• ૧. નવી સંસદમાં જતા પહેલા જૂના સંસદ ભવનમાં વડાપ્રધાન મોદીનું છેલ્લું ભાષણ
  
• ૨. કેન્દ્ર કેબિનેટે મહિલા અનામત બિલને આપી મંજૂરી
• ૩.મેડ ઈન ચાઈનાના હથિયારો દ્વારા સરહદ પર આતંકવાદી ષડયંત્ર
• ૪. નોઈડા અને ગ્રેટર નોઈડામાં ૨૨ સપ્ટેમ્બરના રોજ તમામ શાળાઓ અને કોલેજો બંધ રહેશે
• ૫. મહિલા આરક્ષણ બિલ સંસદમાં પસાર થવાની ૨૭ વર્ષ રાહ જોઈ
• ૬. ન્યૂયોર્કમાં બાંગ્લાદેશી લેખિકા તસ્લીમા નસરીનને છેલ્લી ક્ષણે બોલતા અટકાવાઈ ગઈ
• ૭. ઈરાન અને અમેરિકા વચ્ચે ૫ કેદીઓની અદલાબદલી થઇ
• ૮.પાકિસ્તાને ‘શસ્ત્ર ઉદ્યોગ' IMFની આંખોમાં ધૂળ નાખવાનો પ્રયાસ કર્યો!
• ૯. નિજ઼ર હત્યા કેસમાં કેનેડાએ ભારતની સંડોવણીના આક્ષેપો કરતા ભારતે પણ જવાબ આપ્યો
• ૧૦. ખાલિસ્તાની આતંકવાદી નિજ઼ર વિષે જાણો કે જેના પર હતું લાખોનું ઈનામ
• ૧૧. પાકિસ્તાનમાં ફરી લઘુમતી સમુદાય પર ફરી હુમલો, ૩ ધાર્મિક સ્થળના મિનારા તોડી પડાયા
• ૧૨. શિકાગોના રોમિયોવિલેમાં ૪ લોકોની ગોળી મારીને હત્યા કરાઈ, જેમાં બે બાળકો પણ સામેલ
• ૧૩. સ્ટેટ બેંક ઓફ ઈન્ડિયાની નવી પહેલ, લોન લેનારાઓના ઘરે મોકલાશે ચોકલેટ

(સમાચારની વિસ્ત્રુત માહિતી નીચે છે)

નવી સંસદમાં જતા પહેલા વડાપ્રધાન નરેન્દ્ર મોદીએ આજે જૂની સંસદના સેન્ટ્રલ હોલમાં પોતાનું છેલ્લું ભાષણ આપ્યું હતું. પીએમ મોદીએ પોતાના સંબોધનમાં જૂની સંસદનું નામ બદલવાનું સૂચન કર્યું હતું. તેમણે કહ્યું કે મારી પ્રાર્થના અને સૂચન છે કે હવે જ્યારે અમે નવા ગૃહમાં જઈ રહ્યા છીએ ત્યારે જૂની સંસદની ગરિમા ક્યારેય ખરડાય નહીં. ફક્ત તેને જૂની સંસદ કહો, આવું ન કરવું જોઈએ. તેથી, હું વિનંતી કરું છું કે ભવિષ્યમાં, જો તમે તમારી સંમતિ આપો, તો તેને ‘સંવિધાન સદન’ તરીકે ઓળખવામાં આવે, જેથી તે કાયમ માટે આપણી જીવંત પ્રેરણા બની રહે. પોતાના ભાષણની શરૂઆતમાં પીએમ મોદીએ કહ્યું કે અમે સાથે મળીને સંસદની નવી ઇમારતમાં નવા ભવિષ્યનું ઉદ્ઘાટન કરવા જઈ રહ્યા છીએ. આજે, અમે એક વિકસિત ભારતના સંકલ્પને પુનરાવર્તિત કરવાના આશય સાથે અહીં નવી ઇમારત તરફ આગળ વધી રહ્યા છીએ, ફરી એકવાર સંકલ્પબદ્ધ થઈને અને તેને પૂર્ણ કરવા માટે પૂરા દિલથી કામ કરી રહ્યા છીએ.

પીએમ મોદીએ કહ્યું કે આ જ સંસદમાં શાહબાનો કેસને કારણે મુસ્લિમ બહેનો અને દીકરીઓ માટે ન્યાયની રાહ ઊંધી પડી ગઈ હતી, આ જ ગૃહે તે ભૂલો સુધારી અને અમે બધાએ મળીને ટ્રિપલ તલાક વિરુદ્ધ કાયદો પસાર કર્યો. પાછલા વર્ષોમાં સંસદે એવા કાયદા પણ બનાવ્યા છે જે ટ્રાંસજેન્ડરોને ન્યાય આપે છે, જેના દ્વારા આપણે તેમને નોકરી, શિક્ષણ, આરોગ્ય અને અન્ય સુવિધાઓ ગૌરવ સાથે, ટ્રાંસજેન્ડરો પ્રત્યે સદ્ઘાવના અને આદરની ભાવના સાથે પ્રદાન કરી શકીએ છીએ. અમે આ દિશામાં આગળ વધ્યા છીએ. પીએમ મોદીએ એમ પણ કહ્યું કે સામાજિક ન્યાય એ આપણી પહેલી શરત છે. સામાજિક ન્યાય વિના અને સંતુલન વિના, સમાનતા વિના, આપણે ઇચ્છિત પરિણામો પ્રાપ્ત કરી શકતા નથી, પરંતુ સામાજિક ન્યાયની ચર્ચા ખૂબ જ મર્યાદિત રહી છે. આપણે તેને વ્યાપક રીતે જોવું પડશે. પીએમ મોદીએ વધુમાં કહ્યું કે ભાગ્યે જ એક દશક એવો હશે જ્યારે સંસદમાં કોઈ ચર્ચા, ચિંતા અને માંગ ન હોય. આક્રોશ પણ વ્યકત કરવામાં આવ્યો હતો, તે સભામાં તેમજ સભાની બહાર પણ થયું હતું. પરંતુ આપણે સૌ ભાગ્યશાળી છીએ કે અમને ગૃહમાં કલમ ૩૭૦માંથી આઝાદી મેળવવા અને અલગતાવાદ અને આતંકવાદ સામે લડવાની તક મળી. આ તમામ મહત્વના કાર્યોમાં માનનીય સાંસદો અને સંસદે મોટી ભૂમિકા ભજવી હતી.

