- ગેરકાયદે પેસેન્જર ભરતા 31 વાહનોને ડિટેઈન કરવામાં આવ્યા

વડોદરા શહેરમાં આવેલા વિવિધ વિસ્તારોમાં ટ્રાફિકના નિયમોનો વાહનચાલકો દ્વારા ભંગ કરાય છે. જેને લઈને પોલીસ દ્વારા આવા ટ્રાફિક નિયમનો ભંગ કરનાર વાહન ચાલકો વિરુદ્ધ ઝુંબેશ ચલાવાઇ રહી છે. ટ્રાફિક નિયમોનો ભંગ કરનાર 46 તથા ગેરકાયદે પેસેન્જર ભરનાર 31 વાહનો ડિટેઇન કરાયા છે. ટ્રાફિક પોલીસ દ્વારા આ વાહન ચાલકો પાસેથી 1.81 લાખ રૂપિયાનો દંડ પણ વસૂલ કરવામાં આવ્યો છે.

વડોદરા શહેર પોલીસ કમિશનર નરસિમ્હા કોમાર તથા અધિક પોલીસ કમિશનર ડો. લીના પાટીલ તથા નાયબ પોલીસ કમિશનર (ટ્રાફિક શાખા) પટેલ જ્યોતિ પંકજે ગેરકાયદેસર પેસેન્જર ભરતા વાહન ચાલકો વિરુધ્ધ કાયદેસરની કાર્યવાહી કરવા સૂચના કરવામાં આવી હતી. જેથી ટ્રાફિક શાખા દ્વારા શહેરમાં આવેલા વિવિધ વિસ્તારોમાં ટ્રાફિકના નિયમોનો ભંગ કરનાર વાહન ચાલકો વિરુદ્ધ કાર્યવાહી કરવા માટેની ઝુંબેશ ચલાવવામાં આવી રહી છે ત્યારે ટ્રાફિક પોલીસ દ્વારા એમ.વી. એકટના નિયમોનું ઉલ્લંઘન કરનાર વાહન ચાલકોના વાહનોને 207 મુજબ 46 વાહનો ડિટેઈન કરવામાં આવ્યા હતા.

ગેરકાયદે પેસેન્જર ભરતા 31 વાહનોને ડિટેઈન કરવામાં આવ્યા હતા. આ ઉપરાંત ટ્રાફિકના નિયમોનો સરેઆમ ઉલ્લંઘન કરનાર વાહન ચાલકો વિરુદ્ધ દંડનીય કાર્યવાહી કરાઈ હતી. આવા વાહનચાલકો પાસેથી 1.81 લાખ રૂપિયાનો દંડ પણ વસુલ કરવામાં આવ્યો હતો. ટ્રાફિક શાખા દ્વારા કરવામાં આવતી કડક કાર્યવાહીના પગલે હવે ટ્રાફિકના નિયમનો ભંગ કરનાર વાહન ચાલકોમાં ફફડાટ ફેલાયો છે.