- મંદિર ખાતે પાદૂકા પૂજન, ધજા પૂજન-રોહણ સહિત વિવિધ કાર્યક્રમોનું આયોજન

જલારામ જયંતિ પર ગુજરાતમાં અને સમગ્ર વિશ્વમાં જલારામ બાપાના ભક્તો દ્વારા જલારામ બાપાની જન્મ  જયંતીની ખુબ ધૂમધામથી ઉજવણી કરવામાં આવે છે. કારતક મહિનાના શુક્લ પક્ષની સાતમની તિથીએ જલારામ'બાપાની 225મી જયંતી શ્રદ્ધાભાવ અને ભક્તિપૂર્વક ધામધૂમથી મનાવવામાં આવી રહી છે. ત્યારે કારેલીબાગ ખાતે આવેલ જલારામ મંદિર ખાતે વહેલી સવારથી જ ભક્તોનો જમાવડો જામ્યો છે. જ્યાં દિવસ દરમ્યાન આરતી સહિત ભજન કીર્તન સહિતના વિવિધ કાર્યક્રમોનું આયોજન મંદિર પ્રસાશન દ્વારા હાથ ધરાયું છે. ત્યારે ભક્તો પણ બાપા ના દર્શન કરી ધન્યતા અનુભવી રહ્યા છે.