૨. કેન્દ્ર કેબિનેટે મહિલા અનામત બિલને આપી મંજૂરી

કેન્દ્રીય કેબિનેટે સોમવારે મહિલા અનામત બિલને મંજૂરી આપી દીધી છે. કોંગ્રેસે તેનું સ્વાગત કર્યું અને કહ્યું કે સર્વપક્ષીય બેઠકમાં ચર્ચા કરીને સર્વસંમતિ રચી શકાઈ હોત. આ સાથે કોંગ્રેસે એમ પણ કહ્યું કે કેબિનેટનો આ નિર્ણય એ પાર્ટીઓની જીત છે જે યુપીએ સરકારમાં તેના સહયોગી હતા, કારણ કે આ બિલ તેમની સરકારના કાર્યકાળ દરમિયાન રાજ્યસભામાં પસાર થયું હતું. તે જ સમયે, કોંગ્રેસે તેના પૂર્વ અધ્યક્ષ રાહુલ ગાંધી દ્વારા ૧૬ જુલાઈ, ૨૦૧૮ના રોજ વડાપ્રધાન નરેન્દ્ર મોદીને લખેલો પત્ર પણ જાહેર કર્યો. આ પત્રમાં મહિલા અનામત બિલને તાત્કાલિક પસાર કરવાની માંગ કરવામાં આવી હતી. કોંગ્રેસના વરિષ્ઠ નેતા પી ચિદમ્બરમે સોશિયલ મીડિયા પ્લેટફોર્મ 'X' (અગાઉના ટ્વિટર) પર પોસ્ટ કર્યું હતું કે, જો સરકાર મહિલા અનામત બિલ રજૂ કરે છે, તો તે કોંગ્રેસ અને યુપીએ સરકારમાં તેના સાથી પક્ષોની જીત હશે. તેમણે લખ્યું છે કે આ બિલ યુપીએ સરકાર દરમિયાન ૯ માર્ચ ૨૦૧૦ના રોજ રાજ્યસભામાં પસાર થયું હતું. તેમણે કહ્યું કે ભાજપ તેના કાર્યકાળના ૧૦મા વર્ષમાં તે બિલને પુનર્જીવિત કરી રહ્યું છે, જેને આ આશામાં દબાવી દીધું હતું કે બિલ પરનો અવાજ મરી જશે. કોંગ્રેસ નેતાના જણાવ્યા અનુસાર હૈદરાબાદમાં મળેલી પાર્ટીની વર્કિંગ કમિટીની બેઠકમાં કોંગ્રેસે પણ સંસદમાં બિલ પાસ કરાવવાની જોરદાર અપીલ કરી હતી. ચિદમ્બરમે કહ્યું કે તેમને આશા છે કે વિશેષ સત્રમાં આ બિલ રજૂ કરવામાં આવશે અને પસાર કરવામાં આવશે. તે દરમિયાન પાર્ટીના મહાસચિવ જયરામ રમેશે કહ્યું કે તેમની પાર્ટી લાંબા સમયથી આ બિલ પસાર કરવાની માંગ કરી રહી છે. તેમણે 'X' પર પોસ્ટ કર્યું કે કોંગ્રેસ લાંબા સમયથી મહિલા અનામત લાગુ કરવાની માંગ કરી રહી છે. અમે કેન્દ્રીય કેબિનેટના નિર્ણયના સમાચારને આવકારીએ છીએ અને બિલની વિગતોની રાહ જોઈ રહ્યા છીએ. જયરામ રમેશે કહ્યું કે વિશેષ સત્ર પહેલા સર્વપક્ષીય બેઠકમાં આ અંગે સંપૂર્ણ ચર્ચા થઈ શકી હોત અને પડદા પાછળના રાજકારણને બદલે સર્વસંમતિ રચી શકાઈ હોત. તેમણે પોતાની એક જૂની પોસ્ટનો ઉલ્લેખ કર્યો હતો, જેમાં મહિલા અનામત બિલની પૃષ્ઠભૂમિનો ઉલ્લેખ કરવામાં આવ્યો હતો. તેમણે કહ્યું હતું કે પંચાયતો અને નગરપાલિકાઓમાં મહિલાઓ માટે એક તૃતીયાંશ અનામત માટે રાજીવ ગાંધીએ મે ૧૯૮૯ના મહિનામાં બંધારણ સંશોધન બિલ રજૂ કરનાર પ્રથમ વ્યક્તિ હતા. તે બિલ લોકસભામાં પસાર થયું હતું, પરંતુ સપ્ટેમ્બર ૧૯૮૯માં રાજ્યસભામાં પસાર થઈ શક્યું ન હતું. જયરામ રમેશના જણાવ્યા અનુસાર, એપ્રિલ ૧૯૯૩માં તત્કાલિન વડાપ્રધાન પીવી નરસિમ્હા રાવે પંચાયતો અને મ્યુનિસિપલ સંસ્થાઓમાં મહિલાઓ માટે એક તૃતીયાંશ અનામત માટે બંધારણ સંશોધન બિલ ફરીથી રજૂ કર્યું હતું. બંને બિલ પસાર થયા અને કાયદા બન્યા. આજે પંચાયતો અને મ્યુનિસિપલ સંસ્થાઓમાં ૧૫ લાખથી વધુ ચૂંટાયેલી મહિલા પ્રતિનિધિઓ છે. આ આંકડો લગભગ ૪૦ ટકા છે. કોંગ્રેસના નેતાએ કહ્યું હતું કે તત્કાલિન વડાપ્રધાન ડૉ. મનમોહન સિંહ સંસદ અને રાજ્યની વિધાનસભાઓમાં મહિલાઓ માટે એક તૃતીયાંશ અનામત માટે બંધારણ સંશોધન બિલ લાવ્યા હતા. આ ખરડો ૯ માર્ચ, ૨૦૧૦ના રોજ રાજ્યસભામાં પસાર થયો હતો, પરંતુ લોકસભામાં લઈ શકાયો ન હતો. તેમણે કહ્યું હતું કે રાજ્યસભામાં રજૂ કરાયેલા પાસ કરાયેલા ખરડાઓ સમાપ્ત થતા નથી. તેથી જ મહિલા અનામત બિલ હજુ પણ અસ્તિત્વમાં છે. કોંગ્રેસ છેલ્લા નવ વર્ષથી માંગ કરી રહી છે કે મહિલા અનામત બિલ, જે રાજ્યસભામાં પસાર થઈ ચૂક્યું છે, તેને લોકસભામાંથી પણ પસાર કરવામાં આવે.

૩.મેડ ઈન ચાઈનાના હથિયારો દ્વારા સરહદ પર આતંકવાદી ષડયંત્ર

પાકિસ્તાન ભારત વિરુદ્ધ મોટું ષડયંત્ર રચી રહ્યું છે. ભારતીય સુરક્ષા એજન્સીઓએ પીઓકેમાં છુપાયેલા આતંકવાદીઓના જુદા જુદા ગ્રુપ વિશે માહિતી એકત્રિત કરી છે, જેઓ ઘૂસણખોરી માટે યોગ્ય તક શોધી રહ્યા છે. છેલ્લા કેટલાક દિવસોથી જે તસવીરો સામે આવી રહી છે તે પણ સાબિત કરે છે કે આતંકવાદીઓ એક ગ્રુપ દ્વારા ભારતીય સરહદમાં ઘૂસવાનો પ્રયાસ કરી રહ્યા છે. પાકિસ્તાની સેના “મેડ ઈન ચાઈના' હથિયારોની મદદથી સરહદ પર એક મોટું આતંકવાદી ષડયંત્ર રચી રહી છે. સુત્રો પાસેથી મળેલી માહિતી મુજબ પાકિસ્તાન સેના પીઓકેના લોન્ચિંગ પેડ પર મોટી સંખ્યામાં આતંકીઓને એકઠા કરી રહી છે. પાકિસ્તાની સેના આ આતંકવાદીઓને મદદ કરી રહી છે. આટલું જ નહીં, પાક આર્મી લોન્ચપેડની નજીક કોંક્રીટના બંકરો બનાવી રહી છે અને આ બંકરોમાં આતંકવાદીઓને છુપાવી રહી છે. જેથી કરીને ભારતીય સેનાની તેમની નજર ન પડે અને આ આતંકવાદીઓ ઘણા દિવસો સુધી આ બંકરોમાં છુપાઈને રહી શકે. હવે આતંકવાદીઓએ જમ્મુ-કાશ્મીરમાં આતંકવાદી ગતિવિધિઓને અંજામ આપવા માટે તેમની પેટર્ન પણ બદલી છે. હવે આ આતંકવાદીઓ અચાનક હુમલો કરી રહ્યા છે. આતંકવાદીઓ હવે નકસલવાદીઓની પદ્ધતિઓ અપનાવીને સશસ્ત્ર દળોને નિશાન બનાવી રહ્યા છે અને તેનું જીવતું જાગતું ઉદાહરણ અનંતનાગમાં બનેલી આતંકવાદી ઘટના છે. હાલમાં જ પૂંછમાં આતંકી હુમલો થયો હતો, જેમાં આતંકીઓએ સેનાના એક વાહનને નિશાન બનાવ્યું હતું. સેન્ટ્રલ રિઝર્વ પોલીસ ફોર્સના કોબરા કમાન્ડોની પ્રથમ બેચે જમ્મુ અને કાશ્મીરના જંગલોમાં તાલીમ પૂર્ણ કરી છે અને તેને કુપવાડામાં તૈનાત કરવામાં આવી છે. આ પ્રથમ વખત છે જ્યારે માઓવાદી બળવાખોરો સામે લડવા માટે ૨૦૦૯માં રચાયેલી કમાન્ડો બટાલિયન ફોર રિઝોલ્યુટ એક્શન (કોબ્રા)ને મધ્ય અને પૂર્વ ભારતમાંથી હટાવીને જમ્મુ અને કાશ્મીર મોકલવામાં આવી છે. બિહાર અને ઝારખંડમાંથી કેટલીક કોબ્રા કંપનીઓ આંશિક રીતે પાછી ખેંચી લેવામાં આવી છે કારણ કે ત્યાં નકસલી હિંસાના કેસમાં ઘટાડો થયો હતો. છ મહિના પહેલા જમ્મુ-કાશ્મીરના જંગલોમાં તેની ટ્રેનિંગ શરૂ થઈ હતી. હવે ટ્રેનિંગ પૂરી થઈ ગઈ છે અને તેમને કુપવાડામાં તૈનાત કરવામાં આવ્યા છે, પરંતુ હજુ સુધી કોઈ ઓપરેશનમાં તેમનો ઉપયોગ કરવામાં આવ્યો નથી. સુત્રોથી એક સમાચાર એન્જસીને જાણવા મળેલી માહિતી જે જણાવીએ તો, હવે સેના એવા હથિયારો પર કામ કરી રહી છે, જેને એક જગ્યાએથી બીજી જગ્યાએ લઈ જવામાં ખૂબ જ સરળ છે. તેમાં એવી તોપો અને રોકેટ પ્રણાલીઓનો સમાવેશ કરવામાં આવશે જે ઉચ્ચ ગતિશીલતા ધરાવે છે એટલે કે જે સરળતાથી એક જગ્યાએથી બીજી જગ્યાએ જઈ શકે છે. આનો અર્થ એ છે કે દળો હવે એવી બંદૂકો અને હથિયારો પર ધ્યાન કેન્દ્રિત કરી રહ્યા છે જે વજનમાં ઓછા હોય અને કોઈપણ ભૂપ્રદેશમાં ઉપ યોગમાં લઈ શકાય. ઉપરાંત, તેઓ આતંકવાદીઓ અને દૂર બેઠેલા દુશ્મનોને નિશાન બનાવી શકે છે.

