• ૧. IMDએ પર્વતીય રાજ્યો માટે એલર્ટ જાહેર કર્યું
• ૨. કેન્દ્ર સરકારનું 'One Nation One Election’ પર મોટું પગલુ
• ૩. 'One Nation One Election’ની ફોર્મ્યુલાથી અગાઉ ચાર વખત યોજાઈ છે ચૂંટણી
• ૪. ઈસરો ચીફનું ઈન્ડિગો એરલાઈન્સની ફ્લાઈટમાં ભવ્ય સ્વાગત
• ૫. દિલ્હી ૨૦ સમિટમાં સુરક્ષા એ સૌથી મોટો પડકાર
• ૬. ફિલિપાઈન્સમાં કપડાની ફેક્ટરીમાં આગ લાગતા ૧૬ લોકોના મોત
• ૭. લંડનમાં બે પબમાં આગ લાગી, પોલીસે આ આગને શંકાસ્પદ ગણાવી
• ૮. પાકિસ્તાનમાં આ વર્ષે સામાન્ય ચૂંટણી નહીં યોજાય, વિલંબ પાછળ ચૂંટણી પંચે આ કારણ આપ્યું
• ૯. કોમર્શિયલ ગેસ સિલિન્ડરની કિંમતમાં સતત બીજા મહિને ઘટાડો
• ૧૦. સ્વદેશી યુદ્ધ જહાજ મહેન્દ્રગીરીથી નૌકાદળની શક્તિ વધી જશે
• ૧૧. કેન્દ્રીય મંત્રી કૌશલ કિશોરના ઘરમાં પુત્રના મિત્રની ગોળી મારી હત્યા
• ૧૨. વન નેશન- વન ઈલેક્શન પર ચર્ચા માટે વિશેષ સત્ર, નવા મુદ્દાઓ પર થવી જોઈએ વાત : પ્રહલાદ જોશી
• ૧૩. વીજળી બાદ વધુ એક ઝટકો, પાકિસ્તાનમાં પેટ્રોલ અને ડીઝલના ભાવમાં કર્યો તોતિંગ વધારો

(સમાચારની વિસ્ત્રુત માહિતી નીચે છે)

૧. IMDએ પર્વતીય રાજ્યો માટે એલર્ટ જાહેર કર્યું

એક સપ્તાહની રાહત બાદ પર્વતીય રાજ્યો ઉત્તરાખંડ અને હિમાચલ પ્રદેશમાં ફરી એકવાર ભારે વરસાદ પડી શકે છે. હવામાન વિભાગે આ બંને રાજ્યોમાં ૬ સપ્ટેમ્બર સુધી વરસાદનું એલર્ટ જાહેર કર્યું છે. વરસાદને કારણે બંને રાજ્યોમાં લોકોને મુશ્કેલી પડી શકે છે. આ બંને રાજ્યોમાં ભારે વરસાદ કે ભૂસ્ખલનની કોઈ શક્યતા નથી, આ બંને રાજ્યો માટે ઓગસ્ટ મહિનો ઘણો મુશ્કેલ રહ્યો છે. એકલા હિમાચલ પ્રદેશમાં જ આ આકાશી આફતને કારણે છેલ્લા એક મહિનામાં ૧૦ હજાર કરોડથી વધુનું નુકસાન થયું છે, જ્યારે ૧૫૦થી વધુ લોકોના મોત થયા છે. ઓગસ્ટના છેલ્લા મહિનામાં સામાન્ય કરતાં ૩૩ ટકા વધુ વરસાદ નોંધાયો હતો. બીજી તરફ ઉત્તરાખંડમાં ઓગસ્ટનો છેલ્લો મહિનો પ્રમાણમાં સૂકો રહ્યો છે. હવે, હવામાન વિભાગ દ્વારા જાહેર કરાયેલા લેટેસ્ટ એલર્ટ મુજબ આ બંને રાજ્યોના મોટાભાગના વિસ્તારોમાં સપ્ટેમ્બરના પ્રથમ સપ્તાહમાં વરસાદની અસર થઈ શકે છે. હિમાચલ પ્રદેશ સરકાર દ્વારા જાહેર કરવામાં આવેલા આંકડા અનુસાર, આ ચોમાસાની સિઝનમાં વરસાદ અને ભૂસ્ખલનને કારણે હિમાચલ પ્રદેશને લગભગ ૮૬૫૭.૮૦ કરોડ રૂપિયાનું નુકસાન થયું છે. તેમાં પણ પીડબલ્યુડીના રસ્તાઓને સૌથી વધુ નુકસાન થયું છે. ભારે વરસાદ, પાણીના પ્રવાહ અને ભૂસ્ખલનને કારણે આ તમામ રસ્તાઓ ધોવાઈ ગયા છે. આ રસ્તાઓના પુનઃનિર્માણ પાછળ રૂ. ૨૯૩૨.૯૪ કરોડથી વધુનો ખર્ચ થવાનો અંદાજ છે. હિમાચલમાં પૂરના કારણે ૨૫૨૭ મકાનો ધરાશાયી થયાના અહેવાલો નોંધાયા છે, જ્યારે આ પૂરને કારણે ૧૦૭૯૯થી વધુ મકાનોને પણ નુકસાન થયું છે. ઉત્તરાખંડમાં આ પૂર અને વરસાદને કારણે સૌથી વધુ નુકસાન પ્રવાસન ક્ષેત્રને થયું છે. તેવી જ રીતે રાજ્યમાં ઘણી જગ્યાએ રસ્તાઓને પણ ભારે નુકસાન થયું છે. સદ્ભાગ્યની વાત છે કે આ વખતે આ રાજ્યમાં ભૂસ્ખલનના ઘણા કિસ્સા સામે આવ્યા નથી. ભૂસ્ખલન થાય તો પણ નુકસાન ઓછું થાય છે. જો કે, વર્ષની શરૂઆતમાં જોશીમઠમાં થયેલા ભૂસ્ખલનથી આ રાજ્યમાં ભારે નુકસાન થયું છે.

