વડોદરાથી ડભોઇ જવાના માર્ગ પર ગત મોડી રાત્રે એક ઇનોવા કાર અને ટ્રક વચ્ચે અકસ્માત સર્જાયો હતો. અકસ્માતને પગલે મુખ્ય માર્ગ પર બે કલાક સુધી ટ્રાફિક જામના દ્રશ્યો સર્જાયા હતા. જ્યારે બે વ્યક્તિઓ ગંભીર રીતે ઘાયલ થતા સારવાર અર્થે ખાનગી હોસ્પિટલમાં ખસેડવામાં આવ્યા હતા.
ગતરોજ સાંજના સમયે ડભોઇ અને વડોદરા વચ્ચે થુવાવી ગામ નજીક એક ટ્રક અને ઇનોવા કાર વચ્ચે ગમખ્વાર અકસ્માત સર્જાયો હતો. અકસ્માતમાં ઇનોવા કારમાં બેસેલા બે વ્યક્તિઓને ગંભીર ઇજાઓ પહોંચી હતી. અકસ્માતને પગલે ગ્રામજનોએ બચાવ કામગીરી માટે દોડી આવ્યા હતા. ઇજાગ્રસ્ત વ્યક્તિઓને ખાનગી હોસ્પિટલમાં સારવાર અર્થે ખસેડવામાં આવ્યા હતા. જ્યારે મુખ્ય માર્ગ પર અકસ્માતની ઘટના સર્જાતા બંને તરફે બે કિલોમીટર સુધી લાંબો ટ્રાફિક જામ સર્જાયો હતો. જ્યારે કલાકો સુધી રહેલા ટ્રાફિક જામને કારણે વાહનચાલકો પરેશાન થઈ ગયા હતા.
