ટીમ સહાય ટ્રસ્ટના જયેશ મિસ્ત્રી દ્વારા વડોદરા શહેરના અલગ અલગ વિસ્તાર માંથી શ્રમજીવી પરિવારો માટે ભેગી કરવામાં આવેલી જીવન જરૂરિયાત ઉપયોગી ચીજ વસ્તુઓ, કપડાં, રમકડા, બુટ ચંપલ અને બાળકો માટે સૂકા નાસ્તાની સહાય વડોદરાથી છોટાઉદેપુર જિલ્લાના કવાંટ ગામે મોકલવામાં આવી. ટ્રાન્સપોર્ટેસનની વ્યવસ્થા રાજુભાઈ અગ્રવાલ તરફથી કરી આપવામાં આવી હતી. આ સેવાકિય કાર્યમાં જયેશ મિસ્ત્રી સાથે સામાજીક કાર્યકર વિનયભાઈ ગોંદેકર ઉપસ્થિતિ રહ્યા હતા. શહેરના નગરજનોને આવી તમામ જુની ચીજ વસ્તુઓ કે જે તેઓ ઉપયોગમાં ના લેતા હોય તો ટીમ સહાય ટ્રસ્ટ સંસ્થાને દાન કરવા વિનમ્ર અપીલ કરવામાં આવી.
