વિશ્વ યોગ દિવસનો વડોદરા જીલ્લા કક્ષાનો કાર્યક્રમ ડભોઇના કાયાવારોહણ ખાતે યોજાયો હતો. જ્યાં જીલ્લાના હોદ્દેદારો, ધારાસભ્ય સહિત અધિકારીઓએ હાજર રહીને યોગ કર્યા હતા.
આજે 9માં વિશ્વ યોગ દિવસની ઉજવણી સમગ્ર દેશમાં કરવામાં આવી છે. જ્યાં વડાપ્રધાન નરેન્દ્ર મોદી દ્વારા સમગ્ર દેશમાં ઓનલાઈન માધ્યમથી જોડાઈને વિશ્વ યોગ દિવસની ઉજવણી કરવામાં આવી હતી. આજે વડોદરા જીલ્લામાં જીલ્લા કક્ષાની વિશ્વ યોગ દિવસની ઉજવણી ડભોઇ તાલુકાના કાયાવરોહણ ગામ ખાતે આવેલા બ્રહ્મેશ્વર શિવાલય અને યોગ કેન્દ્ર ખાતે કરવામાં આવી હતી. જ્યાં જીલ્લા કલેક્ટર એ.બી ગોર, ડભોઇના ધારાસભ્ય શૈલેષ મહેતા, જીલ્લા પોલીસ વડા રોહન આનંદ, જીલ્લા ભાજપ પ્રમુખ સતીષ પટેલ, જીલ્લા પંચાયત પ્રમુખ અશોકભાઈ પટેલ તેમજ જિલ્લાની શાળાઓના શિક્ષકો તેમજ વિદ્યાર્થીઓ આ યોગ દિવસની ઉજવણીમાં જોડાઈને વિવિધ યોગાસન કર્યા હતા.
