શહેરને પાણી પૂરું પાડતા આજવા સરોવરમાં હયાત પોન્ટુન રિપેર કરી પુનઃ સ્થાપિત કરવા માટે રૂપિયા 2.10 કરોડનો ખર્ચ કરવામાં આવશે. પાલિકા દ્વારા આ કામ માટે ઇજારદારો પાસેથી ભાવો મંગાવવામાં આવ્યા હતા. જેમાં સૌથી ઓછા ભાવ ભરનાર ઇજારદારનું ભાવપત્રક મંજૂર કરવા માટે સ્ટેન્ડિંગ સમિતિમાં દરખાસ્ત આવી છે. નોંધનીય છે કે, પોન્ટુન માટે તૈયાર કરવામાં આવેલી ડિઝાઇન ભારે પવનનો સામનો કરશે તેવો દાવો કરવામાં આવ્યો છે.
વિગત એવી છે કે, વડોદરા મહાનગરપાલિકાની પાણી પુરવઠા શાખા અંતર્ગત આજવા સરોવર ખાતે 3 નંગ ફ્લોટીંગ પંપસેટ સહ 30 MLD ક્ષમતાના પોન્ટુન બેસાડેલ છે. આજવા સરોવરના લેવલમાં ઘટાડો થતાં પાણીની આવક ઓછી થતાં પાણીની ઘટને પૂરી પાડવા માટે પોન્ટુન પંપો ચાલુ કરી નિમેટા વોટર ટ્રીટમેન્ટ પ્લાન્ટ મા૨ફત શહે૨ને પાણી પુરુ પાડવામાં આવે છે. હાલમાં આજવા સરોવર ખાતે આવેલ 3 પોન્ટુન પંપો 13.5.2024ના રોજ સાંજના સમયે આવેલ વાવાઝોડાને કારણે તેની મૂળ સ્થિતીમાંથી ખસી જતા ઇન્ટેકવેલના સ્ટ્રક્ચર સુધી ખેંચાઈ ગયેલ હતા. ત્રણેય પોન્ટુન પંપોના વોક વે વાવાઝોડાને કારણે પાણીમાં પલ્ટી ખાઈ ગયા હતા. હાલમાં ત્રણ પોન્ટુન પંપ કાર્યરત છે. જોકે, તેનું મેઇન્ટેનન્સ કરવું જરૂરી હોઇ, આજવા સરોવર ખાતે લાગેલ પોન્ટુન વોક-વેને અનઈનસ્ટોલ કરી વોક-વે તથા પોન્ટુન સ્ટ્રકચરને રિપેરિંગ કરી કન્સલ્ટન્ટ નેવલ આર્કિટેક્ટ દ્વારા રિપોર્ટ આપવામાં આવ્યો હતો. રિપોર્ટમા ત્રણેય પોન્ટુન પંપો તથા તેના વોક વેને જરૂરી રિપેરિંગ કરી મૂળ સ્થિતીમાં લાવી તથા સંલગ્ર આવશ્યક કામગીરી કરાવવા રિપોર્ટમાં જણાવ્યું હતું. આથી પોન્ટુન પંપ સેટ કાર્યરત ક૨વા કોર્પોરેશનના સલાહકાર દ્વારા આપેલ સૂચન મુજબ પંપસેટના વોક વેના તમામ પ્લેટફોર્મને ભેગા કરી સંયુક્ત વોક વે બનાવી Winch machine દ્વારા Anchoring કરવા સહ વધુ પવન ફૂંકાય તેવા સંજોગોમાં પોન્ટુન પંપ સેટ પલ્ટી ન જાય તેની ખાત્રી કરી ડિઝાઇન તૈયાર કરી છે.
આ કામ માટે ભાવપત્રકો મંગાવતા બે ઇજારદારોના ભાવપત્રક આવ્યા છે. જેમાં લોએસ્ટ ઇજારદાર M/s. Aqua Machineries Pvt.લી. રૂપિયા 2.10 કરોડના ખાતાનાં અંદાજીત ભાવ રૂપિયા 1,83,75,703 કરતાં 14.28 ટકા વધુનાં ભાવપત્રકને સ્થાયી સમિતિ સમક્ષ રજુ કરવામા આવ્યું છે.
