં, તે જેવલિન થ્રોમાં એક જ સમયે ઓલિમ્પિક ગોલ્ડ અને વર્લ્ડ ચેમ્પિયનશિપ ગોલ્ડ જીતનાર વિશ્વનો માત્ર બીજો જેવલિન થ્રોઅર બન્યો. બીજી તરફ નીરજના નજીકના હરીફ પાકિસ્તાનના અરશદ નદીમે સિલ્વર મેડલ જીત્યો હતો. વડાપ્રધાન નરેન્દ્ર મોદીએ ટ્વીટ કરીને લખ્યું, પ્રતિભાશાળી નીરજ ચોપરાએ પોતાનું સર્વશ્રેષ્ઠ પ્રદર્શન કર્યું છે. તેમનું સમર્પણ, ચોકસાઈ અને જુસ્સો તેમને માત્ર એક મહાન રમતવીર ચેમ્પિયન જ નહીં પરંતુ સમગ્ર રમતગમતની જગ્યામાં શ્રેષ્ઠતાનું પ્રતીક પણ બનાવે છે. વર્લ્ડ એથ્લેટિકસ ચેમ્પિયનશિપમાં ગોલ્ડ મેડલ જીતવા બદલ અભિનંદન. અનુરાગ ઠાકુરે પણ ટ્વીટ કરીને લખ્યું ભારતીય એથ્લેટિક્સના ગોલ્ડન બોયએ બુડાપેસ્ટમાં વર્લ્ડ એથ્લેટિક્સ ચેમ્પિયનશિપમાં પુરુષોની ભાલા ફેંકમાં જીત મેળવી. આ સાથે, નીરજ ચોપરા #WorldAthlāicsChampi- onshipsમાં ગોલ્ડ મેડલ જીતનાર પ્રથમ ભારતીય એથ્લેટ બની ગયો છે. સમગ્ર દેશને તમારી સિદ્ધિઓ પર ગર્વ છે અને આ ક્ષણ ભારતીય રમતગમતના ઈતિહાસમાં હંમેશા માટે યાદ કરવામાં આવશે. પ્રથમ હાફ પછી નીરજ ચોપરા ટોચ પર હતો અને હવે માત્ર ૩ થ્રો બાકી હતા. નીરજનો ચોથો થ્રો માત્ર ૮૪.૬૪ મીટર હતો જ્યારે અરશદે ૮૭.૧૫ મીટરનો થ્રો કર્યો હતો. સ્પર્ધા અઘરી લાગતી હતી, પ રંતુ અરશદ પાંચમા અને છઠ્ઠા થ્રોમાં નિષ્ફળ ગયો. તે જ સમયે, નીરજે ૮૭.૭૩ મીટરનો પાંચમો થ્રો કર્યો અને છઠ્ઠો થ્રો ફેંકતા પહેલા જ ચેમ્પિયન બની ગયો. નદીમે સિલ્વર મેડલ જીત્યો હતો, જ્યારે ચેક રિપબ્લિકના યાકોવ વાડલેચે બ્રોન્ઝ મેડલ જીત્યો હતો.

૫. ૨૦૨૪માં ફરી વડાપ્રધાન નરેન્દ્ર મોદી બનશે : મહારાષ્ટ્ર નાયબ મુખ્યમંત્રી અજીત પવાર

મહારાષ્ટ્રની શિંદે સરકારમાં નાયબ મુખ્યમંત્રી અજિત પવારે (Ajit Pawar) ફરી એકવાર ૨૦૨૪માં કેન્દ્રમાં એનડીએ સરકાર બનાવવાનો દાવો કર્યો હતો. તેમણે રવિવારે કહ્યું કે કેન્દ્ર અને રાજ્ય એક વિચાર સાથે ચાલી રહ્યા છે અને આપણે નરેન્દ્ર મોદીની સરકારને પરત લાવવાના પ્રયાસો કરવા પડશે. પવારે કહ્યું કે આજે હું સંતોના આશીર્વાદ લેવા મરાઠવાડા આવ્યું છુ. અમે કહેલા દરેક શબ્દનું પ ાલન કરનારા લોકો છીએ. અજિત પવારે કહ્યું કે હું એક ખેડૂતનો દીકરો છું, તેથી હું ખેડૂતોની શક્ય એટલી મદદ કરવા માંગુ છું. આ સાથે તેમણે કહ્યું કે ગોપીનાથ મુંડે અને વિલાસરાવ દેશમુખ અલગ-અલગ પાર્ટીમાં હતા, પરંતુ તેમની મિત્રતા હંમેશા અકબંધ હતી. નાયબ મુખ્યમંત્રી અજિત પવારે કહ્યું કે સીએમ એકનાથ શિંદેના નેતૃત્વમાં મહાયુતિ સરકારની ભૂમિકા ખેડૂતોને મદદ કરવાની છે. તેમણે કહ્યું કે કેન્દ્ર અને રાજ્ય સરકારનો વિચાર એક જ છે. પવારે કહ્યું કે પીએમ નરેન્દ્ર મોદી અને ગૃહમંત્રી અમિત શાહને સારી ઓળખ મળી છે અને અમે સારા કાર્યો માટે તેનો લાભ લઈશું. આ સાથે તેમણે કહ્યું કે બીડ જિલ્લાના પાલક મંત્રી એનસીપીના હશે. સાથે જ પોતાના ટીકાકારો માટે તેમણે કહ્યું કે જે લોકો અમને નિશાન બનાવે છે તેમને હું મારા કામથી જવાબ આપું છું. તેમણે કહ્યું કે અત્યારે આપણે ૨૦૨૪માં ફરી કેન્દ્રમાં નરેન્દ્ર મોદીની સરકાર લાવવાના પ્રયાસો કરવાના છે.