૪. નોઈડા અને ગ્રેટર નોઈડામાં ૨૨ સપ્ટેમ્બરના રોજ તમામ શાળાઓ અને કોલેજો બંધ રહેશે

નોઈડા અને ગ્રેટર નોઈડામાં ૨૨ સપ્ટેમ્બરના તમામ શાળાઓ અને કોલેજો બંધ થઈ જશે, તો ITS ૨૦૨૩ અને મોટોજીપીની કારણ થનારી ભીડના કારણે સરકારે આદેશ જાહેર કર્યો છે. ત્યારે આ ભીડનો કોઈ બાળક ભોગ ન બને અને ભીડના કારણે અકસ્માત થતા બચી શકે. જેના માટે વ્યવહારિક અને કાયદો બનાવવો સરળ રહેશે. નોઈડા અને ગ્રેટર નોઈડાના તમામ શાળાઓ અને કોલેજોના સંચાલકો તરફથી આદેશ ચાલુ કરવામાં આવ્યો છે. આ આદેશના પાછળના કારણનું કારણ આંતરરાષ્ટ્રિય વ્યાપાર શો અને ગ્રેટર નોઈડામાં મોટોજીપી રેસિંગ બતાવામાં આવી રહ્યું છે. પીટીઆઈ અનુસાર, અધિકારીઓએ કહ્યું કે મોટોજીપી અને આઈટીએસ દરમિયાન ઘણા લોકોના આગમનને કારણે શહેરમાં ભીડનું વાતાવરણ હોઈ શકે છે. તેને ધ્યાનમાં રાખીને આ નિર્ણય લેવામાં આવ્યો છે. વાસ્તવમાં, ITS ૨૦૨૩ નું આયોજન ૨૧ થી ૨૫ તારીખ સુધી ઈન્ડિયા એક્સ્પો સેન્ટર અને માર્ટમાં થવા જઈ રહ્યું છે, જ્યારે MotoGP એટલે કે ગ્રાન્ડ પ્રિકસ મોટરસાઈકલ રેસિંગનું આયોજન ૨૨ થી ૨૪ સપ્ટેમ્બર સુધી ગ્રેટર નોઈડાના બુદ્ધ ઈન્ટરનેશનલ સર્કિટમાં કરવામાં આવી રહ્યું છે. શાળા અને કોલેજો સહિત તમામ શૈક્ષણિક સંસ્થાઓ માટે વહીવટીતંત્ર દ્વારા બે અલગ-અલગ આદેશ જારી કરવામાં આવ્યા છે. શાળાના જિલ્લા નિરીક્ષક ધરમવીર સિંહે કહ્યું કે આ બંને ઘટનાઓને કારણે ઘણા લોકો શહેરમાં આવવાની અપેક્ષા છે. તેથી શહેરમાં બિનજરૂરી ભીડને ટાળી શકાય અને બીજી તરફ કાયદો અને વ્યવસ્થા પણ જળવાઈ રહે તે માટે જિલ્લા મેજીસ્ટ્રેટના આદેશ મુજબ આ નિર્ણયો લેવામાં આવ્યા છે. તેનાથી શાળાઓ અને અન્ય શૈક્ષણિક સંસ્થાઓમાં જતા વિદ્યાર્થીઓ તેમજ તેમના વાલીઓને રાહત મળશે. આ આદેશ નોઈડા અને ગ્રેટર નોઈડાની તમામ શૈક્ષણિક સંસ્થાઓને લાગુ પડશે. જો કે, આદેશમાં કહેવામાં આવ્યું છે કે જો જરૂરી હોય તો, શાળાઓ અને કોલેજો ઑનલાઇન વર્ગો ચલાવી શકે છે. ITS ૨૦૨૩ અને MotoGP ને કારણે વધારાની ભીડને ટાળવા માટે નોઇડા અને ગ્રેટર નોઇડામાં તમામ શાળાઓ અને કોલેજો ૨૨ સપ્ટેમ્બરે બંધ રહેશે. જેનાથી ટ્રાફિક અને કાયદોઅને વ્યવસ્થા જાળવવામાં સરળતા રહેશે.

