- બાંદ્રા ટર્મિનસ - સુબેદારગંજ સ્પેશિયલ બાંદ્રા ટર્મિનસથી દર મંગળવારે 11.00 કલાકે ઉપડશે અને બીજા દિવસે 17.00 કલાકે સુબેદારગંજ પહોંચશે

પશ્ચિમ રેલવે વિભાગ દ્વારા મુસાફરોની સુવિધા અને તેમની માગને પહોંચી વળવા માટે બાંદ્રા ટર્મિનસ અને સુબેદારગંજ સ્ટેશનો વચ્ચે વિશેષ ભાડા પર વિશેષ ટ્રેન ચલાવવાનો નિર્ણય કર્યો છે. પશ્ચિમ રેલવેના મુખ્ય જનસંપર્ક અધિકારી સુમિત ઠાકુરે બહાર પાડેલી એક અખબારી યાદી મુજબ વિશેષ ટ્રેનની વિગતો નીચે મુજબ છે.

ટ્રેન નંબર 04126 બાંદ્રા ટર્મિનસ - સુબેદારગંજ સ્પેશિયલ બાંદ્રા ટર્મિનસથી દર મંગળવારે 11.00 કલાકે ઉપડશે અને બીજા દિવસે 17.00 કલાકે સુબેદારગંજ પહોંચશે. આ ટ્રેન 27 ફેબ્રુઆરીથી 26 માર્ચ 2024 સુધી ચાલશે. એ જ રીતે, ટ્રેન નંબર 04125 સુબેદારગંજ - બાંદ્રા ટર્મિનસ સ્પેશિયલ દર સોમવારે સુબેદારગંજથી 05.20 કલાકે ઉપડશે અને બીજા દિવસે 08.30 કલાકે બાંદ્રા ટર્મિનસ પહોંચશે. આ ટ્રેન 25 માર્ચ 2024 સુધી ચાલશે.

આ ટ્રેન બંને દિશામાં બોરીવલી, વાપી, વલસાડ, સુરત, વડોદરા, રતલામ, કોટા, સવાઈ માધોપુર, ગંગાપુર સિટી, બાયના, ફતેહપુર સિકરી, આગ્રા ફોર્ટ, ટુંડલા, ઈટાવા, કાનપુર સેન્ટ્રલ અને ફતેહપુર સ્ટેશનો પર ઉભી રહેશે. આ ટ્રેનમાં ફર્સ્ટ એસી, એસી 3 ટાયર, સ્લીપર ક્લાસ અને જનરલ સેકન્ડ ક્લાસ કોચ હશે.

ટ્રેન નંબર 04126નું બુકિંગ તમામ PRS કાઉન્ટર્સ અને IRCTC વેબસાઇટ પર ખુલ્લું છે. સ્ટોપેજ સમય અને કનેક્ટિવિટી સંબંધિત વિગતવાર માહિતી માટે, મુસાફરો કૃપા કરીને www.enquiry.Indianrail.gov.in લઈ શકે છે.