૬. ભારત અમને ચીનથી આઝાદી અપાવશે : અમેરિકાના રાષ્ટ્રપતિ પદના ઉમેદવાર

અમેરિકામાં આવતા વર્ષે રાષ્ટ્રપતિની ચૂંટણી યોજાવાની છે અને તેની તૈયારીઓ પણ શરૂ થઈ ગઈ છે. રિપબ્લિકન પાર્ટીની પ્રાઈમરી આવવાની છે તે પહેલા જ ઉમેદવારોમાં દોડધામ ચાલી રહી છે, આ દરમિયાન અમેરિકાની ચૂંટણીમાં ભારતનો મુદ્દો દેખાવા લાગ્યો છે. રિપબ્લિકન પાર્ટીના ઉમેદવાર વિવેક રામાસ્વામી સહિત ઘણા એવા ઉમેદવારો છે જેઓ પહેલેથી જ પોતાને ભારતની નજીક ગણાવવાનો પ્રયાસ કરી રહ્યા છે. વિવેક રામાસ્વામીએ તાજેતરમાં એક નિવેદન આપ્યું હતું, જેની ખૂબ ચર્ચા થઈ રહી છે. તેમણે જાહેરાત કરી કે અત્યારે અમેરિકા ચીન સાથે મિત્રતામાં અટવાયું છે, પરંતુ જો અમે સત્તામાં આવીશું તો અમે ભારત સાથે મિત્રતા વધારીશું જેથી અમેરિકાને ચીનથી આઝાદી મળી શકે. વિવેક રામાસ્વામીના આ નિવેદનના ઘણા અર્થ કાઢવામાં આવી રહ્યા છે, કારણ કે ચીન અને અમેરિકા વચ્ચે આર્થિક ભાગીદારી હોવા છતાં તણાવપૂર્ણ વાતાવરણ છે. ૩૮ વર્ષના વિવેક રામાસ્વામીએ જાહેર કર્યું કે ભારત સાથેની અમારી મિત્રતા ચીનથી આર્થિક સ્વતંત્રતાનો માર્ગ બની શકે છે. અમેરિકા આજે સંપૂર્ણપણે ચીન પર નિર્ભર છે, પરંતુ આપણે તેમાંથી બહાર આવવું પડશે. ભારત એશિયામાં એક એવો દેશ છે જેની સાથે મિત્રતા આપણને ચીનથી આઝાદી અપાવશે. રામાસ્વામીએ સ્પષ્ટપણે કહ્યું કે જો તેઓ નેતૃત્વમાં આવશે તો તેઓ આ દિશામાં તેમના પગલાં લેશે. અમેરિકાની ચૂંટણી સંપૂર્ણપણે ભારતીય રંગમાં રંગાઈ ગઈ છે. રિપબ્લિકન પાર્ટીના માત્ર ત્રણ ઉમેદવારો રાષ્ટ્રપતિ પદના ઉમેદવાર બનવાની રેસમાં છે. વિવેક રામાસ્વામી ઉપરાંત નિક્કી હેલી, હર્ષવર્ધન પણ આ રેસમાં છે. ત્રણેય રિપબ્લિકન પાર્ટીની પ્રથમ ટીવી ડિબેટમાં ભાગ લીધો હતો અને પોતાનો એજન્ડા બધાની સામે રાખ્યો હતો. વિવેક રામાસ્વામી ખુલ્લેઆમ ભારત સાથે મિત્રતાની વાત કરે છે, અન્ય ઉમેદવારો પણ તે જ કરતા જોવા મળ્યા છે, જોકે નિક્કી હેલી અથવા અન્ય ઉમેદવારોએ કેટલાક મુદ્દાઓ પર ભારતની ટીકા કરી છે. અમેરિકામાં રાષ્ટ્રપતિની ચૂંટણી વર્ષ ૨૦૨૪માં યોજાવાની છે. જો કે રિપબ્લિકન પાર્ટીની પ્રાઇમરી ઓગસ્ટ પછી યોજાશે, ત્યારબાદ પાર્ટીના ઉમેદવાર નક્કી કરવામાં આવશે. અત્યારે આ રેસમાં ડોનાલ્ડ ટ્રમ્પ સૌથી આગળ છે, પરંતુ ટીવી ડિબેટ બાદ વિવેક રામાસ્વામીની લોકપ્રિયતા વધી છે. જો કે તેઓ હજુ પણ ટ્રમ્પથી ઘણા પાછળ છે અને બધાને અપેક્ષા છે કે ડોનાલ્ડ ટ્રમ્પ રિપબ્લિકન પાર્ટીના સત્તાવાર ઉમેદવાર હશે.