૫. મહિલા આરક્ષણ બિલ સંસદમાં પસાર થવાની ૨૭ વર્ષ રાહ જોઈ

સંસદના વિશેષ સત્ર દરમિયાન મોદી કેબિનેટે મહત્વનો નિર્ણય લીધો છે. ૫૦ ટકા વસ્તીને આશ્ચર્ય આપતા સરકારે સત્રમાં મહિલા અનામત બિલ લાવવાનો નિર્ણય કર્યો છે. આ બિલને સોમવારે કેબિનેટની મંજૂરી મળી હતી. મહિલા અનામત બિલ અત્યાર સુધીમાં ૬ વખત સંસદમાં રજૂ કરવામાં આવ્યું છે. આ બિલ સૌપ્રથમ ૧૯૯૬માં દેવેગૌડા સરકારે રજૂ કર્યું હતું. વાજપેયી સરકાર આ બિલ ૪ વખત લાવી હતી.૨૦૦૮માં યુપીએ સરકારે મહિલા અનામત બિલ રજૂ કર્યું હતું. ૨૦૧૦માં આ બિલ રાજ્યસભામાં પસાર થયું હતું, પરંતુ લોકસભામાં અટકી ગયું હતું. જો કે આ વખતે કોંગ્રેસ સહીત તમામ મોટી પાર્ટીઓ તેને સમર્થન આપી રહી હોવાથી આસાનીથી પાસ થવાની આશા છે. ટીએમસી, આમ આદમી પાર્ટી, ડીએમકે અને અન્ય પક્ષો બિલના સમર્થનમાં છે. પહેલા જેડીયુ તેનો વિરોધ કરતી હતી, પરંતુ આ વખતે તે પણ સમર્થનમાં આવી ગઈ છે. સમાજવાદી પાર્ટી મહિલા અનામતનો વિરોધ કરતી રહી છે, પરંતુ આ વખતે તેણે કેટલીક શરતો સાથે તેનું સમર્થન કર્યું છે. આ એક એવું બિલ છે જે લાંબા સમયથી સંસદમાં પસાર થવાની આતુરતાપૂર્વક રાહ જોઈ રહ્યું હતું. જ્યારે આ બિલ તેના પ્રારંભિક તબક્કામાં હતું, ત્યારે તેને તોડી પાડવામાં આવ્યું હતું. ૧૯૯૮ની વાત છે. આ કૃત્ય તત્કાલિન નાયબ વડાપ્રધાન લાલકૃષ્ણ અડવાણીની સરકારમાં આરજેડી સાંસદ સુરેન્દ્ર યાદવે કર્યું હતું. સંસદના ઈતિહાસમાં આ એક ડાઘ માનવામાં આવે છે. જ્યારે પણ સંસદમાં અભદ્ર દ્રશ્યોની ચર્ચા થાય છે ત્યારે તેમની એ હરકતોની ચર્ચા ચોક્કસ થાય છે. આ પછી સુરેન્દ્ર યાદવે ઘણી વખત સાંસદ બનવાનો પ્રયાસ કર્યો પરંતુ તેઓ ફરી સાંસદના બની શક્યા અને ફરી ક્યારેય લોકસભામાં ન પહોંચી શક્યા. સુરેન્દ્ર યાદવ આરજેડી પ્રમુખ લાલુ પ્રસાદ યાદવના નજીકના માનવામાં આવે છે. તેઓ હજુ પણ રાજકારણમાં સક્રિય છે અને નીતિશ સરકારમાં મંત્રી છે. સુરેન્દ્ર યાદવે કહ્યું હતું કે બાબા સાહેબ ભીમરાવ આંબેડકર તેમના સપનામાં આવ્યા હતા અને તેમને કહ્યું હતું કે બંધારણ ખતરામાં છે. અને તેના કારણે તેણે અડવાણી પાસેથી બિલ છીનવી લીધું અને ફાડી નાખ્યું હતુ. સુરેન્દ્ર યાદવની છબી એક શક્તિશાળી નેતા તરીકેની રહી છે. હવે સવાલ એ છે કે આ બિલના અમલ પછી શું બદલાશે. જો ૨૦૨૪ની લોકસભા ચૂંટણીમાં આનો અમલ કરવામાં આવે તો સંસદમાં મહિલા સાંસદોની સંપૂર્ણ સંખ્યા બદલાઈ જશે. હાલમાં લોકસભામાં મહિલા સાંસદોની સંખ્યા ૭૮ છે. જો મહિલા અનામત બિલ પસાર થશે તો મહિલા સાંસદોની સંખ્યા ઓછામાં ઓછી ૩૩ ટકા થશે એટલે કે મહિલા સાંસદોની સંખ્યા વધીને ૧૭૯ થઈ જશે. વાસ્તવમાં મહિલા મતદારો ભાજપની તાકાત છે. ૨૦૧૪માં ૨૯ ટકા મહિલાઓએ ભાજપને મત આપ્યો હતો જે ૨૦૧૯ની ચૂંટણીમાં વધીને ૩૬ ટકા થયો હતો. એટલે કે ૨૦૧૪ થી ૨૦૧૯ સુધીમાં ભાજપને મત આપનાર મહિલા મતદારોની સંખ્યામાં ૭ ટકાનો વધારો થયો છે. આ ચૂંટણીના આંકડા દર્શાવે છે કે મહિલાઓ ભાજપની મુખ્ય મતદાતા તરીકે ઉભરી આવી છે. આઝાદી પહેલા પ્રથમ વખત સરોજિની નાયડુએ મહિલા આરક્ષણનો વિચાર આગળ ધપાવ્યો હતો. તે સમયે મહિલાઓ આઝાદીની ચળવળમાં સક્રિયપણે ભાગ લેતી હતી. ૧૯૩૧માં સરોજિની નાયડુએ બ્રિટિશ પ ીએમને એક પત્ર લખ્યો હતો. પત્રમાં મહિલાઓને રાજકીય અધિકાર આપવાની વાત કરવામાં આવી હતી. સરોજિની નાયડુ મહિલાઓને નોમિનેટ કરવાની વિરુદ્ધ હતા. તેમનું માનવું હતું કે મહિલાઓનું નામાંકન તેમનું અપમાન છે. તે ઈચ્છતી હતી કે મહિલાઓ લોકશાહી ઢબે ચૂંટાય. આ પછી જ મહિલા અનામતની વાત શરૂ થઈ.

૬. ન્યૂયોર્કમાં બાંગ્લાદેશી લેખિકા તસ્લીમા નસરીનને છેલ્લી ક્ષણે બોલતા અટકાવાઈ ગઈ

બાંગ્લાદેશમાં જન્મેલી બંગાળી લેખિકા તસ્લીમા નસરીન, ભારતમાં નિર્વાસિત જીવન જીવી રહી છે, આયોજકોએ વિવાદના ડરથી રવિવારે ૩૨માં ન્યૂયોર્ક બંગાળી પુસ્તક મેળામાં એક સિમ્પોઝિયમને સંબોધિત કરવાની મંજૂરી આપી ન હતી. અમેરિકા સ્થિત બાંગ્લાદેશી ન્યૂઝ વેબસાઈટ દ્વારા અહેવાલમાં જણાવાયું છે કે તસ્લીમા, હાલમાં યુનાઈટેડ સ્ટેટ્સમાં છે, તેણે શનિવારે ન્યૂયોર્ક બંગાળી પુસ્તક મેળાની મુલાકાત લીધી હતી અને ટૂંક સમયમાં જ સેંકડો બંગાળી પુસ્તક પ્રેમીઓથી ઘેરાઈ ગઈ હતી, જેમણે તેના ઓટોગ્રાફ માંગ્યા હતા અને સેલ્ફી માટે પોઝ આપ્યો હતો. મુક્તધારા ફાઉન્ડેશન દ્વારા જમૈકા પરફોર્મિંગ આર્ટસ સેન્ટર ખાતે ૧૪ જુલાઈથી ચાર દિવસીય પુસ્તક મેળાનું આયોજન કરવામાં આવ્યું હતું. તસ્લીમાને આમંત્રણ ન હોવા છતાં, તેણીએ બંગાળી લેખક સિતાંગશુ ગુહા અને અન્ય સ્થાનિક રહેવાસીઓ સહિત તેના સામાન્ય મિત્રોના કહેવાથી મેળામાં આવવાનું નક્કી કર્યું. પુસ્તક મેળાના સંયોજકે તેમને બીજા દિવસે ૨૦ મિનિટ માટે એક પરિસંવાદને સંબોધવા માટે આમંત્રણ આપ્યું હતું, પ રંતુ આયોજક સમિતિ પાછળથી તેમને ભાષણ માટે આમંત્રિત કરવા કે નહીં તે અંગે વિભાજિત થઈ ગઈ હતી. આખરે તેમને સેમિનારને સંબોધતા અટકાવવામાં આવ્યા હતા.વેબસાઈટના રિપોર્ટ અનુસાર, બંને પક્ષો વચ્ચે લાંબી ચર્ચા બાદ તસ્લીમાને કહેવામાં આવ્યું કે તેમને સેમિનારને સંબોધિત કરવાની મંજૂરી આપવામાં આવશે નહીં. બાંગ્લાદેશી પત્રકાર હસનુગ્ઝમાન સાકીએ કહ્યું, ‘આ દુઃખ અને શરમની વાત છે કે બાંગ્લાદેશ અને પશ્ચિમ બંગાળમાં પ્રવેશની પરવાનગી નકાર્યા પછી, તસ્લીમાને હવે ન્યૂયોર્કમાં તેના પોતાના દેશના લોકોને સંબોધવાની મંજૂરી આપવામાં આવી નથી. આયોજકોના એક વર્ષે તેમને બોલવા ન દેવાથી સંકુચિત માનસિકતા દર્શાવી હતી.’ ન્યૂયોર્ક બંગાળી પુસ્તક મેળાનું ઉદ્ઘાટન ૧૪ જુલાઈના રોજ બાંગ્લાદેશી લેખક શાહદુગ્ઝમાન દ્વારા કરવામાં આવ્યું હતું અને સ્વાતંત્ર્ય સેનાની ડૉ. સેતારા રહેમાન મુખ્ય અતિથિ હતા. તસ્લીમા નસરીનને ૧૯૯૪માં બાંગ્લાદેશથી ભાગી જવાની ફરજ પડી હતી, જ્યારે કટ્ટરપંથી મુસ્લિમ ધર્મગુરુઓએ તેમની નવલકથાઓ અને લેખોમાં ઇસ્લામને નિશાન બનાવવા બદલ તેમની વિરુદ્ધ મૃત્યુનો ‘ફતવો’ બહાર પાડ્યો હતો. ભારતમાં બાબરી મસ્જિદના ધ્વંસ પછી બાંગ્લાદેશમાં હિંદુ-વિરોધી રમખાણો પર આધારિત બંગાળીમાં તેમની ગ્રાઉન્ડબ્રેકિંગ નવલકથા ‘લજ્જા’ (શરમ) બેસ્ટ સેલર છે. બાંગ્લાદેશ સરકારે ‘લજ્જા’ અને તેના પછીના કેટલાક પુસ્તકો પર પ્રતિબંધ મૂક્યો હતો. તેણે તેનો બાંગ્લાદેશી પાસપોર્ટ પણ રદ કર્યો હતો, જેના કારણે તેને ભારતને પોતાનું ઘર બનાવતા પહેલા કેટલાક પશ્ચિમી દેશોમાં આશ્રય લેવાની ફરજ પડી હતી. ૨૦૦૭માં હૈદરાબાદમાં એક મીટિંગમાં મુસ્લિમ કટ્ટરપંથીઓની આગેવાની હેઠળના ટોળા દ્વારા તેમના પર હુમલો કરવામાં આવ્યો હતો. ઇસ્લામિક કટ્ટરપ થીઓની હિંસા પછી, સુરક્ષા કારણોસર તેને કોલકાતા છોડવાની ફરજ પડી હતી. હવે તસ્લીમા ૨૦૧૨થી કડક સુરક્ષા હેઠળ દિલ્હીમાં રહે છે અને તેની નિવાસ પરવાનગી લગભગ દર વર્ષે લંબાવવામાં આવે છે.

