વડોદરા નજીક છોટાઉદેપુર જિલ્લામાં દારૂના ગુનામાં ફરાર આરોપીને નંદેશરી પોલીસે ઝડપી પાડી છોટાઉદેપુર પોલીસને સોંપવાની તજવીજ કરી છે.
છોટાઉદેપુરના પાનવડ વિસ્તારમાં ચારેક મહિના પછી પોલીસે રૂ.પોણો લાખનો દારૂ ભરેલી કાર ઝડપી પાડી હતી. જે ગુનામાં ભગીરથસિંહ ઉર્ફે લાલુ અશ્વિનકુમાર ઝાલા (રહે.અનગઢ, તાલુકો વડોદરા) નું નામ ખુલ્યું હતું. નંદેસરી પોલીસની ટીમને આ બુટલેગર વિશે માહિતી મળતા ગઈકાલે વોચ રાખી તેને ઝડપી પાડ્યો હતો. પાનવડ પોલીસ દ્વારા આરોપીને રિમાન્ડ પર લેવાની તજવીજ કરવામાં આવનાર હોવાનું જાણવા મળ્યું છે.