૨. કેન્દ્ર સરકારનું 'One Nation One Election’ પર મોટું પગલુ

આવતા વર્ષે થનારી લોકસભાની ચૂંટણી પહેલા મોદી સરકાર એક મોટું પગલું ભરે તેમ જણાય રહ્યું છે. વન નેશન- વન ઈલેકશનનો મુદ્દો સતત હેડલાઇન્સ બની રહ્યો છે અને આ દરમિયાન ભારત સરકારે એક સમિતિની રચના પણ કરી છે, જે આ અંગેનો રિપોર્ટ આપશે. આ સમિતિનું નેતૃત્વ ખુદ પૂર્વ રાષ્ટ્રપતિ રામનાથ કોવિંદ કરશે. ભારત સરકાર ટૂંક સમયમાં આ અંગે સત્તાવાર સૂચના જાહેર કરશે. ગઈકાલે જ કેન્દ્ર સરકારે ૧૮ થી ૨૨ સપ્ટેમ્બર સુધી સંસદનું વિશેષ સત્ર બોલાવવાની જાહેરાત કરી હતી. જે બાદ અટકળો લગાવવામાં આવી રહી હતી કે આ વિશેષ સત્રમાં મોદી સરકાર વન નેશન- વન ઈલેક્શને લઈને બિલ લાવી શકે છે અને ચર્ચા બાદ તેને પાસ કરી શકે છે. આ અટકળો શરૂ થતાની સાથે જ દેશમાં નવી ચર્ચા શરૂ થઈ, ઘણા વિપક્ષી નેતાઓએ આવા કોઈપણ બિલ લાવવાને ગેરબંધારણીય ગણાવી રહ્યુ છે. જો એક દેશ એક ચૂંટણી લાગુ કરવામાં આવે તો ?.. જે જણાવીએ, જો દેશમાં વન નેશન- વન ઈલેક્શનનો નિર્ણય લાગુ કરવામાં આવે તો તમામ રાજ્યોની વિધાનસભા ચૂંટણી અને લોકસભાની ચૂંટણી એક સાથે થશે. વડાપ્રધાન નરેન્દ્ર મોદીએ અનેક અવસરે આના પક્ષમાં અવાજ ઉઠાવ્યો છે અને હવે આને લઈને દેશમાં વાતાવરણ સર્જાઈ રહ્યું છે. થોડા સમય પહેલા કાયદા પંચે એક દેશ એક ચૂંટણી પર સામાન્ય લોકોનો અભિપ્રાય પણ માંગ્યો હતો. વડા પ્રધાન નરેન્દ્ર મોદીએ સંસદમાં કહ્યું હતું કે કોઈએ એક દેશ, એક ચૂંટણીના મુદ્દાને સ્પષ્ટપણે નકારી કાઢવો જોઈએ નહીં અને તેના પર વિગતવાર ચર્ચા થવી જોઈએ. પીએમ મોદીએ કહ્યું હતું કે દેશના સમય, ખર્ચ અને વિકાસની ગતિને ઝડપી બનાવવા માટે એક દેશ, એક ચૂંટણી સમયની જરૂરિયાત છે અને કહ્યું હતું કે આપણે આ દિશામાં પગલાં ભરવા જોઈએ. વન નેશન- વન ઈલેક્શનને લઈને વિપક્ષમાં રોષ જોવા મળ્યો.. જે જણાવીએ, વાસ્તવમાં, આ ચર્ચા એટલા માટે વધુ તીવ્ર થઈ કારણ કે ગઈકાલે કેન્દ્રીય સંસદીય પ્રધાન પ્રહલાદ જોશીએ ટ્વિટર પર માહિતી આપી હતી કે કેન્દ્ર સરકારે ૧૮ થી ૨૨ સપ્ટેમ્બર સુધી સંસદનું વિશેષ સત્ર બોલાવવાનો નિર્ણય કર્યો છે. આ દરમિયાન ૫ બેઠકો થશે અને અમૃ તકાળ તરફ આગળ વધી રહેલા દેશના વિકાસના મુદ્દા પર સાર્થક ચર્ચાઓ થશે. જો કે કેન્દ્ર સરકાર દ્વારાવન નેશન- વન ઈલેક્શનને લઈને જે વાતાવરણ સર્જાઈ રહ્યું છે તેના પર વિપક્ષ રોષે ભરાયા છે. કોંગ્રેસ સાંસદ અધીર રંજન ચૌધરીએ કહ્યું છે કે દેશને અત્યારે આની જરૂર નથી, આ મામલે મોદી સરકારના ઈરાદા યોગ્ય નથી. સરકારે પહેલા મોંઘવારીનો ઉકેલ શોધવા અને બેરોજગારી દૂર કરવા પર ધ્યાન કેન્દ્રિત કરવું જોઈએ.

૩. 'One Nation One Election’ની ફોર્મ્યુલાથી અગાઉ ચાર વખત યોજાઈ છે ચૂંટણી

કેન્દ્ર સરકાર દ્વારા લોકસભાનું વિશેષ સત્ર બોલાવવામાં આવ્યું ત્યારથી વિવિધ અટકળો લગાવવામાં આવી રહી છે. સૂત્રોના જણાવ્યા અનુસાર મોદી સરકાર દ્વારા ‘એક દેશ એક ચૂંટણી’ એટલે કે વન નેશન વન ઈલેક્શન સંબંધિત બિલની રજૂઆતને ધ્યાનમાં રાખીને લોકસભાનું આ વિશેષ સત્ર બોલાવવામાં આવ્યું છે. જો કે સંસદના આ વિશેષ સત્રના એજન્ડા વિશે સત્તાવાર રીતે કોઈ માહિતી આપવામાં આવી નથી. સંસદીય બાબતોના પ્રધાન પ્રહલાદ જોશીએ બુધવારે ટ્વીટ કર્યું કે વિશેષ સત્ર ૧૮થી ૨૨ સપ્ટેમ્બર દરમિયાન યોજાશે અને આ સમયગાળા દરમિયાન કુલ પાંચ બેઠકો થશે. માનવામાં આવી રહ્યું છે કે આ બેઠકમાં મોદી સરકાર વન નેશન વન ઈલેક્શન લાગુ કરવાની દિશામાં પગલાં લઈ શકે છે. એક દેશ અને એક ચૂંટણીનો સીધો અને સ્પષ્ટ અર્થ એ છે કે સામાન્ય ચૂંટણીઓની સાથે સાથે રાજ્યની વિધાનસભાની ચૂંટણીઓ પણ યોજવામાં આવશે. જો કે ભલે આ અંગે હાલ વાત થઈ હોય પણ આ કન્સેપ્ટ નવો નથી આ અગાઉ પણ આ રીતની ચૂંટણી યોજાઈ ચૂકી છે. ત્યારે

ચાલો જાણીએ તેના વિશે

દેશમાં એક સાથે ચૂંટણી કચારે યોજાઈ?.. જે જણાવીએ, આજે ભલે વન નેશન વન ઈલેક્શન યોજવાની વાત કરવામાં આવી રહી હોય પરંતુ આ પહેલા ચાર વખત દેશમાં એક સાથે લોકસભા અને રાજ્યની ચૂંટણીઓ યોજાઈ ચૂકી છે. ૧૯૪૭ માં આઝાદી પછી, ભારતમાં આઝાદી પછી, ૧૯૫૨, ૧૯૫૭, ૧૯૬૨ અને ૧૯૬૭માં લોકસભા અને વિધાનસભાની ચૂંટણીઓ એક સાથે યોજાઈ હતી. ૧૯૬૭ પછી આ ચૂંટણી પર શા માટે બ્રેક લાગ્યો?.. જે જણાવીએ, દેશમાં સતત ચાર વખત એકસાથે ચૂંટણી યોજાયા બાદ તેની પેટર્ન ૧૯૬૭થી બદલાવા લાગી. યુપીમાં ૧૯૬૭માં વિધાનસભાની ચૂંટણી યોજાઈ હતી, જેમાં કોંગ્રેસને બહુમતી મળી ન હતી. ત્યારે રાજ્યમાં ૪૨૩ બેઠકો હતી અને કોંગ્રેસને ૧૯૮ બેઠકો મળી હતી જ્યારે સરકાર બનાવવા માટે ૨૧૨ બેઠકોની જરૂર હતી. બીજા નંબરે જનસંઘ પાર્ટી હતી જેને ૯૭ બેઠકો મળી હતી, પરંતુ કોંગ્રેસની સાથે ૩૭ અપક્ષ સભ્યો અને કેટલાક નાના પક્ષોએ સરકાર બનાવી અને સીપી ગુપ્તા મુખ્યમંત્રી બન્યા. ચૌધરી ચરણ સિંહના બળવાને કારણે ગુપ્તાની સરકાર એક મહિનામાં પડી ગઈ. આ પછી, ચૌધરી ચરણ સિંહે ભારતીય જનસંઘ અને સંયુક્ત સમાજવાદી સાથે મળીને સરકાર બનાવી, પરંતુ ગઠબંધનમાં તિરાડને કારણે એક વર્ષ પછી, તેમણે પણ રાજીનામું આપી દીધું અને વિધાનસભા ભંગ કરવાની ભલામણ કરી. ધીરે ધીરે આ ટ્રેન્ડ બીજા ઘણા રાજ્યોમાં શરૂ થયો. ઈન્દિરા ગાંધીએ ૧૯૭૧માં સમય પહેલા ચૂંટણી કરાવી.. જે જણાવીએ, ૧૯૬૭માં દેશમાં એક સાથે ચૂંટણીઓ યોજાઈ હતી, આવી સ્થિતિમાં ૧૯૭૨માં સામાન્ય ચૂંટણીઓ યોજાવાની હતી, ત્યારે વડાપ્રધાન ઈન્દિરા ગાંધીએ બેંકોનું રાષ્ટ્રીયકરણ કર્યું હતું અને બાંગ્લાદેશને પાકિસ્તાનથી અલગ કરવામાં મહત્વની ભૂમિકા ભજવી હતી, જેના કારણે દેશમાં તેમની લોકપ્રિયતા વધી હતી. આવી સ્થિતિમાં ઈન્દિરા ગાંધીએ ૧૯૭૧માં જ સમય પહેલા સામાન્ય ચૂંટણીઓ યોજવાનું નક્કી કર્યું. આ રીતે એક દેશ એક ચૂંટણીની જે વ્યવસ્થા ચાલી રહી હતી તેને બ્રેક લાગી ગઈ. ત્યારથી, ઘણા રાજ્યોમાં સરકારો પડતી રહી અને વચ્ચે ચૂંટણીઓ યોજાઈ. તમને જણાવી દઈએ કે ૧૯૯૯માં લો કમિશને લોકસભા અને વિધાનસભા ચૂંટણી એકસાથે કરાવવા માટે પોતાનો રિપોર્ટ આપ્યો હતો. ૨૦૧૫માં કાયદા અને ન્યાય પરની સંસદીય સમિતિએ પણ વન નેશન વન ઇલેક્શનની ભલામણ કરી હતી. ત્યારથી, સમયાંતરે એક દેશ એક ચૂંટણીની ચર્ચાઓ થતી રહી, પરંતુ સરકાર કોઈ નિર્ણાયક તબક્કે પહોંચી શકી નહીં. પીએમ મોદીએ ૨૦૧૮માં તેનો ફરી ઉલ્લેખ કર્યો હતો.. જે જણાવીએ, એક દેશ એક ચૂંટણીની ચર્ચાને વધુ હવા મળી જ્યારે વડાપ્રધાન નરેન્દ્ર મોદીએ ૨૦૧૮માં તેનો ઉલ્લેખ કર્યો. એક કાર્યક્રમ દરમિયાન પીએમ મોદીએ કહ્યું હતું કે શું દેશમાં લોકસભા અને વિધાનસભાની ચૂંટણી એક સાથે થઈ શકે છે તેના પર ચર્ચા થવી જોઈએ? એટલું જ નહીં આ માટે સર્વપક્ષીય બેઠક પણ બોલાવવામાં આવી હતી જેમાં એક દેશ, એક ચૂંટણી પર રાજકીય પક્ષોનો અભિપ્રાય લેવાનો પ્રયાસ કરવામાં આવ્યો હતો. છેલ્લી સામાન્ય ચૂંટણી દરમિયાન, ચૂંટણી પંચે કહ્યું હતું કે ૨૦૧૯માં સમગ્ર દેશમાં એક સાથે ચૂંટણી યોજવી શક્ય નથી કારણ કે ત્યાં ઘણી કાયદાકીય પ્રક્રિયાઓ છે જે સરકારે પૂર્ણ કરવી પડશે. જો કે, ૨૦૨૦માં કોરોના રોગચાળાને કારણે, આ મુદ્દો ફરીથી શાંત થઈ ગયો.