૭. ઈરાન અને અમેરિકા વચ્ચે ૫ કેદીઓની અદલાબદલી થઇ

ઈરાન સાથેના કેદીઓના અદલાબદલીના ભાગરૂપે અમેરિકા દ્વારા માંગવામાં આવેલા પાંચ કેદીઓ સોમવારે તેહરાન છોડીને કતર પહોંચ્યા હતા. એક અધિકારીએ આ માહિતી આપી. કેદીઓ કતર પહોંચ્યા બાદ અમેરિકી રાષ્ટ્રપતિ જો બાઈડન એક નિવેદનમાં કહ્યું કે ઈરાનમાં કેદ કરાયેલા પાંચ નિર્દોષ અમેરિકનો આખરે સ્વદેશ પ રત ફરી રહ્યા છે. કતર ખાતેના અમેરિકી રાજદૂત વિમાનના આગમન બાદ અટકાયતીઓને મળ્યા હતા. મીડિયા અહેવાલો અનુસાર, દિવસની શરૂઆતમાં, ફ્લાઇટ મૂવમેન્ટ ડેટાના વિશ્લેષણના આધારે, કતર એરવેઝના એક વિમાને તેહરાનના મેહરાબાદ ઇન્ટરનેશનલ એરપોર્ટથી ઉડાન ભરી હતી. ભૂતકાળમાં કેદીઓની વિનિમયમાં પણ તેનો ઉપયોગ કરવામાં આવ્યો છે. તરત જ, ઈરાનના સરકારી મીડિયાએ પણ કહ્યું કે પ્લેન તેહરાનથી ટેકઓફ થઈ ગયું છે. એક અધિકારીએ માહિતી આપી હતી કે કેદીઓની આ અદલાબદલી લગભગ છ અબજ ડોલરની ઈરાની સંપત્તિ કતર પહોંચ્યા પછી થશે. આ અદલાબદલીની મુખ્ય શરતોમાંની એક છે. જો કે, કેદીઓની અદલાબદલીનો અર્થ એ નથી કે અમેરિકા અને ઈરાન વચ્ચે તણાવ ઓછો થયો છે. મળતી માહિતી મુજબ ઈરાનના પરમાણુ કાર્યક્રમ સહિત ઘણા મુદ્દાઓ પર બંને દેશો વચ્ચે તણાવ ચાલી રહ્યો છે. ઈરાન કહે છે કે તેનો પરમાણુ કાર્યક્રમ શાંતિપૂર્ણ છે પરંતુ તેનું યુરેનિયમ સંવર્ધન હાલમાં શસ્ત્રો બનાવવા માટે યોગ્ય સ્તરે પહોંચી રહ્યું છે. ઈરાનના વિદેશ મંત્રાલયના પ્રવક્તા નાસેર કાનાનીએ સૌપ્રથમ સ્વીકાર્યું હતું કે સોમવારે કેદીઓની અદલાબદલી થશે. તેમણે કહ્યું કે આ અદલાબદલી માટે માંગવામાં આવેલી રોકડ રકમ હવે કતર પાસે છે. આ રકમ અગાઉ દક્ષિણ કોરિયા પાસે હતી. રાજ્યના ટેલિવિઝન પર પ્રસારિત પ્રેસ કોન્ફરન્સમાં કનાનીએ આ ટિપ્પણી કરી હતી. પરંતુ તેમની ટિપ્પણી બાદ આગળનું પ્રસારણ બંધ કરી દેવામાં આવ્યું હતું. કનાનીએ કહ્યું હતું કે દક્ષિણ કોરિયા સહિત કેટલાક દેશોમાં સ્થગિત કરાયેલી ઈરાનની સંપત્તિ હવે ડિફોઝ કરવામાં આવી છે. અલ્લાહની મરજીથી હવે તમામ મિલકત સરકાર અને દેશના નિયંત્રણમાં આવશે. તેમણે કહ્યું કે જ્યાં સુધી કેદીઓની અદલાબદલીનો સવાલ છે, તે સોમવારે થશે અને ઇસ્લામિક રિપબ્લિકના પાંચ નાગરિકોને યુએસ જેલમાંથી મુક્ત કરવામાં આવશે. તેમણે કહ્યું કે ઈરાનમાં રખાયેલા પાંચ કેદીઓને અમેરિકાને સોંપવામાં આવશે. તેમણે કહ્યું કે બે ઈરાની કેદીઓ અમેરિકામાં જ રહેશે.

૮.પાકિસ્તાને ‘શસ્ત્ર ઉદ્યોગ· IMFની આંખોમાં ધૂળ નાખવાનો પ્રયાસ કર્યો!

રોકડ સંકટનો સામનો કરી રહેલા પાકિસ્તાનની ગરીબી શબ્દોમાં વ્યક્ત કરી શકાય તેમ નથી. રાશનથી લઈને સામાન્ય આવશ્યક ચીજવસ્તુઓ સુધીના ભાવ આસમાને છે. આમ છતાં પાકિસ્તાને અમેરિકા સાથે હથિયારોના સોદા કર્યા હોવાના અહેવાલો છે. આ હથિયાર ઉદ્યોગના નામે પાકિસ્તાન IMFની આંખમાં ધૂળ નાખીને બેલ આઉટ પેકેજ મેળવી રહ્યું છે. અમેરિકાની એક નોન-પ્રોફિટ ડિજિટલ ન્યૂઝ ઓર્ગેનાઈઝેશન ઈન્ટરસેપ્ટે એક અહેવાલ પ્રકાશિત કર્યો છે કે પાકિસ્તાન પડદા પાછળ અમેરિકા સાથે હથિયારોનો સોદો કરી રહ્યું છે. રશિયા-યુક્રેન યુદ્ધમાં યુક્રેનિયન આર્મીને આ હથિયારો પૂરા પાડવામાં આવી રહ્યા છે, જેથી તે રશિયા સામેની લડાઈને વધુ મજબૂત કરી શકે. ઈન્ટરસેપ્ટે પાકિસ્તાની સેના સાથે જોડાયેલા સૂત્રોને ટાંકીને અહેવાલ આપ્યો છે કે પાકિસ્તાન અને અમેરિકા વચ્ચે ગુપ્ત હથિયારોની ડીલ થઈ છે.

