શહેરમાં વરસાદી માહોલ વચ્ચે સરીસૃપ જીવો રહેણાંક વિસ્તારમાં પ્રવેશી જવાના કિસ્સાઓ બનતા આવ્યા છે. ત્યારે ગત રોજ ફતેગંજ વિસ્તારમાં રહેણાંક મકાનમાં સાપ દેખાતા વાઇલ્ડ લાઇફ રેસ્ક્યુ ટ્રસ્ટ દ્વારા રેસ્ક્યુ કરવામાં આવ્યું હતું.
પ્રાપ્ત માહિતી અનુસાર શહેરના ફતેગંજ વિસ્તારમાં આવેલી પત્રકાર સોસાયટીમાં રહેતા તપન વ્યાસનો કોલ વાઇલ્ડ લાઈફ રેસ્ક્યુ ટ્રસ્ટના સ્વયંસેવકને આવ્યો હતો. જેમાં તેઓએ જણાવ્યું હતું કે, તેઓના ઘરમાં સાપ પ્રવેશી ગયો છે. જે માહિતી મળતાની સાથે જ વાઇલ્ડ લાઇફ રેસ્ક્યુ ટ્રસ્ટના અજ્જુ પઠાણ સ્થળ પર પહોંચ્યા હતા અને ઘરમાં પ્રવેશેલા કોબરા પ્રજાતિના સાપને પકડી પાડીને સહી સલામત રીતે વન વિભાગને સુપ્રેત કરવામાં આવ્યો હતો.
