- અકોટા પોલીસ સ્ટેશનમાં 41, કુંભારવાડામાં 38, અટલાદરામાં 40 અને કપુરાઇ પોલીસ સ્ટેશનમાં 40 પોલીસકર્મીઓની નિમણૂંક કરાઇ

વડોદરા શહેરમાં એક સાથે 159 પોલીસકર્મીઓની બદલી કરવામાં આવી છે. શહેરમાં 4 નવા પોલીસ સ્ટેશન અસ્તિત્વમાં આવ્યા છે. આ નવા પોલીસ સ્ટેશનોમાં પોલીસકર્મીઓ નિમણૂંક કરવામાં આવી છે.

વડોદરા શહેરના અકોટા, કુંભારવાડા, કપુરાઇ અને અટલાદરા પોલીસ સ્ટેશન નવા બન્યા છે. વડોદરા શહેરના વિવિધ પોલીસ સ્ટેશનોમાં ફરજ બજાવતા પોલીસકર્મીઓની બદલી આ 4 નવા પોલીસ સ્ટેશનમાં કરવામાં આવી છે. જેમાં અકોટા પોલીસ સ્ટેશનમાં 41, કુંભારવાડા પોલીસ સ્ટેશનમાં 38, અટલાદરા પોલીસ સ્ટેશનમાં 40 અને કપુરાઇ પોલીસ સ્ટેશનમાં 40 પોલીસકર્મીઓની નિમણૂંક કરવામાં આવી છે. આમ, કુલ 159 જેટલા પોલીસકર્મીઓની નિમણૂંક કરવામાં આવશે.

ટૂંક સમયમાં ગૃહ રાજ્યમંત્રીના હસ્તે વડોદરા શહેરના 4 નવા પોલીસ સ્ટેશન અને નવી પોલીસ લાઇનનું ઉદ્ઘાટન કરવામાં આવશે. અગાઉ વડોદરા શહેરમાં 23 પોલીસ સ્ટેશન હતા. જે હવે વધીને 27 થશે.