આનાથી સંબંધિત એક અહેવાલમાં પાકિસ્તાન અને અમેરિકાએ ૨૦૨૨ની ઉનાળાની ઋતુ અને ૨૦૨૩ની વસંતઋતુમાં વેચાણ માટે જે હથિયારો પર હસ્તાક્ષર કર્યા છે તેની વિગતો છે. રિપોર્ટમાં એક સૂત્રને ટાંકીને કહેવામાં આવ્યું છે કે આ સંબંધિત દસ્તાવેજોમાં પાકિસ્તાની કોન્ટ્રાક્ટરો અને અમેરિકન અધિકારીઓ વચ્ચેની વાટાઘાટો અને નાણાકીય લેવડદેવડના પુરાવા છે. આમાં, યુક્રેન માટે પાકિસ્તાની સેનાના હથિયારો ખરીદવા સંબંધિત લાયસન્સ અને વિનંતી દસ્તાવેજોનું પગેરું દેખાઈ રહ્યું છે. ઇન્ટરસેપ્ટ રિપોર્ટમાં જણાવવામાં આવ્યું છે કે યુએસ સ્ટેટ ડિપાર્ટમેન્ટ આ આર્મ્સ ડીલ માટે IMFને વિશ્વાસમાં લેવા માટે તૈયાર છે. આ સમાચાર ચોંકાવનારા છે કારણ કે પાકિસ્તાનમાં ગરીબીને કારણે ખાવા-પીવાના પૈસા નથી. તે જ સમયે, તે IMF તરફથી મળેલા પેકેજને આવા હથિયારોના સોદા પર ખર્ચ કરી રહ્યો છે. આ વર્ષે જુલાઈમાં IMFએ પાકિસ્તાનને ૧.૨ અબજ ડોલરની ૨કમ ટ્રાન્સફર કરી હતી. તે ઇં૩ બિલિયનના બેલઆઉટ પેકેજના હપ્તા તરીકે પ્રાપ્ત થયું હતું.

૯. નિજ઼ર હત્યા કેસમાં કેનેડાએ ભારતની સંડોવણીના આક્ષેપો કરતા ભારતે પણ જવાબ આપ્યો

ખાલિસ્તાની આતંકવાદી હરદીપ સિંહ નિજ્જરની હત્યાને લઈને ભારત અને કેનેડા વચ્ચે મડાગાંઠ ચાલી રહી છે. કેનેડા સરકારે ખાલિસ્તાની આતંકવાદી નિષ્ફરની હત્યામાં ભારતીય સુરક્ષા એજન્સીઓની સંડોવણીનો આરોપ લગાવ્યો હતો. હવે ભારત સરકારે કેનેડા સરકારને જડબાતોડ જવાબ આપ્યો છે. વિદેશ મંત્રાલયે કહ્યું છે કે વડાપ્રધાન જસ્ટિન ટ્રુડો જૂઠા છે અને તેમનું નિવેદન ભ્રામક છે. અમે કાયદાના શાસન માટે પ્રતિબદ્ધ છીએ. નિર્ફેર હત્યા કેસમાં કેનેડાએ ટોચના ભારતીય રાજદ્વારી પવન કુમાર રાયને હટાવી દીધા છે. વિદેશ મંત્રાલયે એક નિવેદન જાહેર કરીને કહ્યું છે કે અમે કેનેડાના વડાપ્રધાન ટ્રુડોનું તેમની સંસદમાં નિવેદન જોયું છે. અમે તેમના વિદેશ મંત્રી મેલાનિયા જોલીના નિવેદનને પણ નકારીએ છીએ. કેનેડામાં હિંસાના કોઈપણ કૃત્યમાં ભારત સરકારની સંડોવણીના તમામ આક્ષેપો વાહિયાત અને પ્રેરિત છે. અમે લોકશાહી દેશ છીએ અને કાયદાના શાસનમાં વિશ્વાસ કરીએ છીએ. વિદેશ મંત્રાલયે કહ્યું છે કે પીએમ જસ્ટિન ટ્રુડોએ જે પ્રકારના આરોપો લગાવ્યા છે તેવો જ આરોપ તેમણે પીએમ મોદી સામે પણ રાખ્યા હતા. જેને સંપૂર્ણપણે ફગાવી દેવામાં આવ્યા હતા. કેનેડા સરકાર દ્વારા કરવામાં આવેલા ખોટા દાવાઓ ખાલિસ્તાની અને ઉગ્રવાદીઓથી ધ્યાન હટાવવાનો પ્રયાસ છે. કેનેડાએ ખાલિસ્તાની અને ઉગ્રવાદીઓને આશ્રય આપ્યો હતો. આ તમામ ભારતની સાર્વભૌમત્વ અને પ્રાદેશિક અખંડિતતા માટે ખતરો બની ગયા છે. ન્યૂઝ એજન્સી એપી અનુસાર પીએમ જસ્ટિન ટ્રુડોએ કહ્યું છે કે ખાલિસ્તાની આતંકવાદી નિરની હત્યામાં ભારતનો હાથ છે. તે જ સમયે, કેનેડાના વિદેશ પ્રધાન મેલાની જોલીએ કહ્યું કે જો નિજ્જરની હત્યામાં ભારતનો હાથ હોય તો તે બંને દેશો એકબીજા સાથે કેવી રીતે વ્યવહાર કરે છે તેના સૌથી મૂળભૂત નિયમોનું મોટું ઉલ્લંઘન હશે. તમને જણાવી દઈએ કે આ વર્ષે જૂનમાં ખાલિસ્તાની આતંકવાદી હરદીપ સિંહ નિજ઼રને બ્રિટનમાં બે બાઇક સવારોએ ગોળી મારીને હત્યા કરી દીધી હતી. કેનેડાની સુરક્ષા એજન્સીઓ નિજ્જરની હત્યા માટે ભારતને જવાબદાર ઠેરવી રહી છે. નિજ્જરની હત્યા બાદ ખાલિસ્તાની સમર્થકોએ કેનેડામાં પણ ભારત સરકાર સામે વિરોધ પ્રદર્શન કર્યું હતું.

૧૦. ખાલિસ્તાની આતંકવાદી નિજ઼ર વિષે જાણો કે જેના પર હતું લાખોનું ઈનામ

કેનેડા ઝડપથી ખાલિસ્તાની આતંકવાદીઓ અને ગુંડાઓ માટે સુરક્ષિત આશ્રયસ્થાન બની રહ્યું છે. આ ખાલિસ્તાની આતંકવાદીઓ અને ગુંડાઓ ભારતમાં હત્યા અને ખંડણી જેવી અનેક ગુનાહિત પ્રવૃત્તિઓમાં સામેલ છે. આમાંથી એક નામ ખાલિસ્તાની આતંકવાદી હરદીપ સિંહ નિજ્જરનું છે, જેને આ વર્ષે જૂનમાં બ્રિટિશ કોલંબિયામાં બાઇક સવારોએ ગોળી મારીને હત્યા કરી દીધી હતી. નિજ઼ર હત્યા કેસમાં કેનેડાએ એક ભારતીય રાજદ્વારીને હટાવી દેવામાં આવ્યા છે. NIAએ તેના માથા પર ૧૦ લાખ રૂપિયાનું ઈનામ રાખ્યું હતું... જે વિષે જણાવીએ, મોટી વાત એ છે કે ગયા વર્ષે ભારતની નેશનલ ઈન્વેસ્ટિગેશન એજન્સી (NIA)એ નિજ઼રને આતંકવાદી જાહેર કરીને તેના માથા પર ૧૦ લાખ રૂપિયાનું ઈનામ જાહેર કર્યું હતું, જ્યારે ૨૦૨૦માં સુરક્ષા એજન્સીએ તેને આતંકવાદી જાહેર કર્યો હતો. ૪૫ વર્ષીય ખાલિસ્તાની આતંકવાદી હરદીપ સિંહ નિજ઼ર ૧૯૯૭માં પંજાબના જલંધરના પુરા ગામમાંથી કેનેડા પહોંચ્યો હતો. આ પછી તેણે ખાલિસ્તાની સમર્થકો સાથે મળીને ભારત વિરુદ્ધ ઝેર ઓકવાનું શરૂ કર્યું. નિર ગુરુ નાનક શીખ ગુરુદ્વારાના પ્રમુખ પણ હતો.