૪. ઈસરો ચીફનું ઈન્ડિગો એરલાઈન્સની ફ્લાઈટમાં ભવ્ય સ્વાગત

ચંદ્રની સપાટી પર ચંદ્રયાન-૩ના સફળ લેન્ડિંગ બાદ ઇસરો ચીફ એસ સોમનાથ આ દિવસોમાં ચર્ચામાં છે. તે જ્યાં પણ જાય છે ત્યાં લોકો તેમના સન્માનમાં તાળીઓ પાડીને તેમનું સ્વાગત કરે છે. ત્યારે આ બધાની વચ્ચે ગુરુવારે જ્યારે એસ. સોમનાથ ઈન્ડિગોની ફ્લાઈટમાં મુસાફરી કરી રહ્યા હતા, ત્યારે ફ્લાઈટમાં તેમની હાજરી જોઈને માત્ર મુસાફરી કરી રહેલા અન્ય લોકો જ નહીં પરંતુ એરલાઈન્સ ક્રૂ પણ ઉત્સાહિત થઈ ગયા હતા. જ્યારે ઈન્ડિગો એરલાઈન્સની એક એરહોસ્ટેસે ફ્લાઈટમાં ઈસરો ચીફની હાજરી વિશે મુસાફરોને જાણ કરી ત્યારે આખું પ્લેન તાળીઓના ગડગડાટથી ગૂંજી ઊઠ્યું. ઈન્ડિગોની એર હોસ્ટેસે જાહેરાત કરી, ‘આપણી ફ્લાઇટમાં દેશના રાષ્ટ્રીય નાયકોનું હોવું હંમેશા ગર્વની વાત છે. ISRO ચીફ એસ સોમનાથ આજે અમારી ફ્લાઇટમાં મુસાફરી કરી રહ્યા છે, અમે તેમની હાજરીથી ખૂબ જ ખુશ છીએ અને તેમનું સ્વાગત કરીએ છીએ. મિસ્ટર સોમનાથ તમારું અમારી ફ્લાઈટમાં હોવું અમારા માટે ગર્વની વાત છે. એરહોસ્ટેસની આ જાહેરાત બાદ અન્ય કેબિન ક્રૂએ પણ તેમને એક ખાસ ભેટ આપી હતી. આ દરમિયાન લોકો એસ. સોમનાથને તેમની નજીક જોઈને ખૂબ જ ખુશ થયા હતા. એસ.સોમનાથે તમામ મુસાફરોના અભિવાદનનો હસીને સ્વીકાર કર્યો. પૂજા શાહ નામની એરહોસ્ટેસે આ વીડિયો ઈન્સ્ટાગ્રામ પર શેર કર્યો છે. આ વીડિયોમાં, સોમનાથનું સ્વાગત કરતી વખતે, તે કહે છે, રાષ્ટ્રીય નાયક ઈસરોના અધ્યક્ષ એસ. સોમનાથનું અમારી ફ્લાઈ માં હોવું એ ખુશીની વાત છે. તેમણે કહ્યું કે, મારે ઈસરોના અધ્યક્ષ એસ. આજે અમારી ફ્લાઇટમાં સવાર થયેલા સોમનાથની હાજરીની જાહેરાત કરતાં આનંદ થાય છે. આ માટે ચીફ સોમનાથ અને તેની ટીમ માટે તાળીઓ થઈ જાય. ભારતને ગૌરવ અપાવવા બદલ તમારો ખૂબ ખૂબ આભાર. જોકે, ઈસરો ચીફ કયા વિમાનમાં મુસાફરી કરી રહ્યા હતા તેની વિગતવાર માહિતી મળી શકી નથી. ઈન્ડિગોએ પણ કોઈ વિગતો શેર કરી નથી. માહિતી અનુસાર, ૨૩ ઓગસ્ટે સાંજે ૬:૦૦ કલાકે ચંદ્રયાન-૩એ ચંદ્રના દક્ષિણ ધ્રુવની નજીક સોફ્ટ લેન્ડિંગ કર્યું હતું. ચાર વર્ષમાં તેના બીજા પ્રયાસમાં, ભારતે ચંદ્ર પર ત્રિરંગો ફરકાવ્યો. આ સાથે જ ચંદ્રની સપાટી પર સોફ્ટ લેન્ડિંગ કરનાર અમેરિકા, ચીન અને અગાઉના સોવિયત સંઘ પછી ભારત ચોથો દેશ બની ગયો છે. સાથે જ તે દક્ષિણ ધ્રુવ સુધી પહોંચનાર પ્રથમ દેશ બની ગયો છે. જણાવી દઈએ કે ઈસરો ચીફ સોમનાથે કહ્યું હતું કે રોવર યોગ્ય રીતે કામ કરી રહ્યું છે. ત્યાંથી ઘણો ડેટા ખૂબ સારી રીતે આવી રહ્યો છે. તેમણે કહ્યું કે અમને વિશ્વાસ છે કે અમારું મિશન ૧૪ દિવસના અંત સુધીમાં પૂર્ણ થઈ જશે. બીજી તરફ આદિત્ય-એલ૧ મિશન પર ઈસરોના વડાએ કહ્યું કે અમે પ્રક્ષેપણ માટે તૈયારી કરી રહ્યા છીએ. અમે રિહર્સલ પણ પૂરું કર્યું છે.

