વડોદરા માંજલપુર વિસ્તારમાં જુદા જુદા વાહનો સાથે પોલીસે દારૂનો જથ્થો ઝડપી પાડવાના બનાવમાં વોન્ટેડ બુટલેગર પાંચ મહિના પછી પકડાયો છે.
માંજલપુર વિસ્તારમાં ક્રાઈમ બ્રાન્ચની ટીમે એપ્રિલ મહિનામાં દરોડો પાડી જુદા-જુદા વાહનો અને દારૂ મળી કુલ રૂ.81 લાખની કિંમતનો મુદ્દામાલ કબજે કર્યો હતો. જે ગુનામાં પોલીસ નામચીન બુટલેગર નિલેશ ઉર્ફે નીલુ હરેશભાઈ નાથાણીને શોધી રહી હતી.
તાજેતરમાં વાઘોડિયા પોલીસ સ્ટેશનના એક કેસમાં વોરંટ બજાવવા ગયેલી પોલીસને નિલેશ ઉર્ફે નીલુ હરેશભાઈ નાથાણી (સર્જનમ રેસીકોમ, ન્યુ વીઆઈપી રોડ) મળી આવ્યો હતો. જેથી દારૂના કેસમાં તે વોન્ટેડ હોવાથી પોલીસે ટ્રાન્સફરથી તેની ધરપકડ કરી ચાર દિવસના રિમાન્ડ મેળવ્યા છે. દારૂના ધંધામાં સક્રિય નીલુ સામે અગાઉ 30 જેટલા ગુના નોંધાયા હતા.