હિન્દુ પૂજારીની હત્યાની ઘટના કે.. જેના વિષે જણાવીએ, પ્રતિબંધિત ખાલિસ્તાન ટાઈગર ફોર્સ (KTF)ના વડા નિજ્જર ન્યૂયોર્ક સ્થિત શીખ ફોર જસ્ટિસના નેતા ગુરપતવંત સિંહ પન્નુન સાથે કેનેડામાં ખાલિસ્તાન તરફી લોકમતના મુખ્ય નેતા પણ હતા. કેનેડામાં રહેતા નિજ઼ર સક્રિયપણે સક્રિય હતો. ઘણા વર્ષોથી ભારત વિરોધી પ્રવૃ ત્તિઓમાં ભાગ લેતો હતો.નિજ઼ર પર વર્ષ ૨૦૨૧માં પંજાબના જલંધરમાં ટાર્ગેટ કિલિંગ કરવાનો આરોપ હતો. આ ટાર્ગેટમાં એક હિન્દુ પૂજારીનું મોત થયું હતું. નિજ઼રના ઈશારે ખાલિસ્તાન ટાઈગર ફોર્સ દ્વારા પૂજારીની હત્યાનું કાવતરું ઘડવામાં આવ્યું હતું. નિજ્જરની હત્યાના કારણો શું છે?.. જે વિષે જણાવીએ, નિજ઼રે હત્યાના થોડા દિવસ પહેલા મીડિયાને કહ્યું હતું કે કેનેડિયન સિક્યોરિટી ઈન્ટેલિજન્સ સર્વિસ (CSIS)એ મને કહ્યું હતું કે મારા જીવને જોખમ છે. નિજ્જરની હત્યા સોપારી આપી હત્યા કરી હોવાનું પણ બહાર આવ્યું હતું. સાથે જ એવું પણ કહેવામાં આવ્યું હતું કે નિજ્જરની હત્યા જૂન ૧૯૮૫માં એર ઈન્ડિયા બોમ્બ બ્લાસ્ટના આરોપી રિપુદમન સિંહ મલિકની હત્યાનો બદલો હતો. મલિકની સરેની ઓફિસની બહાર બે બંદૂકધારીઓએ હત્યા કરી હતી. નિષ્ફરનો મલિક સાથે સરેમાં પવિત્ર શીખ ધર્મગ્રંથના પ્રિન્ટિંગને લઈને વિવાદ ચાલી રહ્યો હતો. આ સિવાય મલિકે ભારતમાં નરેન્દ્ર મોદી સરકારના વખાણ કરતાં ખાલિસ્તાન તરફી નેતાઓ પણ નારાજ થયા હતા. કેટલાક ખાલિસ્તાન તરફી સંગઠનોનો આરોપ છે કે નિજ઼રને ભારતીય એજન્સીઓએ માર્યો છે.

૧૧. પાકિસ્તાનમાં ફરી લઘુમતી સમુદાય પર ફરી હુમલો, ૩ ધાર્મિક સ્થળના મિનારા તોડી પડાયા

પાકિસ્તાનમાં ફરીથી લઘુમતી સમુદાય પર હુમલાનો મામલો સામે આવ્યો છે. પંજાબ પ્રાંતના અલગ-અલગ જિલ્લાઓમાં કટ્ટરપંથી ઈસ્લામિક સંગઠનોના સભ્યોએ અલ્પસંખ્યક સમુદાય અહમદિયાના ત્રણ પૂજા સ્થાનોના મિનારા તોડી નાખ્યા હતા. તેઓનો આરોપ છે કે આ મિનારાઓ મસ્જિદોના પ્રતિક છે. અગાઉ, લગભગ બે અઠવાડિયા પહેલા, હાઇકોર્ટના આદેશની અવગણના કરીને અહમદિયા સમુદાયના ધાર્મિક સ્થળના મિનારા તોડી પાડવામાં આવ્યા હતા. હાઈકોર્ટે ૧૯૮૪ પહેલા લઘુમતી સમુદાયના પૂજા સ્થાનો વિરુદ્ધ આવા કૃત્યો પર પ્રતિબંધ મૂકચો હતો. પાકિસ્તાનની સંસદે ૧૯૭૪માં અહમદિયા સમુદાયને બિન-મુસ્લિમ જાહેર કર્યો હતો. તેને ૫ ોતાને મુસ્લિમ કહેવા પર પણ પ્રતિબંધ મુકવામાં આવ્યો છે. જમાત-એ-અહમદિયા પાકિસ્તાનના અધિકારી આમિર મેહમૂદે સોમવારે પીટીઆઈને જણાવ્યું હતું કે છેલ્લા કેટલાક દિવસો દરમિયાન, તહરીક-એ-અહમદિયા ઈસ્લામાબાદ શેખુપુરા, બહાવલનગર અને બહાવલપુર જિલ્લામાં અહમદિયા સમુદાયના પૂજા સ્થાનોના મિનારાઓ ઉભા કરી રહી છે અને તેમને મુસ્લિમ તરીકે વર્ણવી રહી છે. મસ્જિદો -લાબલ પાકિસ્તાન (TLP)ના કાર્યકરો તેમાં ઘૂસી ગયા અને તે મિનારા તોડી નાખ્યા.

આ તાજેતરની ઘટનાઓ સાથે, આ વર્ષે અત્યાર સુધીમાં પાકિસ્તાનના વિવિધ ભાગોમાં કટ્ટરપંથી ઈસ્લામવાદીઓ દ્વારા અહમદિયા ધર્મસ્થાનો પર હુમલા અથવા પોલીસ દ્વારા આંશિક રીતે તોડી પાડવાની ઘટનાઓની સંખ્યા વધીને ૩૧ થઈ ગઈ છે. મહમૂદે કહ્યું, “જ્યારે કાર્યકર્તાઓ અહમદિયા સમુદાયના આ ત્રણેય ધર્મસ્થાનોમાં પ્રવેશ્યા ત્યારે પોલીસે તેમને રોકવા માટે કંઈ કર્યું નહીં. સમુદાયને પાકિસ્તાનમાં રહેતા નાગરિકો તરીકે તેમના મૂળભૂત અધિકારોથી વંચિત રાખવામાં આવી રહ્યા છે. દુઃખની વાત એ છે કે પોલીસ પણ આ કૃત્યોને અંજામ આપવામાં મોખરે રહી છે.’’ તેમણે કહ્યું કે લાહોર હાઈકોર્ટે તેના તાજેતરના નિર્ણયમાં સ્પષ્ટપણે કહ્યું છે કે અહમદિયા સમુદાયના પૂજા સ્થાનોમાં ૧૯૮૪ પહેલા બનેલા મિનારાઓને બદલવાની કોઈ જરૂર નથી. મહમૂદે કહ્યું, “આ પૂજા સ્થાનો ૧૯૮૪ પહેલા બનાવવામાં આવ્યા હતા. “હ્યુમન રાઇટ્સ કમિશન ઓફ પાકિસ્તાન (HRCP) એ કહ્યું કે અહમદિયા સમુદાયના પૂજા સ્થાનોના એક ભાગનો નાશ એ લાહોર હાઇકોર્ટના તાજેતરના ચુકાદાનું સ્પષ્ટ ઉલ્લંઘન છે . જમાત-એ-અહમદિયા પાકિસ્તાને કહ્યું કે દેશમાં પહેલાથી જ હાંસિયામાં ધકેલાયેલા અહમદિયા સમુદાય માટે સ્થિતિ દિવસેને દિવસે ખરાબ થઈ રહી છે.

૧૨. શિકાગોના રોમિયોવિલેમાં ૪ લોકોની ગોળી મારીને હત્યા કરાઈ, જેમાં બે બાળકો પણ સામેલ