૫. દિલ્હી ૨૦ સમિટમાં સુરક્ષા એ સૌથી મોટો પડકાર

દેશની રાજધાની દિલ્હીમાં યોજાનારી ૨૦ બેઠક (G20 Summit) પર સમગ્ર વિશ્વની નજર છે. જ્યાં પણ આ બેઠક થાય છે ત્યાં સૌથી મોટો પડકાર સુરક્ષા વ્યવસ્થાનો હોય છે. અમેરિકી રાષ્ટ્રપતિ જો બાઈડન (Joe Biden), બ્રિટનના વડાપ્રધાન ઋષિ સુનક, જાપાનના વડાપ્રધાન અને ફ્રાન્સના રાષ્ટ્રપતિ પણ આ બેઠકમાં ભાગ લેશે. એ જ રીતે ચીન, જર્મની, કેનેડા, ઈટાલી, ઓસ્ટ્રેલિયા અને સાઉદી અરેબિયાના દેશોના વડાઓ ભાગ લેશે. આ તમામ મહેમાનો અને તેમની સાથેના પ્રતિનિધિઓ દિલ્હી (New Delhi)ની ૨૩ અને NCRમાં ૯ હોટલોમાં રોકાશે. આ તમામ નેતાઓમાં સૌથી કડક સુરક્ષા અમેરિકન રાષ્ટ્રપતિ જો બાઈડનની હશે. બાઈડન ૭ થી ૧૦ સપ્ટેમ્બર સુધી ભારતમાં રહેશે. તેઓ નવી દિલ્હીમાં આઈટીસી મૌર્ય હોટલમાં રોકાશે. બાઈડન માટે આ હોટલના ૧૪મા માળે પ્રેસિડેન્શિયલ સ્યુટમાં રાખવામાં આવશે. હોટેલમાં ૪૦૦ રૂમ બુક છે. આ સમય દરમિયાન બાઈડન યુએસ સિક્રેટ સર્વિસના ૩૦૦ કમાન્ડોના સુરક્ષા કવચ હેઠળ હશે. દિલ્હીના રસ્તાઓ પર નીકળનાર સૌથી મોટો કાફલો પણ તેમનો જ હશે, જેમાં ૫૫-૬૦ વાહનો સામેલ હશે. બાઈડન ૭ સપ્ટેમ્બરે એરફોર્સ વનથી દિલ્હી એરપોર્ટ પર ઉતરશે, ત્યારબાદ તેઓ એક ભવ્ય કાફલા સાથે આઈટીસી મૌર્ય હોટલ માટે રવાના થશે. લગભગ ચારસો લોકોની ટીમ આઈટીસી મૌર્યમાં તેમની સાથે રહેશે. રાષ્ટ્રપતિનો કાફલો જે રૂટ પરથી પસાર થશે તે રૂટ સંપૂર્ણપણે સિક્રેટ સર્વિસ દ્વારા કબજે કરવામાં આવશે. અમેરિકાની સિક્રેટ સર્વિસ વિંગે ભારતની કાયદા અમલીકરણ એજન્સીઓ સાથે મળીને હોટેલની સુરક્ષાને ઘેરી લીધી છે. એવી માહિતી છે કે આ સમયગાળા દરમિયાન અમેરિકન સિક્રેટ સર્વિસના લગભગ ૩૦૦ કમાન્ડો તેમની આસપાસ તૈનાત રહેશે. બાઈડનના કારકેડમાં ૫૫-૬૦ વાહનો હશે. જે વાહનમાં બાઈડન આવશે તેને અમેરિકાથી દિલ્હી લાવવામાં આવશે. તેના વિશે કહેવામાં આવે છે કે તેના પર ભારે હથિયારોની અસર થતી નથી. બાઈડનની બુલેટપ્રૂફ કાર પર હેન્ડ ગ્રેનેડ અને મિસાઈલ હુમલા સામે રક્ષણ આપે છે. આ વાહન કેમિકલ એટેક અને ન્યુક્લિયર એટેકથી પણ સુરક્ષિત છે. રાષ્ટ્રપતિની કારના ટાયર પણ બુલેટપ્રુફ છે. અમેરિકી રાષ્ટ્રપતિના કાફલામાં આવા કુલ ૩ વાહનો છે.બાઈડન જે કારમાં મુસાફરી કરશે તેમાં ફૂટબોલ આકારનું ઉપકરણ લગાવવામાં આવ્યું છે. તેનો અર્થ એ છે કે એક સ્વિચ કે જે તેઓ કટોકટીના સમયે ઉપયોગ કરી શકે છે. આ વાસ્તવમાં પરમાણુ સ્વીચ છે. જો અમેરિકી રાષ્ટ્રપતિની ગેરહાજરીમાં અમેરિકામાં કંઈક એવું બને કે તેમને પરમાણુ શક્તિનો ઉપયોગ કરવો જરૂરી લાગે તો તેઓ દિલ્હીમાં પોતાની કારની અંદર બેસીને તેનો ઉપયોગ કરી શકશે. અમેરિકન રાષ્ટ્રપતિ જે પણ દેશની યાત્રા કરે છે, તેમની સાથે ડોકટરોની એક ટીમ પણ હાજર હોય છે જેમની પાસે રાષ્ટ્રપ તિના બ્લડ ગ્રુપનું બ્લડ પેકેટ હોય છે અને તેઓ તેનો ઉપયોગ ઈમરજન્સીમાં તેમને બચાવવા માટે કરી શકે છે.

૬. ફિલિપાઈન્સમાં કપડાની ફેક્ટરીમાં આગ લાગતા ૧૬ લોકોના મોત

ફિલિપાઈન્સમાં ગુરુવારે એક મોટો અકસ્માત થયો હતો. ફિલિપાઈન્સમાં કપડાની ફેક્ટરીમાં આગ લાગી હતી, જેમાં લગભગ ૧૬ લોકોના મોત થયા છે, મીડિયા રિપોર્ટ્સ અનુસાર આગ બે માળની ઈમારતમાં લાગી હતી, જેનો ઉપયોગ ટી-શર્ટ પ્રિન્ટિંગ વ્યવસાયના ગોડાઉન અને મજૂરોને રહેવા માટે કરવામાં આવતો હતો. વાસ્તવમાં રાજધાની મનીલામાં એક કપડાની ફેક્ટરીમાં આગ લાગી હતી. આ અકસ્માતમાં ૧૬ લોકોના મોત થયા હતા. મીડિયા રિપોર્ટ્સ અનુસાર ગુરુવારે લાગેલી આગમાં એક બે માળની ઈમારત સંપૂર્ણપણે બળીને ખાખ થઈ ગઈ હતી. રિપોર્ટ અનુસાર, દુર્ઘટના વિશે માહિતી આપતા ફાયર બ્રિગેડના ચીફ માર્સેલો ૨ગુન્ડિયાઝે કહ્યું કે આગ દરમિયાન ઓછામાં ઓછા ત્રણ લોકો બચી ગયા છે. રિપોર્ટ અનુસાર, આ આગ બિલ્ડિંગની મધ્યમાં લાગી હતી. જેના કારણે મોટાભાગના લોકો તેમાંથી બહાર આવી શક્યા નથી. કહેવામાં આવી રહ્યું છે કે ફિલિપાઈન્સમાં આગ દરમિયાન પૂર, જામ અને ખોટા એડ્રેસના કારણે ફાયર બ્રિગેડને પહોંચવામાં મોડું થયું હતું. અધિકારીઓએ જણાવ્યું કે મૃતકોમાં મોટાભાગના ફેક્ટરી કામદારો હતા જેઓ ઘટના સમયે રૂમમાં સૂઈ ગયા હતા. ફાયર બ્રિગેડના અધિકારી નહુમ તરોજાએ જણાવ્યું હતું કે રૂમની બહાર કોરિડોરમાં કેટલાક લોકો મૃત હાલતમાં મળી આવ્યા હતા. આ મૃતકોમાં ફેક્ટરીના માલિક અને તેના બાળકનો પણ સમાવેશ થાય છે. તરોજાએ જણાવ્યું કે આગને કારણે ત્રણ લોકો બે માળની ફેક્ટરીના બીજા માળેથી કૂદી પડ્યા અને ઘાયલ થયા. ઘાયલોને તાત્કાલિક હોસ્પિટલમાં દાખલ કરવામાં આવ્યા હતા. તેમણે કહ્યું કે પૂર અને જામ તેમજ ફાયર બ્રિગેડના જવાનોને આપવામાં આવેલા ખોટા સરનામાના કારણે ટીમ થોડી મોડી પહોંચી હતી.

