- સ્ટેટ મોનીટરીંગ સેલે વિદેશી દારૂની 571 બોટલ જેની કિંમત 1.04 લાખ સાથે વાહન, મોબાઈલ મળી ફૂલ રૂપિયા 4,65,830 ના મુદ્દામાલ કર્યો

વડોદરા શહેર જિલ્લામાં અવારનવાર ભારતીય બનાવટના વિદેશી દારૂનો જથ્થો સ્થાનિક પોલીસની નિષ્કાળજીને લઇ બહારથી આવી સ્ટેટ મોનીટરીંગ સેલ કાર્યવાહી કરી કરતી હોય છે ત્યારે આજે ફરી એકવાર સ્ટેટ મોનિટરીંગ સેલે સુરતથી વડોદરા કપુરાઇ સર્વિસ રોડ પરથી કારમાં લઇ જઇ રહેલ ભારતીય બનાવટના વિદેશી દારૂની ઝડપી પાડયો છે.

સ્ટેટ મોનીટરીંગ સેલ દ્વારા કરવામાં આવેલી કાર્યવાહીમાં બાતમીના આધારે વડોદરા નજીક આવેલા નેશનલ હાઈ-વે કપુરાઈ બ્રિજના છેડે આવેલ સર્વિસ રોડ પાસેથી એક કારને ઝડપી પાડી છે. આ કારમાંથી એક લાખ ઉપરાંતનો વિદેશી દારૂ સાથે બે શખસોને ઝડપી પાડયા છે જ્યારે અન્ય એક શખસને વોન્ટેડ જાહેર કર્યો છે. SMC દ્વારા કરવામા આવેલ કાર્યવાહીમાં ઝડપાયેલ મુદામાલમાં બોટલ નંગ 571 જેની ફૂલ કિંમત રૂપિયા 1,04,030 સાથે વાહન, મોબાઈલ મળી ફૂલ રૂપિયા 4,65,830 ના મુદ્દામાલ સાથે બે શખસની અટકાયત કરી છે જ્યારે અન્ય એક ઈસમને વોન્ટેડ જાહેર કરી પોલીસ મથકમાં ફરિયાદ નોધી છે.

આ કાર્યવાહી સાથે વાઘોડીયા પોલીસે પણ બાતમી આધારે એક થાર ગાડીને ભારતીય બનાવટના વિદેશી દારૂ સાથે ઝડપી છે. જેમાં 94,200નો દારુ સહિત કુલ રૂપિયા 5,94,200નો મુદ્દામાલ જપ્ત કરી વધુ કાર્યવાહી હાથ ધરવામાં આવી છે. જોકે, આ ગાડીનો ચાલક પોલીસ પકડથી દૂર છે, પોલીસે મુદ્દામાલ જપ્ત કરી વધુ કાર્યવાહી હાથ ધરવામાં આવી છે.આ કાર્યવાહીમાં ઝડપાયેલ શખસ જેમાં પરમાર શાહરૂખ ઇર્શાદભાઇ (રહે .મન્નત નારાયણ નગર મેઇન રોડ, જોશીપુરા, જૂનાગઢ (દારૂનો જાથો લવનાર) અને પરમાર યાસીન રફીકભાઈ (રહે.યમુનાનગર 2, ખામધ્રોળ રોડ, જૂનાગઢ (દારૂનો ધંધો કરણાર એરોપી નં.1નો ભાગીદાર) ને ઝડપી કાર્યવાહી હાથ ધરી છે તો આ કાર્યવાહીમાં એક આરોપીને વોન્ટેડ જાહેર કર્યો છે, જેનું નામ પરા ગોવાથી જથ્થો મોકલનાર વ્યક્તિ સામે પણ કાર્યવાહી હાથ ધરી છે.