વડોદરા શહેરના પાણીગેટ પોલીસનો સ્ટાફ પેટ્રોલિંગમાં હતો. તે દરમિયાન માહિતી મળી હતી કે, પાણીગેટ અજબડી મિલ અરબના તકિયા પાસે ખુલ્લામાં કેટલાક લોકો જુગાર રમી રહ્યા છે. જેથી, પાણીગેટ પોલીસે ઉપરોક્ત સ્થળે રેડ કરતા ગોપાલ કાળુભાઇ દેવીપુંજક, સફાકતઅલી અકબરઅલી શેખ, સલીમ કાદરભાઇ શેખ (ત્રણેય રહે. અજબડી મિલ પાસે), મહંમદહનિફ અકબરમીંયા સિન્ધી (રહે. મદાર મહોલ્લો, સરસીયા તળાવ), જ્યંતિ રાજુભાઇ દેવીપુંજક (રહે. અરબના તકિયા પાસે) તથા સરવરખાન અયુબખાન પઠાણ ( રહે. એકતા નગર, આજવા રોડ) ને ઝડપી પાડયા હતા. પોલીસે જુગારીઓ પાસેથી રોકડા ૨૦,૦૬૦ રૂપિયા કબજે કર્યા છે.
