વડોદરામાંથી વધુ એક વખત ગાંજાનો જથ્થો પકડવામાં પોલીસને સફળતા મળી છે. રીક્ષામાં ગાંજો લઈને ફરતા રીક્ષા ચાલકને પોલીસે ઝડપી પાડી પૂછપરછ હાથે કરી છે.
વડોદરા શહેરના સુભાનપુરા હાઈટેન્શન રોડ પર એક રીક્ષા ચાલક ગાંજાનો મોટો જથ્થો લઈ ઉભો રહેતો હોવાની વિગતો મળતા એસઓજીની ટીમે વોચ રાખી હતી. પોલીસે માહિતી વાળા સ્થળે એક રીક્ષા ચાલકને તપાસતા અંદરથી રૂપિયા 16 હજારની કિંમતનો દોઢ કિલો ઉપરાંતનો ગાંજો મળી આવ્યો હતો. પોલીસની પૂછપરછ દરમિયાન કેરિયરનું નામ મહંમદ રફીક ઉર્ફે દાલપુલાવ શાહબુદ્દીન કાઝી (રહે. કાળી તલાવડી, એકતા નગર તાંદલજા) હોવાનું ખુલ્યું હતું. અગાઉ પણ તે જંબુસર ખાતે નશીલા પદાર્થ સાથે પોલીસના હાથે પકડાયો હોવાની માહિતી જાણવા મળી છે.
