- પીસીબી પોલીસે દારૂની ૨૭૬ બોટલ, એક મોબાઇલ ફોન, રોકડા રૂપિયા ૩૮૦ મળી કુલ રૂપિયા ૩૭,૯૦૦ નો મુદ્દામાલ કબજે કર્યો હતો

વડોદરામં એસ.ટી. બસમાં વિદેશી દારૂની  હેરાફેરી કરતી બે મહિલાઓને પીસીબી  પોલીસે ઝડપી પાડી દારૂની બોટલો કબજે કરી હતી. પીસીબી પોલીસે દારૂની ૨૭૬ બોટલ, એક મોબાઇલ ફોન, રોકડા ૩૮૦ મળી કુલ રૂપિયા ૩૭,૯૦૦ નો મુદ્દામાલ કબજે કર્યો હતો.

વડોદરા સેન્ટ્રલ એસ.ટી.ડેપોમાં ગરબાડાથી આવેલી બસમાં બે મહિલાઓ વિદેશી દારૂ લઇને આવતી હોવાની માહિતી પીસીબી પોલીસને મળી હતી.જેથી, પીસીબી પોલીસે સ્થળ પર જઇને તપાસ કરતા ગરબાડા નસવાડીની બસમાંથી બ્લૂ અને કોફી કલરનું ગાઉન પહેરેલી બે મહિલાઓ ઉતરતા તેઓની હિલચાલ શંકાસ્પદ લાગતા પોલીસે  ચેક કરતા  વિદેશી દારૂની ૨૭૬ બોટલ કિંમત રૂપિયા ૨૭,૬૦૦ ની મળી આવી હતી.

જેથી, પોલીસે (૧) સુમીબેન વિરાભાઇ ખરાડ તથા (૨) નયનાબેન રૂમાલભાઇ ખરાડ ( બંને રહે. આણંદ બસ ડેપોની બાજુમાં, આણંદ, મૂળ રહે. તીતરીયું ફળિયું, તા. ગરબાડા, જિ. દાહોદ) ની સામે પ્રોહિબિશનનો ગુનો દાખલ કરી કાયદેસરની કાર્યવાહી હાથ ધરી છે. જ્યારે દારૂ સપ્લાય કરનારને વોન્ટેડ જાહેર કર્યો છે. પોલીસે આરોપીઓ પાસેથી દારૂની ૨૭૬ બોટલ, એક મોબાઇલ ફોન, રોકડા ૩૮૦ મળી કુલ રૂપિયા ૩૭,૯૦૦ નો મુદ્દામાલ કબજે કર્યો હતો.