- ક્રાઇમ બ્રાન્ચે બંને ચોર પાસેથી ત્રણ હેલોઝન, કોપર વાયરના બંડલો અને બાઇક મળી રૂપિયા 50 હજારનો મુદ્દામાલ કબજે કરી આગળની કાર્યવાહી હાથ ધરી

વડોદરાના બાજવા-કોયલી રોડ પર નવા બાંધકામ થઈ રહેલા બિલ્ડિંગ પાસેથી હેલોઝન લાઈટો તથા કોપર વાયરોના બંડલોની ચોરી કરનાર બે તસ્કરને કોયલી ગામના સ્મશાન પાસેથી ક્રાઈમ બ્રાન્ચે ઝડપી પાડ્યા હતા. બંને ચોર પાસેથી ત્રણ હેલોઝન, કોપર વાયરના બંડલો અને બાઇક મળી રૂ. 50 હજારનો મુદ્દામાલ કબજે કરી આગળની કાર્યવાહી હાથ ધરી છે.

વડોદરા ક્રાઈમ બ્રાન્ચના પીઆઈ સહિતનો સ્ટાફ શહેર વિસ્તારમાં પેટ્રોલિંગની કામગીરી કરી રહ્યો હતો. તે દરમ્યાન બાતમી મળી હતી કે બાઈક પર બે શખ્સો કોઈ જગ્યા પરથી ચોરી કરેલા હેલોઝન લાઈટો તથા વાયરો લાવી કોયલી ગામના સ્માશાન પાસે સળગાવી તેમાંથી કોપર અલગ કરી રહ્યા છે. જેના આધારે ક્રાઈમ બ્રાન્ચની ટીમ તાત્કાલિક બાતમી મુજબના સ્થળ કોયલી ગામ સ્મશાન પાસે તપાસ કરતાં સ્થળ પરથી બે શખ્સો અલ્પેશ શનાભાઇ ચૌહાણ તથા વિવેક લાલજીભાઇ જાદવ (બન્ને રહે. કોયલી ગામષ તા.જી.વડોદરા) વાયરો સળગાવતા મળી આવ્યા હતા. ક્રાઈમ બ્રાન્ચે તેમની પાસેથી હેલોઝન લાઇટ નંગ-3 મળી આવ્યા હતા. જેથી બંન્ને શખ્સો પાસે મુદ્દામાલના બીલ માગતા ન હતા. જેથી બન્નેની વધુ પુછપરછ કરતાં તેઓએ 4 નવેમ્બરના રોજ રાત્રીના બાઇક પર બાજવા-કોયલી રોડ પર પેરેમાઉન્ટ લીમીટેડના નવા બાંધકામ થઈ રહેલા બિલ્ડીંગ પાસેના ઝુપડામાંથી 3 હોલેઝન લાઈટ અને કોપર વાયરના બંડલ નંગ-5ની ચોરી કરી હોવાનું જણાવ્યું હતું. જેથી ક્રાઈમ બ્રાન્ચની ટીમે તેમની પાસેથી ત્રણ હેલોઝોન, કોપર વાયર અને બાઈક મળી રૂ. 50 હજારનો મુદ્દામાલ કબજે કરીને કાયદેસરની કાર્યવાહી જવાહરનગર પોલીસ સ્ટેશનમાં સોંપતા પોલીસે આગળની કાર્યવાહી હાથ ધરી છે.