શહેરના સુસેન તરસાઈ રોડ વિસ્તારમાં આવેલી સોસાયટીના મકાનના કમ્પાઉન્ડમાં ગાંજાના છોડનું વાવેતર કરનાર એક શખ્સને એસોજીએ ઝડપી પાડ્યો હતો. સ્થળ પરથી ત્રણ છોડ મળી ૩૨ હજારનો મુદ્દામાલ કબ્બજે કરી આગળની કાર્યવાહી હાથ ધરાઈ છે.
મૂળ મહેસાણા અને હાલ શહેરના તરસાલી રોડ વિસ્તારમાં નિત્યાનંદ પાર્ક સોસાયટીમાં ભાડાના મકાનમાં મનીષ નાગર પટેલ રહે છે. તેઓએ પોતાના મકાનના કપાઉન્ડમાં ગાંજાના છોડનું વાવેતર કર્યું છે તેવી બાતમી એસ ઓ જી પોલીસને મળી હતી. જેના આધારે એસ ઓ જી ની ટીમે ત્રણ જૂન ના રોજ મનીષ પટેલના મકાનમાં રેડ કરી હતી ત્યારે મકાનમાં કમ્પાઉન્ડમાં ગાંજાના લીલા ત્રણ છોડ મળી આવ્યા હતા. એસઓજીએ એફએસએલની મદદ લઈને છોડના સેમ્પલ લઈને ચકાસણી માટે પણ મોકલવામાં આવ્યા છે. એસ ઓ જી દ્વારા ગાંજાના છોડ નંગ-૩ ૩ કીલો ૨૦ ગ્રામ રૂા.૩૦,૩૦ હજાર કબજે કર્યા હતા. જ્યારે ગાંજાના લીલા છોડનું વાવેતર કરનાર મનીષ પટેલની ધી એન.ડી.પી.એસ. એકટ સને ૧૯૮૫ની કલમ ૨૦(૪)(૧)(ઇ) મુજબ ફરિયાદ નોંધાતી આગળની કાર્યવાહી હાથ ધરી છે.