૭. લંડનમાં બે પબમાં આગ લાગી, પોલીસે આ આગને શંકાસ્પદ ગણાવી

લંડનમાં પોલીસે કહ્યું છે કે, ક્રોયડનની આસપાસના બે પબમાં લાગેલી આગને (Fire) શંકાસ્પદ ગણવામાં આવી રહી છે. ફાયર ફાઈટરને (Fire Fighter) ગુરુવારે સવારે વિંડ મીલ અને ડ્રમ એન્ડ મંકી પબ ખાતે અલગ અલગ આગની ઘટના માટે બોલાવવામાં આવ્યા હતા. અહેવાલો અનુસાર, વિંડ મીલ ૨૦૨૧માં £1.5 મિલિયનમાં વેચાણ માટે હતો, જ્યારે ડ્રમ એન્ડ મંકી £650,000માં ઓફર હેઠળ હતો. એક નિવેદનમાં તેં પોલીસે કહ્યું કે, આગને શંકાસ્પદ માનવામાં આવે છે. સાથે જ Mā અને લંડન ફાયર બ્રિગેડ દ્વારા સંયુક્ત તપાસ કરવામાં આવી રહી છે. ઘટના સ્થળે કોઈને ઈજા થઈ હોવાના અહેવાલ નથી. આ અંગે પ્રાથમિક તબક્કે કોઈ ધરપકડ કરવામાં આવી નથી. લંડન ફાયર બ્રિગેડ (LFB) એ જણાવ્યું હતું કે, સેન્ટ જેમ્સ રોડ પરના વિંડ મીલમાં સવારે લગભગ ૫.૪૪ કલાકે આગ લાગી હોવાની જાણ કરવામાં આવી હતી.

૮. પાકિસ્તાનમાં આ વર્ષે સામાન્ય ચૂંટણી નહીં યોજાય, વિલંબ પાછળ ચૂંટણી પંચે આ કારણ આપ્યું

પાકિસ્તાનના (Pakistan) ચૂંટણી પંચે ગુરુવારે સ્પષ્ટ કર્યું છે કે દેશમાં આ વર્ષે સામાન્ય ચૂંટણી (Election) નહીં થાય. ચૂંટણી પંચે પાકિસ્તાનના રાજકીય પક્ષોને ખાતરી આપી છે કે સામાન્ય ચૂંટણી જાન્યુઆરીના અંત અથવા ફેબ્રુઆરીના મધ્યમાં યોજવામાં આવશે. ચૂંટણી પંચની આ જાહેરાત બાદ રોકડની કટોકટીનો સામનો કરી રહેલા દેશમાં ચૂંટણી અંગેની આશંકાઓ દૂર થઈ ગઈ છે. સમાચાર એજન્સી પીટીઆઈએ ‘ડોન’ અખબારને ટાંકીને અહેવાલ આપ્યો છે કે, અવામી નેશનલ પાર્ટી (ANP)ના કેટલાક નેતાઓ સામાન્ય ચૂંટણીને લઈને પંચને મળ્યા હતા. બેઠક દરમિયાન જ ચૂંટણી પંચે છૐ નેતાઓને જાન્યુઆરીના મધ્યમાં અથવા આવતા વર્ષે ફેબ્રુઆરીમાં ચૂંટણી કરાવવાની ખાતરી આપી છે. આ બેઠકમાં પાકિસ્તાનના મુખ્ય ચૂંટણી કમિશનર સિકંદર સુલતાન રાજા અને અન્ય ઘણા વરિષ્ઠ અધિકારીઓએ ભાગ લીધો હતો. પાકિસ્તાનની નેશનલ એસેમ્બલી ૯ ઓગસ્ટના રોજ ભંગ કરી દેવામાં આવી હતી. સામાન્ય રીતે જ્યારે દેશની નેશનલ એસેમ્બલીનું વિસર્જન કરવામાં આવે છે, ત્યારે તે ૯૦ દિવસની નિર્ધારિત સમય મર્યાદામાં હોવું જોઈએ. જો કે ચૂંટણી પંચની આ ખાતરી જોતા આ વખતે તે શક્ય જણાતું નથી. પાકિસ્તાનના રાષ્ટ્રપતિ આરિફ અલ્વીએ નવી ચૂંટણીઓ ન થાય ત્યાં સુધી ઓગસ્ટના મધ્યમાં અનવર-ઉલ-હકને કાર્યકારી વડાપ્રધાન તરીકે નિયુક્ત કર્યા હતા. ચૂંટણીમાં વિલંબ થવા પાછળનું કારણ શું? જે જણાવીએ, ચૂંટણી પંચે નવી વસ્તી ગણતરીના આધારે મતવિસ્તારોને નવેસરથી સીમાંકન કરવાનો નિર્ણય લીધો છે, જેના કારણે સામાન્ય ચૂંટણીમાં વિલંબ થઈ રહ્યો છે. ચૂંટણી પંચ સાથેની બેઠક દરમિયાન ANP નેતાઓએ વિનંતી કરી હતી કે જો ૯૦ દિવસમાં ચૂંટણી યોજવી શકચ ન હોય તો તેમને વધુ વિગતો અને કાર્યક્રમ વિશે જણાવવામાં આવે. પાકિસ્તાન પીપલ્સ પાર્ટી (PPP)એ પણ આગામી ચૂંટણીને લઈને અનિશ્ચિતતાનો અંત લાવવા માટે એક દિવસ પહેલા આવી જ માગ કરી હતી. મુખ્ય ચૂંટણી કમિશનરને મળ્યા બાદ હુસૈને કહ્યું કે, ચૂંટણી પંચે તેમને ફેબ્રુઆરીના મધ્યમાં ચૂંટણી કરાવવાની તૈયારીની ખાતરી આપી છે. તેમણે કહ્યું કે, ચૂંટણી પંચે સીમાંકનની પ્રક્રિયા ઝડપી બનાવવાનું આશ્વાસન આપ્યું છે. તમને જણાવી દઈએ કે પૂર્વ વડાપ્રધાન ઈમરાન ખાનને સત્તા પરથી હટાવ્યા બાદ પાકિસ્તાનમાં છેલ્લા એક વર્ષથી રાજકીય ઉથલપાથલની સ્થિતિ છે. પાકિસ્તાનની એક હાઈકોર્ટે મંગળવારે ભ્રષ્ટાચારના આરોપમાં જેલમાં બંધ પૂર્વ પીએમ ઈમરાનને તેમની સજા પર રોક લગાવીને મોટી રાહત આપી હતી, પરંતુ અન્ય એક કેસમાં તેમને અટકાયતમાં રાખવાનો આદેશ આપવામાં આવ્યો હતો, તેથી તેમની ફરી ધરપકડ કરવામાં આવી છે.