૭. પાકિસ્તાન પર વિદેશી મુદ્રા ભંડાર ખતમ થવાનું સંકટ

પાડોશી દેશ પાકિસ્તાનમાં રોટલીની અછત છે. બેરોજગારીનું વર્ચસ્વ છે અને મોંઘવારીએ મુશ્કેલીમાં વધારો કર્યો છે. હવે વધુ એક નવી કટોકટીએ લોકોને રસ્તા પર આવવા મજબૂર કર્યા છે. પાકિસ્તાનમાં વીજળીના દર પહેલાથી જ ઘણા મોંઘા છે, પરંતુ હવે લોકોના બિલ લાખોમાં આવી રહ્યા છે. દેશમાં વીજળી બિલને લઈને હોબાળો મચી ગયો છે. સવાલ એ છે કે જેમની પાસે મકાનનું ભાડું ભરવાના પૈસા નથી તેઓ લાખોનું વીજળીનું બિલ કેવી રીતે ભરશે? પાકિસ્તાનમાં વીજળી બિલને લઈને હોબાળો મચ્યો છે. ઘણા વિસ્તારોમાં વીજળી પુરવઠો નથી ત્યારે આ સ્થિતિ છે. પાકિસ્તાનમાં વીજળી બિલના ભાવમાં બેહદ વધારાને કારણે લોકો રસ્તા પર ઉતરી આવ્યા છે. લોકો એટલો ગુસ્સે છે કે તેઓ રસ્તા પર આવી ગયા છે અને વહીવટીતંત્ર સામે ધરણાં કરવા લાગ્યા છે. જો કે વચગાળાની સરકારે વીજ બીલ અંગે તાકીદની બેઠક યોજી હતી, પરંતુ આ મામલે કોઈ ઉકેલ આવ્યો ન હતો. એવું કહેવામાં આવી રહ્યું છે કે ૨૯ ઓગસ્ટે બીજી બેઠક યોજવામાં આવી શકે છે, જેમાં વધેલા બિલ પર નિર્ણય લેવામાં આવી શકે છે.

પાકિસ્તાનમાં મોંઘવારી કેમ વધી રહી છે?.. જે જણાવીએ, હકીકતમાં, છેલ્લા એક વર્ષમાં પાકિસ્તાનમાં એક યુનિટ વીજળીનો દર રૂ.૭થી વધીને રૂ.૪૩ થઇ ગયો છે. IMFના દબાણને કારણે આવું થઈ રહ્યું છે, કારણ કે IMFએ આ શરતે બેલઆઉટ પેકેજનો બીજો હપ્તો આપ્યો હતો, જેની ચૂકવણી કરવા માટે પાકિસ્તાન વીજળી, ગેસ અને પેટ્રોલના દરોમાં સતત વધારો કરશે. આ જ કારણ છે કે શાહબાઝ સરકારે પણ ભાવમાં સતત વધારો કર્યો અને હવે અનવર ઉલ હકની વચગાળાની સરકારમાં ભાવમાં વધારો કરવામાં આવી રહ્યો છે. પાકિસ્તાનમાં ગરીબી, ભૂખમરો, બેરોજગારી અને મોંઘવારી સાતમા આસમાન પર છે. વિદેશી મુદ્રા ભંડાર ખતમ થવાની કટોકટી છે. આની પાછળ પાકિસ્તાનનું દેવું છે, જેને તે ચૂકવવા સક્ષમ નથી. તેનો બોજ જનતા પર પડી રહ્યો છે. સ્થિતિ એવી છે કે પાકિસ્તાન અંધકારમાં ડૂબી ગયું છે.

૮. ઉત્તરકોરિયા કોરોનાના ૩ વર્ષ બાદ તેના લોકો માટે ખુલ્લું થયું પણ.. સાથે ઘણા નિયંત્રણો લગાવ્યા

લગભગ ૩ વર્ષ પહેલા આવેલા કોરોનાને દુનિયા ભૂલી ગઈ છે અને આગળ વધી રહી છે. પરંતુ દુનિયામાં એક દેશ એવો પણ છે જે હવે પોતાના પ્રતિબંધો હટાવી રહ્યો છે. કિમ જોંગ ઉનનું ઉત્તર કોરિયા હવે તેના લોકો માટે ખુલ્લું છે એટલે કે જે લોકો વિદેશમાં હતા તેઓ હવે ૩ વર્ષ બાદ પોતાના ઘરે પરત ફરી શકશે. ઉત્તર કોરિયાએ આ માટે ઘણા નિયંત્રણો પણ લગાવ્યા છે. ઉત્તર કોરિયાએ જાહેરાત કરી છે કે તેના નાગરિકો જે વિદેશમાં છે તેઓ હવે સ્વદેશ પરત ફરી શકશે. દેશમાં પ્રવેશ્યા પછી, તેઓએ એક અઠવાડિયા માટે ક્વોરેન્ટાઇનમાં રહેવું પડશે, ત્યારબાદ જ તેમને તેમના સંબંધિત ઘરે જવાની મંજૂરી આપવામાં આવશે. ડિસેમ્બર ૨૦૧૯માં કોરોનાની શરૂઆત થઈ, ત્યારબાદ જાન્યુઆરી ૨૦૨૦થી વૈશ્વિક પ્રતિબંધો શરૂ થયા. ઉત્તર કોરિયા એશિયાનો એકમાત્ર એવો દેશ છે જે આખરે કોરોનાના પ્રતિબંધોને ખતમ કરી રહ્યો છે. ઉત્તર કોરિયાએ ૨૦૨૦ની શરૂઆતમાં જ નિયંત્રણો લાદ્યા હતા અને અહીં બહારની ફ્લાઈટ્સ પર પ્રતિબંધ મૂક્યો હતો. ઉત્તર કોરિયા પહેલા, ચીન એકમાત્ર એવો દેશ હતો જેણે આ ભાગમાં સૌથી લાંબા સમય સુધી પ્રતિબંધો લગાવ્યા હતા, પરંતુ ચીને પણ ડિસેમ્બર ૨૦૨૨માં વિશ્વ માટે પોતાની જાતને ખોલી હતી. આ અઠવાડિયે ઉત્તર કોરિયાથી એક ફ્લાઈટ ચીન પહોંચી છે, ત્યારબાદ આ ઓપરેશન શરૂ થઈ ગયું છે. હાલમાં બેઇજિંગથી ઉત્તર કોરિયા માટે ફ્લાઈટ્સ ઉપલબ્ધ છે, ટૂંક સમયમાં રશિયાથી પણ ફ્લાઈટ સેવા શરૂ કરવામાં આવશે. ઉત્તર કોરિયાની તાઈકવૉન્ડો ટીમે પણ તાજેતરમાં કઝાકિસ્તાનની મુલાકાત લીધી હતી, જે જાન્યુઆરી ૨૦૨૦ પછી વિદેશી ધરતી પર યોજાયેલી ઇવેન્ટમાં ભાગ લેનારી પ્રથમ ઉત્તર કોરિયાની ટીમ બની હતી. તમને જણાવી દઈએ કે જાન્યુઆરી ૨૦૧૯થી, કોરોનાએ સમગ્ર વિશ્વમાં તબાહી મચાવી છે, જે હજુ પણ ઘણા ભાગોમાં ચાલુ છે. આ વૈશ્વિક રોગચાળાને કારણે, વિશ્વમાં કરોડો મૃત્યુ થયા હતા અને લોકો લાંબા સમયથી પ્રતિબંધો હેઠળ હતા. ઉત્તર કોરિયામાં કિમ જોંગ ઉનની તાનાશાહીને કારણે સ્થિતિ ખૂબ જ ખરાબ હતી, આવી સ્થિતિમાં મહામારીએ આ દેશને વધુ મુશ્કેલીમાં મૂકી દીધો હતો.

