- ગત વર્ષે યશ્વી જાદવે નેશનલ લેવલે ગોલ્ડ મેડલ જીત્યો હતો

વડોદરાની બે બહેનો યશ્વી જાદવ તથા નિષ્ઠા જાદવ નેશનલ કરાટે ચેમ્પિયનશીપમાં મેડલ જીત્યા છે. 

તા. 11 થી 13 ઓગસ્ટ 2023 ના રોજ દિલ્હીના તાલકટોરા સ્ટેડિયમ ખાતે 17 મો ઓલ ઇન્ડીયા ઇન્ડીપેન્ડેન્સ કપ કરાટે ચેમ્પિયનશીપ યોજાયેલ જેમાં ગુજરાત તરફથી વડોદરાની બે બહેનો યશ્વી જાદવ તથા નિષ્ઠા જાદવે ભાગ લીધો હતો.  આ નેશનલ લેવલ કરાટે ચેમ્પિયનશીપમાં યશ્વી જાદવે સિલ્વર મેડલ તથા નિષ્ઠા જાદવે બ્રોન્ઝ મેડલ જીતી વડોદરા તથા ગુજરાતનું નામ રોશન કર્યુ છે. અત્રે ઉલ્લેખનિય છે કે, યશ્વી જાદવ (ઉ.વ.14) તથા નિષ્ઠા જાદવ (ઉ.વ.11) એ બંને કારેલીબાગ પોલીસ ઇન્સ્પેક્ટર સી.આર.જાદવની સુપુત્રીઓ છે. ગત વર્ષે યશ્વી જાદવે નેશનલ લેવલે ગોલ્ડ મેડલ પ્રાપ્ત કર્યો હતો.