૯. કોમર્શિયલ ગેસ સિલિન્ડરની કિંમતમાં સતત બીજા મહિને ઘટાડો

૩૦ ઓગસ્ટે ઘરેલુ એલપીજી ગેસ સિલિન્ડરની કિંમતમાં ૨૦૦ રૂપિયાનો ઘટાડો કરવામાં આવ્યો હતો. હવે કોમર્શિયલ ગેસ સિલિન્ડરનો ઉપયોગ કરતા લોકોને પણ મોટી રાહત મળી છે. IOCLની વેબસાઈટ અનુસાર કોમર્શિયલ ગેસ સિલિન્ડરની કિંમતમાં સતત બીજા મહિને ઘટાડો થયો છે. દિલ્હીથી ચેન્નાઈ સુધી કોમર્શિયલ ગેસ સિલિન્ડરના ભાવમાં ૧૫૦ રૂપિયાથી વધુનો ઘટાડો થયો છે. બે મહિનાની વાત કરીએ તો ૨૫૦ રૂપિયાથી વધુનો ઘટાડો જોવા મળ્યો છે. તહેવારોની સિઝનમાં રેસ્ટોરન્ટના માલિકો સાથે મીઠાઈ બનાવનારાઓને સૌથી વધુ ફાયદો થશે. આ ચીજોની કિંમતમાં ઘટાડો થી શકે છે. સપ્ટેમ્બરમાં કોમર્શિયલ ગેસ સિલિન્ડર કેટલા સસ્તા થયા?.. જે જણાવીએ, દેશની રાજધાની દિલ્હીમાં કોમર્શિયલ ગેસ સિલિન્ડરની કિંમતમાં ૧૫૭.૫ રૂપિયાનો ઘટાડો થયો છે અને ગેસ સિલિન્ડરની કિંમત ૧૫૨૨.૫૦ રૂપિયા થઈ ગઈ છે. ઓગસ્ટમાં તેની કિંમત ૧૬૮૦ રૂપિયા હતી. કોલકાતામાં કોમર્શિયલ ગેસ સિલિન્ડરની કિંમતમાં ૧૬૬.૫ રૂપિયાનો ઘટાડો થયો છે, ત્યારબાદ તેની કિંમત ઘટીને ૧૬૩૬ રૂપિયા પ્રતિ ગેસ સિલિન્ડર થઈ ગઈ છે. ઓગસ્ટ મહિનામાં તેની કિંમત ૧૮૦૨.૫૦ રૂપિયા હતી. મુંબઈમાં કોમર્શિયલ ગેસ સિલિન્ડરની કિંમતમાં ૧૫૮.૫ રૂપિયાનો ઘટાડો થયો છે અને કિંમત ઘટીને ૧૪૮૨ રૂપિયા થઈ ગઈ છે. ઓગસ્ટ મહિનામાં તેની કિંમત રૂ.૧૬૪૦.૫૦ હતી. ચેન્નાઈમાં પણ કોમર્શિયલ ગેસ સિલિન્ડરની કિંમતમાં ૧૫૭.૫ રૂપિયાનો ઘટાડો થયો છે અને તેની કિંમત ૧૬૯૫ રૂપિયા થઈ ગઈ છે. ઓગસ્ટમાં કિંમત ૧૮૫૨.૫૦ રૂપિયા હતી. બે મહિનામાં કિંમતમાં કેટલો ઘટાડો થયો?. જે જણાવીએ, જો બે મહિનાની વાત કરીએ તો દેશની રાજધાની દિલ્હીમાં કોમર્શિયલ ગેસ સિલિન્ડરની કિંમતમાં ૨૫૭.૫ રૂપિયાનો ઘટાડો થયો છે. જુલાઈ મહિનામાં અહીં ભાવ રૂ.૧૭૮૦ હતા. કોલકાતામાં પણ કોમર્શિયલ ગેસ સિલિન્ડરની કિંમતમાં ૨૫૯ રૂપિયાનો ઘટાડો થયો છે. જ્યારે જુલાઈ મહિનામાં અહીં ભાવ ૧૮૯૫ રૂપિયા હતા. મુંબઈમાં કોમર્શિયલ ગેસ સિલિન્ડરની કિંમતમાં બે મહિનામાં ૨૫૧ રૂપિયાનો ઘટાડો કરવામાં આવ્યો છે, જ્યારે જુલાઈ મહિનામાં તેની કિંમત ૧૭૩૩ રૂપિયા હતી. ચેન્નાઈમાં બે મહિનામાં કોમર્શિયલ ગેસ સિલિન્ડરની કિંમતમાં ૨૫૦ રૂપિયાનો ઘટાડો કરવામાં આવ્યો છે. જુલાઈ મહિનામાં કોમર્શિયલ ગેસ સિલિન્ડરની કિંમત રૂ.૧૯૪૫ હતી. ઘરેલું ગેસ સિલિન્ડરની કિંમત સ્થિર.. જે જણાવીએ, ઘરેલું ગેસ સિલિન્ડરની કિંમતમાં ફરી એકવાર સરકાર દ્વારા બદલાવ કરવામાં આવ્યો નથી. દિલ્હીમાં સ્થાનિક એલપીજીની કિંમત રૂ. ૯૦૩ છે. કોલકાતામાં એલપીજીની કિંમત રૂ.૯૨૯ છે. મુંબઈમાં રૂ. ૯૦૨.૫૦ અને ચેન્નાઇમાં રૂ. ૯૧૮.૫૦. સરકારે ૨૯ ઓગસ્ટની સાંજે ઘરેલુ ગેસ સિલિન્ડરની કિંમતમાં ૨૦૦ રૂપિયાનો ઘટાડો કરવાની જાહેરાત કરી હતી. જે બાદ ૩૦ ઓગસ્ટે નવા દરો લાગુ કરવામાં આવ્યા હતા. ઉજ્જવલા યોજના હેઠળ આવતા ૧૦ કરોડથી વધુ લોકોને ૪૦૦ રૂપિયાનો લાભ મળશે કારણ કે તેમને પહેલાથી જ ૨૦૦ રૂપિયાની સબસિડી આપવામાં આવી રહી હતી.

૧૦. સ્વદેશી યુદ્ધ જહાજ મહેન્દ્રગીરીથી નૌકાદળની શક્તિ વધી જશે

સંરક્ષણ મંત્રાલય દ્વારા જાહેર કરવામાં આવેલા એક નિવેદનમાં કહેવામાં આવ્યું છે કે મહેન્દ્રગિરી (Mahendragiri)નું પ્રક્ષેપણ આત્મનિર્ભર નૌકાદળના નિર્માણમાં દેશની અવિશ્વસનીય પ્રગતિનો યોગ્ય પુરાવો છે. અત્યાધુનિક સેન્સરથી સજ્જ, ૫૧KMPHની સ્પીડ અને દુશ્મનનો અવાજ સંવેદન કેચ કરવામાં સક્ષમ, સ્વદેશી યુદ્ધ જહાજ મહેન્દ્રગીરી કેવી રીતે વધારશે નેવીની શક્તિ.. જે જણાવીએ, ભારતીય નૌકાદળની તાકાત વધુ વધવાની છે. યુદ્ધના પડકારો વચ્ચે સ્વદેશી યુદ્ધ જહાજ મહેન્દ્રગિરી નૌકાદળની શક્તિ વધારવા માટે સંપૂર્ણ રીતે તૈયાર છે. ૨૦૧૯ થી ૨૦૨૩ સુધી છ યુદ્ધ જહાજો લોન્ચ કરવામાં આવ્યા છે અને તેમાં વપરાતા ૭૫ ટકા ઉપ કરણો સંપૂર્ણપણે સ્વદેશી છે. સંરક્ષણ મંત્રાલયના જણાવ્યા અનુસાર, ૧ સપ્ટેમ્બરના રોજ ઉપરાષ્ટ્રપતિ જગદીપ ધનખડ તેને મુંબઈમાં મઝાગોન ડોક શિપબિલ્ડર્સ લિમિટેડમાં લોન્ચ કરશે.