૯. જઘન્ય અપરાધ કરનાર ક્યારેય જેલની બહાર નહિ આવે : બ્રિટેન પ્રધાનમંત્રી ઋષિ સુનક

બ્રિટનના વડાપ્રધાન ઋષિ સુનકે નવા કડક કાયદાની જાહેરાત કરી છે. આમાં, જઘન્ય હત્યાના ગુનેગારોને પેરોલ અથવા વહેલી મુક્તિની શક્યતા ખતમ થઈ જશે. મતલબ કે ગુનેગારોએ આજીવન જેલના સળિયા પાછળ રહેવું પડશે. પીએમ સુનકે એક નિવેદનમાં જણાવ્યું હતું કે જીવનનો અર્થ જીવન છે અને ન્યાયાધીશોએ સૌથી ભયાનક પ્રકારની હત્યા કરનારા ગુનેગારો માટે ફરજિયાત આજીવન કેદની સજા કરવાની જરૂર પડશે. નવો કાયદો ખૂબ જ મર્યાદિત સંજોગો સિવાય, ન્યાયાધીશોને જીવનના આદેશો આપવા જરૂરી બનાવવાને કાયદેસર બનાવશે. મેં તાજેતરમાં જોયેલા ગુનાઓની ક્રૂરતા અંગે હું જનતાની ભયાનકતા શેર કરું છું. લોકો યોગ્ય રીતે અપેક્ષા રાખે છે કે સૌથી ગંભીર કિસ્સાઓમાં, એવી ગેરંટી હોવી જોઈએ કે જીવનનો અર્થ જીવન હશે. તેઓ સજામાં પ્રમાણિકતાની અપેક્ષા રાખે છે. સૌથી જઘન્ય હત્યારાઓ માટે આજીવન કેદની સજા ફરજિયાત કરતો કાયદો લાવીને, અમે સુનિશ્ચિત કરીશું કે તેઓ ચારેય મુક્ત ન થાય. તમને જણાવી દઈએ કે પીએમ સુનકનું આ નિવેદન એવા સમયે આવ્યું છે જ્યારે ઉત્તરી ઈંગ્લેન્ડની એક હોસ્પિટલમાં તેમની દેખરેખ હેઠળના સાત નવજાત શિશુઓની હત્યાના આરોપમાં નર્સ લ્યુસી લેટબીને તાજેતરમાં જ આજીવન કેદની સજા ફટકારવામાં આવી છે. યુકેની કાયદાકીય જોગવાઈઓ ફાંસીની સજાને મંજૂરી આપતી નથી અને તેથી સૌથી ગંભીર સજા આજીવન કેદ છે. ડાઉનિંગ સ્ટ્રીટ જણાવ્યું હતું કે આનાથી ન્યાયાધીશોને અપીલ પડકારના જોખમ વિના આજીવન સજા લાદવામાં વધુ વિશ્વાસ મળશે. કાયદાકીય ફેરફાર હેઠળ, કોઈપણ જાતીય પ્રેરિત હત્યા માટે આજીવન કેદ પણ ડિફોલ્ટ સજા હશે. યુકેના ન્યાય સચિવ એલેક્સ ચાકએ જણાવ્યું હતું કે આ મહત્વપૂર્ણ કાયદામાં ફેરફાર એ સુનિશ્ચિત કરશે કે સૌથી ખરાબ લોકો હવે તેમની બાકીની જીંદગી જેલમાં વિતાવે છે. યુકે સરકારે જણાવ્યું હતું કે તે જાહેર કરાયેલા ફેરફારો માટે યોગ્ય સમયે કાયદો ઘડશે. તેમણે કહ્યું કે આવતા મહિને ઉનાળુ વેકેશનમાંથી પરત ફર્યા બાદ સંસદનું સત્ર ચાલુ રહેશે.

