આજે 77મા સ્વાતંત્ર પર્વ નિમિત્તે શહેરના સયાજીગંજ સ્થિત મનુભાઇ ટાવર ખાતે ભારતીય જનતા પાર્ટીના મુખ્ય કાર્યાલય ખાતે ધ્વજવંદન કાર્યક્રમ યોજાયો હતો.
દેશના વડાપ્રધાન નરેન્દ્ર મોદીના નેતૃત્વમાં હર ઘર તિરંગા તથા મેરી મિટ્ટી મેરા દેશ અભિયાન હાથ ધરવામાં આવ્યું છે. દેશમાં દેશભક્તિનો અલગ રંગ કાશ્મીરથી કન્યાકુમારી અને સમગ્ર દેશમાં જોવા મળી રહ્યો છે. આઝાદીના આ અમૃત મહોત્સવ નિમિત્તે ભારતીય જનતા પાર્ટી, વડોદરા શહેર દ્વારા આજરોજ શહેરના સયાજીગંજ સ્થિત મનુભાઇ ટાવર ખાતે આવેલા ભાજપા મુખ્ય કાર્યાલય ખાતે દેશના 77મા સ્વતંત્રતા પર્વ નિમિત્તે ધ્વજવંદનનો કાર્યક્રમ યોજવામાં આવ્યો હતો. આજે ભાજપ શહેર પ્રમુખ ડો.વિજય શાહના હસ્તે ધ્વજવંદન કાર્યક્રમ યોજવામાં આવ્યો હતો.
આ કાર્યક્રમમાં ભારતીય જનતા પાર્ટીના વડોદરા શહેર પ્રમુખ ડો.વિજય શાહ, પહ્મવિભૂષણ રઘુવર દાસ, ગુજરાત વિધાનસભાના મુખ્ય દંડક અને રાવપુરાના ધારાસભ્ય બાલકૃષ્ણ શુકલ, ધારાસભ્ય કેયુર રોકડીયા, યોગેશ પટેલ મનિષાબેન વકીલ મેયર નિલેશસિંહ રાઠોડ, ડેપ્યુટી મેયર નંદાબેન જોશી, સ્થાઇ સમિતિના ચેરમેન ડો.હિતેન્દ્ર પટેલ, સાથે જ પૃવ મહામંત્રી તથા મ્યુનિસિપલ કાઉન્સિલરો, કાર્યકરો મોટી સંખ્યામાં ઉપસ્થિત રહ્યાં હતાં. આ પ્રસંગે સૌને સ્વતંત્રતા દિવસની શુભેચ્છાઓ પાઠવી હતી સાથે જ દેશના વડાપ્રધાન નરેન્દ્ર મોદીની આગેવાનીમાં દેશ નવી ક્ષિતિજોને આંબી રહ્યું છે તથા વિદેશોમાં ભારતનું એક આગવું સ્થાન મળ્યું છે તેમ જણાવ્યું હતું.
