વડોદરાના છાણી જકાતનાકા વિસ્તારમાંથી પોલીસે એક મોબાઇલ ચોરને ઝડપી પાડી જુદા જુદા વિસ્તારમાંથી ચોરેલા દસ મોબાઇલ કરજે કર્યા હતા.
છાણી ટીપી 13 વિસ્તારમાં પાણીની ટાંકી પાસે એક યુવક મોબાઇલ વેચવા માટે ફરતો હોવાની વિગતોને પગલે ફતેગંજ પોલીસની ટીમે વોચ રાખી શકમંદ યુવકને તપાસતા તેની પાસેથી 10 મોબાઇલ મળી આવ્યા હતા. પોલીસની તપાસમાં પકડાયેલા યુવકનું નામ મિતેશ ઉર્ફે બોલો વિનોદભાઈ શર્મા (હાલ રામોલ, અમદાવાદ. મૂળ રહે.ઉકાજીનું વાડીયુ, વાઘોડિયા રોડ,) હોવાનું ખુલ્યું હતું. આ મોબાઈલ તેણે જુદા જુદા વિસ્તારોમાંથી લોકોની નજર ચૂકવીને ઉઠાવ્યા હોવાની વિગતો ખુલતા પોલીસે વધુ પૂછપરછ હાથ ધરી છે.