૧૦. ઓસ્ટ્રેલિયામાં સૈન્ય અભ્યાસ દરમિયાન હેલિકોપ્ટર ક્રેશ, ૩ના મોત, ઘણા જવાન ઘાયલ

ઓસ્ટ્રેલિયામાં યુએસ નેવીનું એક હેલિકોપ્ટર ક્રેશ થયું છે. આ દુર્ઘટનામાં ત્રણનાં મોત થયા છે. ઓસ્ટ્રેલિયામાં નૌકાદળ એક સૈન્ય અભ્યાસ પર હતું ત્યારે ૨૩ કર્મચારીઓને લઈને જતું હેલિકોપ્ટર ક્રેશ થયું હતું. તેમાં ઘણા જવાન ઘાયલ થયા છે. તમામને નજીકની રોયલ ડાર્વિન હોસ્પિટલમાં સારવાર માટે દાખલ કરવામાં આવ્યા હતા. રવિવારે અભ્યાસ દરમિયાન આ અકસ્માત થયો હતો. ઓસ્ટ્રેલિયાના વડાપ્રધાન એન્થોની અલ્બેનિસે આ ઘટનાને દુઃખદ ગણાવી હતી. અમેરિકી સૈન્યએ એક નિવેદનમાં જણાવ્યું કે, આ ઘટના બની ત્યારે MV-22B ઓસ્પ્રે હેલિકોપ્ટરમાં ૨૩ નૌસૈનિક સવાર હતા. આ દુર્ઘટના તિવી ટાપુ પર સ્થાનિક સમય મુજબ સવારે ૯ વાગ્યે થઈ હતી. આ હેલિકોપ્ટરમાં તમામ અમેરિકન હતા. તે ઓસ્ટ્રેલિયા અને અન્ય દેશોની નેવી સાથે કવાયતમાં જોડાયેલા હતા. મીડિયા રિપોટ- સ અનુસાર ઓસ્ટ્રેલિયા, અમેરિકા, ફિલિપાઈન્સ, ઈન્ડોનેશિયા અને ઈસ્ટ તિમોરના લગભગ ૨,૫૦૦ જવાનોએ આ કવાયતમાં ભાગ લીધો હતો. અમેરિકા અને ઓસ્ટ્રેલિયા, પેસિફિકમાં એક મુખ્ય સાથી છે. તાજેતરના વર્ષોમાં વધુને વધુ ચીનની સામે લશ્કરી સહયોગ વધારી રહ્યા છે. ગયા મહિને, એક મોટી દ્વિપક્ષીય કવાયત દરમિયાન ૪ ઓસ્ટ્રેલિયન સૈનિકો માર્યા ગયા હતા જ્યારે તેમનું હેલિકોપ્ટર ક્વીન્સલેન્ડના દરિયાકાંઠે સમુદ્રમાં ક્રેશ થયું હતું. ઓસ્પ્રે એરક્રાફ્ટનો ટ્રેક રેકોર્ડ ખૂબ જ ખરાબ રહ્યો છે. તે વર્ષોથી અનેક જીવલેણ અકસ્માતોનો ભોગ બની છે. ગયા વર્ષે નોર્વેમાં એક ઓસ્પ્રે ક્રેશ થયું હતું. આ દુર્ઘટનામાં ૪ મરીન માર્યા ગયા હતા. ૨૦૧૭માં ઓસ્ટ્રેલિયાના જ ઉત્તરી કિનારે એક વિમાન ક્રેશ થયું હતું, જેમાં ત્રણ મરીન માર્યા ગયા હતા. ૨૦૦૦ માં, એરિઝોનામાં એક કવાયત દરમિયાન ઓસ્ટ્રે ક્રેશ થયું, જેમાં ૧૯ યુએસ મરીન માર્યા ગયા. યુએસ એરફોર્સના જણાવ્યા મુજબ, ઓસ્પ્રે એ ફાસ્ટ-ટિલ્ડિંગ રોટર એરક્રાફ્ટ છે જે હેલિકોપ્ટર અને ટર્બોપ્રોપ એરક્રાફ્ટ બંનેની લાક્ષણિકતાઓ ધરાવે છે. હાઇબ્રિડ એરક્રાફ્ટમાં બે પરસ્પર એન્જીન હોય છે જેમાં પંખા જોડાયેલા હોય છે. તેનાથી ઊભું ઉતરવું અને ઊડવું સરળ બને છે. તેની સ્પીડ સામાન્ય હેલિકોપ્ટર કરતા ઘણી વધારે છે. તેનો ઉપયોગ સામાન્ય રીતે સૈનિકોના પરિવહન માટે થાય છે.