મહેન્દ્રગીરી યુદ્ધ જહાજની સૌથી મોટી વિશેષતા એ છે કે, તે અત્યાધુનિક સેન્સરથી સજ્જ છે અને તે દૂરથી દુશ્મનના અવાજને સંવેદન કરવામાં સક્ષમ છે. તેમાં સ્થાપિત ટોર્પિડો લોન્ચર અને રોકેટ લોન્ચર જહાજની એન્ટી સબમરીન ક્ષમતામાં વધારો કરશે. આ સિવાય મહેન્દ્રગિરી યુદ્ધ જહાજ બે રેપિડ ફાયર ગનથી સજ્જ છે, જે દુશ્મનના દરેક ષડયંત્રને નિષ્ફળ બનાવશે. આ પહેલા રાષ્ટ્રપતિ દ્રોપદી મુર્મુએ ૧૭ ઓગસ્ટના રોજ ભારતીય નૌસેના માટે આધુનિક જહાજ લોન્ચ કર્યું હતુ. જેનું નામ (Vindhyagiri) છે. સૌથી મહત્વની બાબત એ છે કે પ્રોજેક્ટ ૧૭છ હેઠળ તૈયાર કરાયેલ આ સ્વદેશી યુદ્ધ જહાજ આત્મનિર્ભર ભારતનું પ્રતીક છે અને તે અત્યાધુનિક યુદ્ધ પ્રણાલીથી સજ્જ છે, જેને આત્મનિર્ભર ભારત અભિયાન હેઠળ તૈયાર કરવામાં આવ્યું છે. પ્રોજેક્ટ 174 હેઠળ હવે સાત યુદ્ધ જહાજોનું નિર્માણ થવાનું છે, જેમાંથી ભારતીય નૌકાદળ દ્વારા શરૂ કરાયેલા પાંચ યુદ્ધ જહાજો નીલગીરી, ઉદયગીરી, હિમગીરી, તારાગીરી અને દુનાગીરી છે. હિંદ મહાસાગરમાં ચીનના વધતા પ્રભાવ વચ્ચે ભારત સતત તેના વિસ્તારમાં પોતાની હાજરી વધારવામાં વ્યસ્ત છે.

૧૧. કેન્દ્રીય મંત્રી કૌશલ કિશોરના ઘરમાં પુત્રના મિત્રની ગોળી મારી હત્યા

લખનૌના ઠાકુરગંજ પોલીસ સ્ટેશન વિસ્તારના બેગરિયા ગામમાં કેન્દ્રીય રાજ્ય મંત્રી કૌશલ કિશોરના ઘરે તેમના પુત્રના મિત્ર વિનય શ્રીવાસ્તવની પિસ્તોલથી ગોળી મારીને હત્યા કરવામાં આવી હતી. માહિતી મળતાં જ પોલીસ ઘટનાસ્થળે પહોંચી તપાસમાં લાગી હતી. DCP રાહુલ રાજ અને ADCP ચિરંજીવી નાથ સિંહા સહિત ભારે પોલીસ દળ ઘટનાસ્થળે હાજર રહ્યો હતો. પોલીસે કસ્ટડીમાં ત્રણ લોકોની પૂછપરછ શરૂ કરી છે. પરિજનોએ હત્યાની ફરિયાદ આપી છે. જો કે જે પિસ્તોલથી ગોળી ચલાવવામાં આવી હતી તે વિકાસની હોવાનું કહેવાય છે. સાંસદના પુત્રના નિવાસસ્થાને થયેલા ફાયરિંગમાં સાંસદ કૌશલ કિશોરના પુત્ર વિકાસ કિશોરના મિત્રને તેના જ ઘરમાં ગોળી મારીને હત્યા કરી દેવામાં આવી હતી. મૃતકનું નામ વિનય શ્રીવાસ્તવ છે જે કૌશલ કિશોરના પુત્ર વિકાસ કિશોરનો મિત્ર હતો. હત્યાની માહિતી મળતા જ સમગ્ર વિસ્તારમાં ચકચાર મચી ગઈ હતી. મળતી માહિતી મુજબ, વિનય શ્રીવાસ્તવને સવારે ૪.૧૫ વાગ્યે ગોળી મારી દેવામાં આવી હતી. DCP રાહુલ રાજે કહ્યું, ‘વિનય શ્રીવાસ્તવનું મૃત્યુ થયું છે. ગોળી વાગવાથી તેનું મોત થયું છે. માથા પર ઈજાના નિશાન છે. ઘરમાં એકસાથે ૬ લોકો આવ્યા હતા. રાત્રે જમ્યા અને તે પછી ફાયરિંગની ઘટના બની. આ ઘટના બાદ ઘટનાસ્થળેથી એક પિસ્તોલ પણ મળી આવી છે. પિસ્તોલ વિકાસ કિશોરની હોવાનું કહેવાય છે. તેની વિગતો તપાસવામાં આવી રહી છે. ફોરેન્સિક ટીમ તૈનાત કરવામાં આવી છે. CCTV કેમેરાની પણ ચકાસણી કરવામાં આવી રહી રહી છે. પોલીસના જણાવ્યા અનુસાર, અજય રાવત, અંકિત વર્મા, શમીમ બાબા અને બંટી સહિત કુલ ૬ લોકો ઘટનાસ્થળે હાજર હતા. પરિજનોએ અજય, અંકિત અને શમીમ પર હત્યાનો આરોપ લગાવ્યો છે અને પોલીસ ફરિયાદ નોંધાવી છે. ઘટના અને આરોપીના સવાલ પર કેન્દ્રીય મંત્રી કૌશલ કિશોરે કહ્યું, ‘આ તપાસનો વિષય છે. મને ખબર પડતા મેં પોલીસ કમિશનરને જાણ કરી હતી. પોલીસ અધિકારીઓની સાથે ફોરેન્સિક ટીમ પણ ઘટનાસ્થળે પહોંચી હતી. તેઓ તપાસ કરી રહ્યા છે. મૃતદેહને પોસ્ટમોર્ટમ માટે મોકલી આપ વામાં આવ્યો છે. જે સાચું હશે તે બહાર આવશે. તમારા પુત્રની પિસ્તોલમાંથી ગોળી નીકળી હતી? આ સવાલ પર કૌશલ કિશોરે કહ્યું કે આ તપાસનો વિષય છે. જે પણ દોષિત જણાશે તેની સામે કાર્યવાહી કરવામાં આવશે. મને ખબર નથી કે ઘટના સમયે ત્યાં કોણ હાજર હતું. કારણ કે જ્યારે આ ગોળી ચલાવવામાં આવી ત્યારે મારો પુત્ર આશુ ત્યાં ન હતો. તે દિલ્હી ગયો હતો.

૧૨. વન નેશન- વન ઈલેક્શન પર ચર્ચા માટે વિશેષ સત્ર, નવા મુદ્દાઓ પર થવી જોઈએ વાત : પ્રહલાદ જોશી

