- શંકર મારવાડી અગાઉ પાંચ વાહનચોરીના કેસમાં પકડાયો હતો અને તેને પાસા હેઠળ ભાવનગર જેલમાં મોકલાયો હતો

વડોદરા શહેર પોલીસે વિવિધ વિસ્તારોમાંથી ટુવ્હીલરોની ઉઠાંતરી કરતા વાહનચોરને ઝડપી પાડતાં ત્રણ બાઇક ચોરીનો ભેદ ખૂલ્યો છે.

વારસીયા વિમાના દવાખાનાની ગલીના નાકેથી ક્રાઇમ બ્રાન્ચની ટીમે શંકર સોનુભાઇ મારવાડી (રહે. ખારી તલાવડી, વારસીયા)ને બાઇક સાથે ઝડપી પાડી કાગળો માંગતા મળ્યા ન હતા. તપાસ દરમિયાન તેણે સાગરીત સાથે ફતેગંજમાંથી મોટરસાઇકલ ચોર્યાની વિગતો ખૂલી હતી. વધુ તપાસ દરમિયાન ખોડિયાર નગર અને હરણી રોડ પરથી પણ બે બાઇકની ચોરી કરી હોવાની વિગતો બહાર આવી હતી. પોલીસના જણાવ્યા પ્રમાણે, શંકર મારવાડી અગાઉ પણ પાંચ વાહનચોરીના કેસમાં પકડાયો હતો અને તેને પાસા હેઠળ ભાવનગર જેલમાં મોકલવામાં આવ્યો હતો.