૧૧. કેટલીક કંપનીઓ બજારમાં ડેબ્યૂ કરવા માટે લાવી રહી છે IPO

વર્તમાન સપ્તાહમાં કેટલીક કંપનીઓ બજારમાં ડેબ્યૂ કરવા માટે તેમના IPO લાવી રહી છે જ્યારે કેટલીક શેરબજારમાં ડેબ્યૂ કરશે. પ્રાઇમરી માર્કેટ સેગમેન્ટમાં રૂ. ૫૦૦ કરોડથી વધુ મૂલ્યના ચાર IPO સબસ્ક્રિપ્શન માટે ખુલશે અને છ શે૨ો શેરબજારમાં ડેબ્યૂ કરશે. ટેસ્ટિંગ અને મેઝરિંગ ઇન્સ્ટ્રુમેન્ટ્સ નિર્માતા રિષભ ઇન્સ્ટ્રુમેન્ટ્સ મેઇનબોર્ડ સેગમેન્ટમાં પ્રથમ કંપની હશે જે ૩૦ ઓગસ્ટે તેનો પ્રથમ IPO લોન્ચ કરશે અને તે જ સપ્તાહમાં ૧ સપ્ટેમ્બરે બંધ થશે. કંપની દ્વારા રૂ. ૪૧૮-૪૪૧ પ્રતિ શેરના ઉપલા ભાવે રૂ. ૪૯૦.૭૮ કરોડના ભાવે ભંડોળ ઊભું કરવામાં આવશે, જેમાં રોકાણકાર SACEF હોલ્ડિંગ્સ II અને રૂ. ૪૧૫.૭૮ કરોડના OFSનો સમાવેશ થાય છે. ઈન્ફ્રાસ્ટ્રક્ચર કંપની વિષ્ણુ પ્રકાશ આર ડુંગલિયાનો પબ્લિક ઈશ્યુ, જે ૨૪ ઓગસ્ટે ખુલ્યો હતો, તે આવતા અઠવાડિયે ૨૮ ઓગસ્ટે બંધ થશે. તમામ પ્રકારના રોકાણકારોના સમર્થન સાથે, ઓફરને અત્યાર સુધીમાં ૧૦.૬૩ વખત સબસ્ક્રાઇબ કરવામાં આવી છે. વધુમાં, સ્ટેનલેસ સ્ટીલ ફિનિશ્ડ શીટ નિર્માતા કંપની રતવીર પ્રિસિઝન એન્જિનિયરિંગ IPO પહેલા ૧ સપ્ટેમ્બરે એક દિવસ માટે તેની એક્રર બુક લોન્ચ કરશે. કંપનીએ QIP માટે ઓફરના ૫૦ ટકા, ૧૫ ટકા HNIs માટે અને બાકીનો ૩૫ ટકા રિટેલ રોકાણકાર- તે માટે આરક્ષિત રાખ્યો છે. મેઈનબોર્ડ સેગમેન્ટમાં બે લિસ્ટિંગ હશે. પોલિમર આધારિત મોલ્ડેડ પ્રોડક્ટ નિર્માતા પિરામિડ ટેક્નોપ્લાસ્ટ ૩૦ ઓગસ્ટના રોજ ડેબ્યૂ કરશે અને મેટાલિક ફ્લેક્સિબલ ફ્લો સોલ્યુશન પ્રોડક્ટ મેકર એરોલેક્સ ઇન્ડસ્ટ્રીઝ ૩૧ ઓગસ્ટે લિસ્ટ કરશે. તેમના IPO અનુક્રમે ૧૮.૨૯ ગણા અને ૯૭.૧૧ ગણા સાઇઝમાં સબસ્ક્રાઇબ થયા હતા. Aeroflex શેર્સે ગ્રે માર્કેટમાં મજબૂત પ્રતિસાદ જોયો છે, જેમાં પ્રતિ શેર રૂ. ૧૦૮ના અપર પ્રાઇસ બેન્ડના પ્રીમિયમના ૬૫ ટકા પ્રીમિયમ છે, જ્યારે પિરામિડ માટે ગ્રે માર્કેટ પ્રીમિયમ રૂ. ૧૬૬ પ્રતિ શેરની IPO કિંમત કરતાં લગભગ ૧૦ ટકા હતું. શેર કરો.. આ ઉપરાંત ગારમેન્ટ મેકિંગ અને હોમ ફર્નિશિંગ માટે ફેબ્રિક્સ બનાવતી સહજ ફેશન્સ ૨૯ ઓગસ્ટે તેનો રૂ. ૧૩.૯૬ કરોડનો IPO બંધ કરશે. લિસ્ટિંગના મોરચે, હીરા અને જ્વેલરી નિર્માતા શુરા ડિઝાઇન્સ IPO શેડ્યૂલ મુજબ આવતા અઠવાડિયે ૨૯ ઓગસ્ટના રોજ પદાર્પણ કરનાર SMEમાં પ્રથમ કંપની હશે. એગ્રોકેમિકલ ફોર્મ્યુલેશન નિર્માતા ક્રોપ લાઇફ સાયન્સ અને નિષ્ક્રિય ટેલિકોમ ઇન્ફ્રા સર્વિસ પ્રોવાઇડર બોન્ડાડા એન્જિનિયરિંગ ૩૦ ઓગસ્ટના રોજ તેમના શેરની યાદી આપશે જ્યારે પાવર સોલ્યુશન્સ કંપની સુંગર્નર એનર્જીઝ ૩૧ ઓગસ્ટે તેની શરૂઆત કરશે.

૧૨. ભારતીય શેરબજારમાં ફ્લેટ કારોબાર, સેન્સેક્સ ૬૪,૯૦૮.૦૮ અને નિફ્ટી ૧૯,૨૯૮.૩૫ની સ્થિતિ

સારા વૈશ્વિક સંકેત સાથે ભારતીય શેરબજારમાં પ્રારંભિક કારોબારમાં તેજી દેખાઈ રહી છે. ફ્લેટ શરૂઆત બાદ બંને મુખ્ય ઇન્ડેક્સ સારી સ્થિતિમાં નજરે પડ્યા બાદ ફરી સરહ્યા હતા. સેન્સેક્સ અને નિફ્ટી અત્યંત સામાન્ય વધારા સાથે સવારે ૯.૨૧ વાગે નજરે પડ્યા હતા. જેમાં સેન્સેક્સ અને નિફ્ટી ની સ્થિતિ જણાવીએ તો, આજે ૨૮ ઓગસ્ટ સવારે બજાર પ્રારંભિક સમય મર્યાદા (૦૯:૨૧ એ.એમ)એ સેન્સેક્સ ૬૪,૯૦૮.૦૮ ૨૧.૫૭ એટલે (૦.૦૩૩ ટકા)ની સ્થિતિ પર અને નિફ્ટી ૧૯,૨૯૮ ૩૨.૫૫ (૦.૧૭ ટકા)ની સ્થિતિ પર જોવા મળ્યા હતા અને Reliance AGM પહેલા શેર(RIL Share Price) નજીવા ફેરફાર સાથે ૨,૪૬૬.૩૦ રૂપિયાની સપાટીએ નજરે પડ્યો હતો. શેરબજાર પ્રારંભિક બેલ (૨૮ ઓગસ્ટ, ૨૦૨૩)

