વડોદરા શહેરના બકરાવાડી વિસ્તારમાંથી ગુમ થયેલી મહિલાને ગણતરીના કલાકોમાં શોધીને નવાપુરા પોલીસની ટીમે તેના પતિને સોંપી હતી. પતિએ પોલીસનો આભાર માન્યો હતો.
વડોદરા શહેરના બકરાવાડી વિસ્તારમાં આવેલા વિઢ્ઢલેશ એપાર્ટમેન્ટમાં રહેતી મહિલા કવિતાબેન કૌશિકભાઇ સોલંકી પોતાના ઘરેથી નીકળી ગઈ હતા. પત્ની ગુમ થઈ જતાં પતિએ શોધખોળ શરૂ કરી હતી. જોકે, પત્ની ન મળતા પતિએ નવાપુરા પોલીસ સ્ટેશનમાં જાણ કરી હતી. નવાપુરા પોલીસે તુરંત જ મહિલાની શોધખોળ શરૂ કરી હતી.
મહિલા અગાઉ પણ ઘરેથી નીકળી ગઈ હતી. જેથી પોલીસે નવાપુરા પોલીસે મહિલાને શોધીને તેના સગાઓને સોંપી હતી. આજે સવારે 8 વાગ્યની આસપાસ ફરીથી ઘરેથી કચરો નાખવા જાઉં છું, તેમ કહીને ઘરેથી નીકળી ગયા હતા. જેથી નવાપુરા પોલીસે હ્મુમન રિસોર્ટ અને ટેક્નિકલ રિસોર્સથી તપાસ શરૂ કરી હતી.
આ દરમિયાન પોલીસકર્મી માત્રાભાઇ દેવાભાઈ અને સંજયકુમાર મફાજીને ગુમ થયેલી મહિલા માંજલપુર રોડ વિશ્વામિત્રી બ્રિજ પાસે હોવાનું જાણવા મળ્યું હતું. જેથી પોલીસ સ્થળ પર પહોંચી ગઈ હતી અને મહિલા કવિતાબેન સોલંકીને શોધીને તેમના પતિ કૌશિકભાઇને સહી સલામત રીતે સોંપી હતી.
