વડોદરામાં સયાજીગંજ પોલીસ મથકમાં ડીટેઇન કરેલ મોટર સાયકલ પાર્કિંગમાંથી ચોરી કરનાર ઇસમને પોલીસે ઝડપી પાડી વધુ કાર્યવાહી હાથ ધરી છે.
વડોદરાના સયાજીગંજ પોલીસ મથકે મોટર સાયકલ ડીટેઈન કરવામાં આવી હતી. ડીટેઈન કરેલ મોટર સાયકલ પોલીસ સ્ટેશનના પાર્કિંગમાંથી ચોરી થઈ હતી. જે અંગે પોલીસે સી.સી.ટી.વી કેમેરામાં ચેક કરીને ગુનો નોંધ્યો હતો. પોલીસે અલગ અલગ ટીમ બનાવી તપાસ હાથ ધરી હતી. પોલીસે પોલીસ સ્ટેશન તથા આજુબાજુના સી.સી.ટી.વી ફુટેજ જોતા જે વ્યક્તિ પાસેથી મોટર સાયકલ ડીટેઈન કરેલ તે જ વ્યક્તિ મોટર સાયકલ લઇને જતો જણાયો હતો. પોલીસને આરોપી રોઝરી સ્કુલ તરફથી સ્ટેશન તરફ આવતો હોવાની બાતમી મળી હતી. જેના આધારે પોલીસે નટરાજ સર્કલના અંદરના રોડ પર મોટર સાયકલને કોર્ડન કરીને આરોપીને પકડી પાડ્યો હતો. પોલીસે મહેન્દ્ર સોલંકીની ધરપકડ કરીને મોટર સાયકલ કબ્જે કરી હતી.