સેન્સેક્સ : ૬૪,૯૦૮.૦૮ ૨૧.૫૭ એટલે (૦.૦૩૩ ટકા)ની સ્થિતિ

(64,908.08 21.57 (0.033%) _)

નિફ્ટી : ૧૯,૨૯૮ ૩૨.૫૫ (૦.૧૭ ટકા)ની સ્થિતિ

(19,298.35 32.55 (0.17%) _)

શેરબજાર અંતિમ બેલ (૨૫ ઓગસ્ટ, ૨૦૨૩)

વૈશ્વિક બજારના અનુમાન પ્રમાણે દર્શાવેલ છે..

સેન્સેક્સ : ૬૪,૮૮૬.૫૧-૩૬૫.૮૩ એટલે (૦.૦૫૬ ટકા)ની સ્થિતિ

(64,886.51-365.83 (0.56%) _)

નિફ્ટી : ૧૯,૨૬૫ -૧૨૦.૯૦ (૦.૬૨ ટકા)ની સ્થિતિ

(19,265.80-120.90 (0.62%) _)

સપ્તાહના પ્રથમ કારોબારી દિવસે શેરબજારમાં જોરદાર મૂવમેન્ટના અનુમાન હતા પણ શરૂઆત ફ્લેટ થઇ હતી. સારા વૈશ્વિક સંકેતોને કારણે બજારના મુખ્ય સૂચકાંકો સકારાત્મક ખુલ્યા છે પણ તેજી અત્યંત મામૂલી હતી. જેક્સન હોલ મીટિંગમાં ફેડ ચેરમેનના નિવેદનની અસર બજાર પર જોવા મળી છે. એશિયન બજારો પણ હરિયાળા રહ્યા છે. જાપાનનો નિક્કી અને કોરિયાનો કોસ્પી ઈન્ડેક્સ મજબૂત કાર- ોબાર કરી રહ્યા છે. આ પહેલા શુક્રવારે અમેરિકન બજારો પણ સકારાત્મક બંધ થયા હતા. જોકે, ૨૫ ઓગસ્ટે ભારતીય બજારોમાં સતત બીજા દિવસે ઘટાડો નોંધાયો હતો. BSE સેન્સેક્સ ૨૬૫ પોઈન્ટ ઘટીને ૬૪,૮૮૬ પર બંધ રહ્યો હતો.

શેરબજાર માટે મહત્વપૂર્ણ ટ્રિગર પર જો એક નજર કરવામાં આવે તો, શુક્રવારે ડાઉ ૨૫૦ પોઈન્ટ, નાસ્ડેક ૧૨૬ પોઈન્ટ ચાલી રહ્યો હતો, ફેડ ચેરમેને જેક્સન હોલમાં દરમાં વધારો કરવાનો સંકેત આપ્યો છે, રિલાયન્સ ઇન્ડસ્ટ્રીઝની આજે ૪૬મી એજીએમ છે, ચોખાની નિકાસ પર કડકતા, બાસમતી $1200/ટન MEP, જયારે યુકે માર્કેટમાં આજે રજા છે, યુએસ ઓગસ્ટ જોબ્સ ડેટા જાહેર થશે, US, EU ગ્રાહક વિશ્વાસ ડેટા જાહેર થશે, EU ફુગાવાનો ડેટા આવશે, શુક્રવારે યુએસ બજારમાં પોવેલના નિવેદન બાદ યુએસ બજારોમાં ઉછાળો આવ્યો હતો, છેલ્લા સત્રમાં ડાઉ ૨૫૦ પોઈન્ટ ઉપર Nasdaq 10%, VIX 9% નીચે તો આઇટી ઉપરાંત એનર્જી અને કન્ઝ્યુમર શેર્સમાં ખરીદીનો ટેકો રહ્યો હતો. યુએસ ફેડ ચેરમેનના નિવેદનની અસર શું પડી?.. જે જણાવીએ, ૨૦% નિષ્ણાતો સપ્ટેમ્બર પોલિસીમાં વધારાની અપેક્ષા રાખે છે, ૫૦% નિષ્ણાતો નવેમ્બર અથવા ડિસેમ્બર પોલિસીમાં ૦.૨૫% વૃદ્ધિની આગાહી કરી રહ્યા છે, ૧૦-વર્ષનું બોન્ડ યીલ્ડ ૪.૨૫% ની નજીક સ્થિર, ૨-વર્ષના બોન્ડ યીલ્ડ ૫%ને પારઅ અને ડૉલર ઇન્ડેક્સ ૧૨ સપ્તાહની ઊંચી સપાટીએ, ૧૦૪ને પાર થયો.

