વડોદરા જિલ્લાના વાઘોડિયામાંથી અપહરણના ગુનામાં નાસતા ફરતા આરોપીને કિશોરી સાથે પેરોલ ફર્લો સ્ક્વોડે ઝડપી પાડ્યો છે.
વડોદરા જિલ્લાના વાઘોડિયાના દંખેડા ગામમાં રહેતો શ્રવણ વસાવા એક વર્ષ પહેલા લગ્નની લાલચ આપીને 15 વર્ષની કિશોરીનું અપહરણ કરીને ભાગી ગયો હતો. આરોપી કિશોરીને સાથે લઇને ભૂજ નજીક ગજોડ ગામમાં રહેતો હોવાની માહિતી વડોદરા ગ્રામ્ય પોલીસની પેરોલ ફર્લો સ્ક્વોડને મળી હતી. જેથી પોલીસ ગજોડ ગામમાં પહોંચી ગઇ હતી અને કિશોરીને છોડાવી આરોપી શ્રવણ વસાવાની અટકાયત કરી હતી.
