- કોર્પોરેશનના ખર્ચે નીકળેલી તિરંગા યાત્રામાં IPS અને IAS અધિકારીઓનું અપમાન : વિશ્વામિત્રી બચાવ સમિતિ

- અધિકારીઓને બેસવાની જગ્યા ના અપાઈ,  ઉભા રહેવું પડ્યું અને મેયર મૂક પ્રેક્ષક બની જોતા રહ્યા..!

- નિસ્બ્ત વગરના ભાજપના પદાધિકારીઓ સ્ટેજ પર ચઢી બેઠા : વિશ્વામિત્રી બચાવ સમિતિ

તિરંગા યાત્રા માટે નગરજનોના ઘરવેરાના રૂપિયામાંથી કેટલા રૂપિયાના ઝંડા ખરીદ્યા, ડંડા ખરીદ્યા, ડી.જે વાળાને ચૂકવ્યા, સ્ટેજ બનાવનારને ચૂકવ્યા, ફૂલહારની સજાવટમાં ખર્ચ્યા, તોરણો લગાવ્યા સહીત તમામ ખર્ચનું, મેયર વેરો ભરતા નગરજનોને જાણવા માટે શ્વેતપત્ર બહાર પાડે.

આ સાથે અમો મ્યુનીસીપલ કમીશ્નર તેમજ કલેક્ટર કે જેઓ જીલ્લાના મેજીસ્ટ્રેટ પણ છે તેમને વિનંતી કરીએ છીએ કે સ્ટેજ ઉપર ૫૦ જેટલી ખુરશી હોવા છતાય આપઓને કાર્યક્રમ દરમ્યાન ઘણો સમય સાઈડમાં ઉભા રાખ્યા તે આપનું અંગત અપમાન નથી પણ ભારત દેશના સંવૈધાનિક પદનું અપમાન છે જે વડોદરા શહેર અને જીલ્લા ના નાગરીકોનું અપમાન છે, જેથી આવી અપમાનજનક સ્થિતિમાં આપઓએ ક્ષણભરમાં સ્ટેજ પરથી ઉતારીને સ્થળ છોડી દેવું જોઈતું હતું.