શિકાગો (Chicago) સાઉથ રોમિયોવિલે વિસ્તારમાં એક ઘરમાં ચાર લોકોની ગોળી મારીને હત્યા કરવામાં આવી હતી. ચારમાંથી બે લોકો પુષ્ર વયના હતા જ્યારે અન્ય બે બાળકો હોવાનું સામે આવ્યું છે. પોલીસ (police) અધિકારીઓને લગભગ ૮:૪૩ વાગ્યે કોક્રોર્ડ એવન્યુના ૫૦૦-બ્લોકમાં પહોંચ્યા હતા અને ઘરની અંદર બે પુષ્ઠ વયના લોકો અને બે બાળકોની લાશ મળી હતી. પોલીસે જણાવ્યું હતું કે ત્રણ કૂતરાઓને પણ ગોળી મારીને હત્યા કરવામાં આવી હતી. રોમિયોવિલેમાં રવિવારની રાત્રે બે બાળકો સહિત ચાર લોકોને ગોળી મારીને હત્યા કરવામાં આવી હોવાનું પોલીસે જણાવ્યું હતું. રોમિયોવિલેના ઘરની અંદર ચાર લોકો મૃત હાલતમાં મળી આવ્યા બાદ પોલીસ શૂટરને શોધી રહી છે. ઘરમાંથી ૨ બાળકો સહિત ૪ મૃત મળી આવ્યા બાદ રોમિયોવિલે પોલીસ શૂટરને શોધી રહી છે. સોમવારે સવારે એક પ્રેસ કોન્ફરન્સમાં પોલીસે જણાવ્યું હતું કે તેઓ આ ઘટનાની હત્યા-આત્મહત્યા તરીકે તપાસ કરી રહ્યાં છે અને તેઓ શંકાસ્પદ વ્યક્તિને શોધી રહ્યા છે. પોલીસ દ્વારા માર્યા ગયેલા બે લોકોની ઓળખ રોબર્ટો રોલોન અને ઝોરેડા બાર્ટોલોમી તરીકે કરવામાં આવી હતી. પોલીસે માર્યા ગયેલા બે બાળકોના નામ જાહેર કર્યા નથી કે તેઓ પુખ્ત વયના લોકોને ઓડખતા હતા.પડોશીઓએ જણાવ્યું હતું કે પરિવાર તાજેતરમાં જ છેલ્લા કેટલાક મહિનામાં કોનકોર્ડ એવન્યુના ૫૦૦-બ્લોકમાં આવેલા ઘરમાં રહેવા આવ્યો હતો. એક ઘરની અંદર ચાર લોકોને ગોળી મારીને હત્યા કરાયેલા મળી આવ્યા બાદ રોમિયોવિલે પોલીસ તપાસ અંગે અપડેટ આપી હતી. પોલીસે જણાવ્યું હતું કે પરિવારના એક સભ્યએ તેમને ફોન કર્યો હતો. તેઓ પુરાવાઓ માટે ઘરની નોન-સ્ટોપ કોમ્બિંગ કરી રહ્યાં છે કારણ કે તેઓ લીડ્સ એકત્રિત કરવાનું કામ કરે છે. રોમિયોવિલે પોલીસ ડેપ્યુટી ચીફ ક્રિસ બનેં જણાવ્યું હતું કે, “અમારો સંપર્ક કર્યાના ૧૮ કલાકથી વધુ સમય વીતી ગયો છે અને અમે આરોપીની શોધખોળ કરી રહ્યા છે. રોમિયોવિલે પોલીસના ડેપ્યુટી ચીફ ક્રિસ બર્ને કહ્યું: “અમે સક્રિય રીતે આરોપીને શોધી રહ્યા છીએ, આસપાસના લોકો, પાડોશીઓ, મિત્રો અને સહકર્મીઓ સાથે વાતચીત કરી રહ્યા છીએ. અમે લોકોને અને આ કેસ સાથે જોડાયેલ લોકોને તપાસમાં સહયોગ કરવાની વિનંતી કરી છે. તપાસ દરમિયાન એક પડોશીએ જણાવ્યું હતું કે અમને આ નાગે કોઈ જ જાણ થઈ ન હતી. મૃત પરિવારના લોકો પાડોશીઓ સાથે વધુ વાતચીત કરતાં હતા નહીં. અમે ક્યારેય બહાર ક્યારેય બાળકોને રમતા જોયા નથી અને મારે એક બાળક છે. મને ખરેખર ખબર નથી કે શું થયું અને આ ખૂબ જ ડરામણી ઘટના છે. અમારા એરિયામાં આવું પહેલીવાર થયું છે. અમારો પરિવાર ગભરાઈ ગયો છે. તપાસકર્તાઓનું માનવું છે કે ગોળીબાર રાત્રે ૯ વાગ્યાની વચ્ચે થયો હતો. શનિવાર રાત્રે ૯ વાગ્યાથી રવિવારે સવારે ૫ વાગ્યેની વચ્ચે આ ઘટના બની હતી. રોમિયોવિલે પ ોલીસ વિભાગે આ ઘટના અંગે માહિતી ધરાવનારને ૮૧૫-૮૮૬-૭૨૧૯ પર સંપર્ક કરવા જણાવ્યું હતું.

૧૩. સ્ટેટ બેંક ઓફ ઈન્ડિયાની નવી પહેલ, લોન લેનારાઓના ઘરે મોકલાશે ચોકલેટ

દેશની સૌથી મોટી સરકારી બેંક SBI (સ્ટેટ બેંક ઓફ ઈન્ડિયા) દ્વારા એક ખાસ પહેલ શરૂ કરવામાં આવી છે. દેશની સૌથી મોટી જાહેર ક્ષેત્રની ધિરાણકર્તા સ્ટેટ બેંક ઓફ ઈન્ડિયા (SBI)એ ઉધાર લેનારાઓ, ખાસ કરીને છૂટક ગ્રાહકો દ્વારા સમયસર EMIની ચુકવણી સુનિશ્ચિત કરવા માટે એક અનોખી પહેલ શરૂ કરી છે. બેંકે કહ્યું કે તે સંભવિત ઉધાર લેનારાઓને ચોકલેટ મોકલી રહી છે જેમણે માસિક હપ્તાની ચુકવણીમાં વિલંબ કર્યો છે. બેંક શા માટે ચોકલેટ મોકલશે?.. બેંકે નિવેદનમાં જણાવ્યું છે કે જે લોન લેનારાઓ ચૂકવણીમાં ડિફોલ્ટ કરવાની યોજના બનાવી રહ્યા છે તેઓ બેંક દ્વારા યાદ અપાવવા છતાં જવાબ આપતા નથી, તેથી તેમને જાણ કર્યા વિના તેમના ઘરે જવું એ એક સારો વિકલ્પ છે. આપને જણાવી દઈએ કે વ્યાજ દરોમાં વધારાની વચ્ચે રિટેલ લોનનું વિતરણ પણ વધી રહ્યું છે. આવી સ્થિતિમાં લોનની વધુ સારી વસૂલાતના ઉદ્દેશ્યથી આ પગલું ભરવામાં આવી રહ્યું છે. જૂન ૨૦૨૩ કવાર્ટરમાં SBIની છૂટક લોન ફાળવણી ૧૬.૪૬ ટકા વધીને રૂ. ૧૨,૦૪,૨૭૯ કરોડ થઈ છે, જે અગાઉના નાણાકીય વર્ષના સમાન સમયગાળામાં રૂ. ૧૦,૩૪,૧૧૧ કરોડ હતી. બેંકનું કુલ લોન એકાઉન્ટ ૧૩.૯ ટકા વધીને રૂ. ૩૩,૦૩,૭૩૧ કરોડ થયું છે.

લોન વિશે યાદ અપાવવાની નવી રીત.. જે વિષે જણાવીએ, SBIમાં જોખમ, અનુપાલન અને સ્ટ્રેસ્ડ એસેટ્સનો હવાલો સંભાળતા મેનેજિંગ ડિરેક્ટર અશ્વિની કુમાર તિવારીએ અહીં સપ્તાહના અંતે જણાવ્યું કે “કૃત્રિમ બુદ્ધિમત્તા (AI)નો ઉપયોગ કરતી બે ફિનટેક કંપનીઓ સાથે, અમે અમારા છૂટક ઋણ લેનારાઓને તેમની લોનની ચુકવણીની જવાબદારીઓ યાદ અપાવવા માટે એક નવો અભિગમ અપનાવી રહ્યા છીએ જેમાં એક કંપની ઉધાર લેનાર સાથે સમાધાન કરી રહી છે, ત્યારે બીજી કંપની અમને ઉધાર લેનારની ડિફોલ્ટની વૃત્તિ વિશે ચેતવણી આપી રહી છે.’’ તેમણે કહ્યું કે ચોકલેટનું પેકેટ લઈ જવાની અને તેમને વ્યક્તિગત રીતે મળવાની આ નવી પદ્ધતિ અપનાવવામાં આવી છે કારણ કે એવું જાણવા મળ્યું છે કે ડિફોલ્ટ કરવાની યોજના ધરાવનાર લોન લેનાર મોટાભાગે બેંકના ફોન કૉલનો જવાબ નહીં આપે જે તેને ચુકવણી કરવાનું યાદ કરાવે છે. તેમને તેમના ઘરે અઘોષિત રીતે મળીને તેમને આશ્ચર્યચકિત કરવાનો રસ્તો છે અને અત્યાર સુધી, સફળતાનો દર જબરદસ્ત રહ્યો છે. બે કંપનીઓનું નામ આપવાનો ઇનકાર કરતાં તિવારીએ જણાવ્યું હતું કે આ પગલું હજુ પ્રાયોગિક તબક્કામાં છે અને તે લગભગ ૧૫ દિવસ પહેલા જ લાગુ કરવામાં આવ્યું છે અને જો સફળ થશે તો અમે તેની ઔપચારિક જાહેરાત કરીશું.’