કેન્દ્ર સરકારે આજે એક દેશ, એક ચૂંટણીને લઈને એક સમિતિની રચના કરી છે. આ સમિતિનું નેતૃત્વ પૂર્વ રાષ્ટ્રપતિ રામનાથ કોવિંદ કરશે. આ પહેલા ગઈકાલે કેન્દ્રીય મંત્રી પ્રહલાદ જોશીએ સંસદનું વિશેષ સત્ર બોલાવવાની જાહેરાત કરી હતી. ત્યારથી સંસદમાં ચર્ચાને લઈને વિવિધ પ્રકારની અટકળો લગાવવામાં આવી રહી હતી, જેના પર આજે બ્રેક લાગી છે. પ્રહલાદ જોશીએ મીડિયા સાથે વાત કરતા સ્પષ્ટ કર્યું છે કે સંસદનું વિશેષ સત્ર એક દેશ, એક ચૂંટણી પર ચર્ચા કરવા માટે બોલાવવામાં આવ્યું છે. એક દેશ, એક ચૂંટણી વિશે વાત કરતા પ્રહલાદ જોશીએ કહ્યું, “આજે કેન્દ્ર સરકારે પૂર્વ રાષ્ટ્રપતિ રામનાથ કોવિંદના નેતૃત્વમાં એક દેશ, એક ચૂંટણી પર એક સમિતિની રચના કરી છે. નવા મુદ્દા આવતા રહે છે, વાત થવી જોઈએ. કેન્દ્રીય મંત્રીએ કહ્યું કે એવું નથી કે ગઈકાલથી આવું થઈ રહ્યું છે. વિરોધ પક્ષોએ ગભરાવાની શું જરૂર છે?.. જે જણાવીએ, મોદી સરકારે વન નેશન-વન ઈલેક્શન માટે એક કમિટીની રચના કરી છે જે તેના પર પોતાનો રિપોર્ટ આપશે. હજુ સુધી કોઈ સત્તાવાર સૂચના જાહેર કરવામાં આવી નથી. આજે સાંજ સુધીમાં તે રિલીઝ થાય તેવી શક્યતાઓ છે. જો કે, કમિટી કચા સમય સુધીમાં તેનો રિપોર્ટ આપશે તેની જાહેરાત કરવામાં આવી નથી. કેન્દ્ર સરકારે ૧૮ થી ૨૨ સપ્ટેમ્બર સુધી સંસદનું વિશેષ સત્ર બોલાવવાની જાહેરાત કરી છે. આ સત્રમાં કુલ પાંચ બેઠકો થશે. સરકારનો આ નિર્ણય માસ્ટરસ્ટ્રોક હોવાનું રાજકીય સલાહકારો માને છે. જો આ કાયદો દેશમાં લાગુ થશે તો રાજ્ય અને કેન્દ્રની ચૂંટણી એક સાથે થશે. કેન્દ્રના આ નિર્ણય પર વિપક્ષ આકરા પ્રહારો કરી રહ્યા છે. કોંગ્રેસના નેતા અધીર રંજન ચૌધરીએ કહ્યું કે આના બદલે પીએમ મોદીએ દેશના અન્ય મહત્વપૂર્ણ મુદ્દાઓ પર ધ્યાન કેન્દ્રિત કરવાની જરૂર છે. થોડા સમય પહેલા લો કમિશને વન નેશન-વન ઈલેક્શનના મુદ્દે સામાન્ય લોકોનો અભિપ્રાય માંગ્યો હતો. વાસ્તવમાં, આ ચર્ચા એટલા માટે વધુ તીવ્ર થઈ કારણ કે ગઈકાલે કેન્દ્રીય સંસદીય પ્રધાન પ્રહલાદ જોશીએ ટ્વિટર પર માહિતી આપી હતી કે કેન્દ્ર સરકારે ૧૮ થી ૨૨ સપ્ટેમ્બર સુધી સંસદનું વિશેષ સત્ર બોલાવવાનો નિર્ણય કર્યો છે. આ દરમિયાન ૫ બેઠકો થશે અને અમૃતકાળ તરફ આગળ વધી રહેલા દેશના વિકાસના મુદ્દા પર સાર્થક ચર્ચાઓ થશે. જો કે કેન્દ્ર સરકાર દ્વારાવન નેશન- વન ઈલેક્શનને લઈને જે વાતાવરણ સર્જાઈ રહ્યું છે તેના પર વિપક્ષ રોષે ભરાયા છે. કોંગ્રેસ સાંસદ અધીર રંજન ચૌધરીએ કહ્યું છે કે દેશને અત્યારે આની જરૂર નથી, આ મામલે મોદી સરકારના ઈરાદા યોગ્ય નથી. સરકારે પહેલા મોંઘવારીનો ઉકેલ શોધવા અને બેરોજગારી દૂર કરવા પર ધ્યાન કેન્દ્રિત કરવું જોઈએ.

૧૩. વીજળી બાદ વધુ એક ઝટકો, પાકિસ્તાનમાં પેટ્રોલ અને ડીઝલના ભાવમાં કર્યો તોતિંગ વધારો

પાકિસ્તાન લાંબા સમયથી આર્થિક સંકટ અને ગરીબીથી પીડિત છે. જેના કારણે ખાદ્યપદાર્થો અને પેટ્રોલ અને ડીઝલના ભાવમાં આગ લાગી છે. આ કારણે અનવારુલ હક કાકરની આગેવાની હેઠળની પાકિસ્તાનની વચગાળાની સરકાર ઘણા મોટા પડકારોનો સામનો કરી રહી છે. પહેલેથી જ મોંઘવારીનો માર સહન કરી રહેલા લોકો પર વચગાળાની સરકારે પેટ્રોલ અને ડીઝલના વધેલા ભાવનો બોમ્બ ફેંક્યો છે. ઈલેક્ટ્રિક શોક આપ્યા બાદ હવે વચગાળાની સરકારે પેટ્રોલના ભાવમાં પ્રતિ લિટર ૧૪.૯૧ રૂપિયા અને હાઈ-સ્પીડ ડીઝલ (HSD)ના ભાવમાં ૧૮.૪૪ રૂપિયા પ્રતિ લિટરનો વધારો કર્યો છે. પાકિસ્તાનના ડોન સમાચાર અનુસાર, નાણા મંત્રાલયે મધ્યરાત્રિ પછી સોશિયલ મીડિયા પ્લેટફોર્મ ઠ (અગાઉ ટ્વિટર) પર એક સત્તાવાર પોસ્ટ જાહેર કરી છે. જેમાં મંત્રાલયે પેટ્રોલ અને ડીઝલના ભાવમાં વધારો કરવાનો આદેશ જાહેર કર્યો હતો. આ પછી હવે પાકિસ્તાનમાં પેટ્રોલની કિંમત ૩૦૫.૩૬ રૂપિયા પ્રતિ લિટર અને HSD ૩૧૧.૮૪ રૂપિયા પ્રતિ લિટર થઈ ગઈ છે. કેરોસીન કે લાઈટ ડીઝલ ઓઈલના દરોમાં કોઈ ફેરફાર કરવામાં આવ્યો નથી. જણાવી દઈએ કે પાકિસ્તાનની વચગાળાની સરકારે સત્તા સંભાળ્યા બાદ ૧૫ ઓગસ્ટથી પેટ્રોલ અને ડીઝલના ભાવમાં ભારે વધારો કરવાની જાહેરાત કરી હતી. પરંતુ હવે આ વધારાના ૧૫ દિવસ બાદ તેમાં વધુ વધારો કરવામાં આવ્યો છે. વચગાળાની સરકારે ઈંધણના ભાવમાં ૨૦ રૂપિયા પ્રતિ લીટર સુધીનો વધારો કર્યો હતો. પેટ્રોલિયમના ભાવમાં આ ઉછાળો અગાઉની સરકારે ૧ ઓગસ્ટના રોજ સમાન વધારો કર્યા પછી આવ્યો હતો. સરકારનો દાવો છે કે ભાવવધારો વર્તમાન ટેક્સ દરો અને આયાત સમાનતાના ભાવ પર આધારિત છે. ખાસ કરીને પાકિસ્તાની ચલણમાં ઘટાડો અને આંતરરાષ્ટ્રીય તેલના ભાવમાં થોડો વધારો થવાને કારણે આવું કરવું પડ્યું છે. આંતરરાષ્ટ્રીય બેંક માર્કેટમાં યુએસ ડોલર સામે રૂપિયો ફરી એકવાર રૂ. ૧.૦૯ ઘટ્યો છે. તે રૂ. ૩૦૫.૫૪ની રેકોર્ડ નીચી સપાટીએ બંધ રહ્યો હતો. જણાવી દઈએ કે પાકિસ્તાનમાં વચગાળાની સરકારે સત્તા સંભાળી ત્યારથી રૂપિયામાં ૪.૬ ટકાનો ઘટાડો થયો છે. ઓગસ્ટ સુધી રૂપિયામાં ૬.૨ ટકાનો ઘટાડો નોંધાયો છે.