વડોદરા શહેરના મકરપુરા પોલીસ મથકની ટીમને બાતમી મળી હતી કે, તરસાલી નોવીનો રોડ ખાતે આવેલા ગણેશ કોમ્પલેક્ષના પાછળના ભાગે ખુલ્લી જગ્યામાં કેટલાક ઇસમો પત્તા પાનાનો પૈસા વડે હારજીતનો શ્રાવણીયો જુગારનો રમી રહ્યા છે.
બાતમી મળતા મકરપુરા પોલીસની ટીમ બાતમી આધારિત તરસાલી ગણેશ કોમ્પલેક્ષના પાછળના ભાગે પહોંચી દરોડા પાડતા જુગારીઓમાં નાસભાગ મચી ગઈ હતી.
જોકે પોલીસે કોર્ડન કરી જુગાર રમતા વિજય પંચાલ, હેમરાજ મરાઠા, પાર્થ ભટ્ટ, મના દેસાઇ, વિરાગકુમાર જાદવ, કૃણાલ શિંદે, મૈત્રીક ભ્રહ્મભટ્ટ, વૈભવ પટેલ તેમજ જતીન પરમારની રૂપિયા 14,37,090 સાથે ધરપકડ કરીને આગળની કાર્યવાહી હાથ ધરી છે.