મુકેશ અંબાણીની આગેવાની હેઠળની રિલાયન્સ તેની ૪૬મી વાર્ષિક સામાન્ય સભા (AGM) ઓગસ્ટ ૨૮ ના રોજ સુનિશ્ચિત કરે છે, જે દરમિયાન રોકાણકારો શ્રેણીબદ્ધ નોંધપાત્ર અપેક્ષા રાખે છે. આ AGM Jio ફાઇનાન્શિયલ સર્વિસિસ અને કતાર ઇન્વેસ્ટમેન્ટ ઓથોરિટી દ્વારા રિલાયન્સ રિટેલ વેન્ચર્સ લિમિટેડ (RRVL) માં હિસ્સાની ખરીદીની સૂચિને નજીકથી અનુસરે છે. જ્યારે ચેરમેન મુકેશ અંબાણીની આગેવાની હેઠળનું જૂથ તેની ૪૬મી એજીએમ માટે તૈયાર છે, ત્યારે રોકાણકારો રિલાયન્સ જિયોના પ્રારંભિક જાહેર ભરણા (IPO)ની સમયરેખા પર જાહેરાતની આતુરતાથી રાહ જોઈ રહ્યા છે, જે ઘણા બ્રોકરેજોએ અગાઉ કહ્યું હતું કે આ વર્ષે નહીં થાય.

૧૩. ગૌતમ અદાણી હવે વિદેશમાં પણ કારોબારનું સામ્રાજ્ય જમાવશે

દેશના સૌથી ધનિક કારોબારીઓની યાદીમાં સામેલ ગૌતમ અદાણીના અદાણી ગ્રુપની વિદેશમાં મોટી ડીલ કરવા રહ્યું છે. અદાણી ગ્રુપ તેની કંપની અદાણી પોર્ટ્સ દ્વારા પોર્ટ હસ્તગત કરવાની યોજના પર કામ કરી રહી છે. આ ડીલ દ્વારા યુરોપમાં ભારતીય નિકાસ સરળ બનશે. તમને જણાવી દઈએ કે આ વર્ષે અદાણીએ ઈઝરાયેલના પ્રખ્યાત બંદર હાઈફા પોર્ટને પણ હસ્તગત કરી લીધું છે. એક મીડિયા રિપ ોર્ટમાં ટાંકીને જણાવ્યું હતું કે વડા પ્રધાન નરેન્દ્ર મોદીની એક દિવસીય મુલાકાત દરમિયાન ગ્રીસમાં બંદરોના અધિગ્રહણની ચર્ચા થઈ હતી. અહેવાલ મુજબ જો તેની પ્રક્રિયા શરૂ થાય તો અદાણી થ એક અથવા વધુ પોર્ટ હસ્તગત કરવામાં રસ દાખવી શકે છે. અદાણી ગ્રૂપ ઉત્તર ગ્રીસમાં કાવાલા અને વોલોસ પોર્ટના અધિગ્રહણ પર વિચાર કરી શકે છે. તે એથેન્સથી ૩૩૦ કિમી દૂર સ્થિત છે. આ ઉપરાંત અદાણી જૂથ એલેક્ઝાન્ડ્રપોલી બંદરમાં પણ રસ દાખવી શકે છે. સ્થાનિક ગ્રીક મીડિયામાં એવી પણ ચર્ચા છે કે ભારત તેની યુરોપીયન નિકાસ માટે એથેન્સ નજીક ગ્રીસના પિરેયસ બંદરનો ઉપયોગ કરવાની શક્યતાઓ પણ શોધી રહ્યું છે. જો કે આ બંદર પર ચીનનું નિયંત્રણ છે. ચીનની ઋજી શિપિંગ ૬૭ ટકા હિસ્સા સાથે પિરેયસ પોર્ટમાં મુખ્ય હિસ્સેદારી છે. ચીને પીરિયસને આ ક્ષેત્રનું સૌથી મોટું બંદર બનાવ્યું છે. શી જિનપિંગે ૨૦૧૯ માં બંદરની મુલાકાત લીધી હતી અને તેને યુરોપ સાથે ચીનની સગાઈ સિવાય એશિયા અને યુરોપ વચ્ચે કનેક્ટિવિટી માટે એક મહત્વપૂર્ણ કેન્દ્ર તરીકે વર્ણવ્યું હતું. ઉત્તરી ગ્રીસમાં આવેલ કાવાલા એ પૂર્વી મેસેડોનિયા ક્ષેત્રનું મુખ્ય બંદર છે. જો કે, ભારત માટે યુરોપના પ્રવેશદ્વાર તરીકે સેવા આપવા માટે તેને વિસ્તારવાની જરૂર પડશે. જો ભારત એક અથવા વધુ બંદરો કબજે કરે છે, તો ગ્રીસ સત્તાવાર રીતે યુરોપમાં ભારતનું પ્રવેશદ્વાર બની જશે. અદાણી પોર્ટના શેરની સ્થિતિ પર એક નજર જોઈએ તો, અદાણી પોર્ટસ એન્ડ સ્પેશિયલ ઇકોનોમિક ઝોન એલ.ટી.ડી (છüટઅે જિ ગૃહÛ Ôટમ ઈóષ્ઠ ઢહી ન્ત્ય )ના શેર ૨૫ છેખ઼ના રોજ બપોરે ૩:૩૦ વાગે કારોબારની સમાપ્તિ સમીર ૮૦૬.૦૦ રૂપિયા પણ હતા. આ સમયે શેરમાં ૧૬.૩૫ રૂપિયા અથવા ૧.૯૯%નો ઘટાડો નોંધાયો હતો. ૧ વર્ષમાં રોકાણકારોને પ્રતિશેર ૩૦.૪૦ રૂપિયા અથવા ૩.૬૩%નું નુકસાન થયું છે.