- દુકાનમાંથી રૂપિયા 97 હજારના મુક્તી બ્રાંડના ડુપ્લીકેટ શર્ટ જપ્ત કરવામાં આવ્યાં

વડોદરા શહેરના ફતેગંજ વિસ્તારમાં આવેલી દુકાનમાં કંપનીના કર્મચારીએ પોલીસને સાથે રાખી રેડ કરી હતી. ત્યારે દુકાનમાંથી રૂપિયા 97 હજારના મુફતી બ્રાન્ડના ડુપ્લીકેટ શર્ટ મળી આવ્યા હતા. જેથી પોલીસે ડુપ્લીકેટ માલનું વેચાણ કરનાર વેપારીની કોપીરાઈટના ગુના હેઠળ અટકાયત કરી આગળની કાર્યવાહી હાથ ધરી છે.

વડોદરા શહેરના વિવિધ વિસ્તારોમાં બ્રાન્ડેડ કંપનીની વસ્તુઓના ડુપ્લીકેટ માલનું વેચાણ થતું રહેતું હોય છે, ત્યારે પોલીસ આવા ડુપ્લીકેટ માલનું વેચાણ કરનાર વેપારીઓ વિરુદ્ધ કોપીરાઇટ ગુનો નોંધી કાર્યવાહી કરે છે. વડોદરાના ફતેગંજ વિસ્તારમાં આવેલ ધ બ્રાન્ડ સ્ટુડીયો નામની દુકાનમાં ડુપ્લીકેટ મુફતી બ્રાન્ડના શર્ટનું વેચાણ થતુ હોવાનુ ન ઇન્વેસ્ટીગેશન ઓફિસર પ્રહલાદચંદ્ર સોહનલાલ નાયને જાણ થઈ હતી. જેથી 24 માર્ચના રોજ ફતેગંજ ખાતે આવેલી આ દુકાનમાં મુક્તિ બ્રાન્ડના ડુપ્લીકેટ વેચાણ થતું હોવાથી તે બાબતેની ઝોનના ડીસીપીને જાણ કરી હતી.

સયાજીગંજ પોલીસે કંપનીના કર્મચારીને સાથે રાખીને ડુપ્લીકેટ માલનું વેચાણ કરનારના ધ બ્રાન્ડ સ્ટુડિયો નામની દુકાનમાં રેડ કરી હતી. ત્યારે દુકાનમાં એક શખ્સ હાજર હોય તેનું નામ પૂછતા તેણે મોહમદ હુસેન હનીફભાઈ દુધવાલા (રહે. નાગરવાડા) હોવાનુ જણાવ્યુ હતું. જેથી દુકાનમાં મુક્તી બ્રાંડના શર્ટ ડુપ્લીકેટ હોવાનુ જણાતા દુકાનમાં તપાસ કરતા રૂપિયા 97 હજારના મુફ્તી બ્રાંડના ડુપ્લીકેટ શર્ટ મળી આવ્યા હતા. જેથી પોલીસે દુકાનના માલિક હુસેન હનીફ દૂધવાલા વિરુદ્ધ વિરૂદ્ધમા ધી કોપીરાઈટ એક્ટ હેઠળ ગુનો નોંધી કાર્યવાહી હાથ ધરી છે.