ગોલ્ડન ચોકડી વિસ્તારમાં ગાયો પકડવા ગયેલી ઢોર પાર્ટી પર હુમલો થતા ઇન્સ્પેક્ટર સહિત ચાર લોકો ને ઇજા થઈ હતી.
વડોદરા શહેરમાં રખડતા ઢોર પકડતી પાલિકાની ઢોર પાર્ટી ગોલ્ડન ચોકડી વિસ્તારમાં ગાયો પકડવા ગઈ હતી. ઢોર પાર્ટીએ ત્રણ ગાયો પકડી હતી. આ દરમ્યાન સ્થળ બાઈક પર ધસી આવેલા ચાર થી પાંચ લોકોએ ગાયો છોડાવવાનો પ્રયાસ કર્યો હતો. ઢોર પાર્ટીએ તેમને રોકતા ચાર થી પાંચ લોકોએ લાઠી વડે હુમલો કર્યો હતો. હિંસક બનેલા અજાણ્યા હુમલાખોરોએ ડ્રાયવર યોગેશ પંચાલને માથામાં લાઠી મારતા તે ઢળી પડ્યા હતા. આ સિવાય ઇન્સ્પેક્ટર પ્રદીપ જાધવ, ગાર્ડ ધર્મેન્દ્રસિંહ સોલંકી અને હાર્દિક ચુનારાને પણ હુમલામાં ઈજાઓ થઈ હતી. સડક પર ઢોર પાર્ટીના હુમલાને લઈ નાસભાગ મચી હતી.
