વડોદરા શહેર પોલીસ કમિશનર દ્વારા સાત પીઆઇની આંતરિક બદલીનો હુકમ કરાયો છે. જેમાં એમઓબી અને લિવ રિઝર્વ કંટ્રોલરૂમના ચાર પી.આઇની પોલીસ મથકમાં બદલી કરાઈ છે.
વડોદરા પોલીસ કમિશનરે સાત પીઆઇની આંતરિક બદલીના હુકમ કર્યા છે. વડોદરા શહેર પોલીસ કમિશનર દ્વારા પ્રસિદ્ધ કરેલ યાદીમાં જણાવ્યા પ્રમાણે, રાવપુરા પોલીસ મથકના પીઆઇ આર.બી. ચૌહાણને સિટી પોલીસ મથકના ફર્સ્ટ પીઆઇ તરીકે, એમ.ઓ.બીના એ.બી. મોરીને વાડી પોલીસ મથકના પી.આઈ તરીકે, વાડી પોલીસ મથકના પી.આઈ એમ.એન. શેખને જવાહર નગર પોલીસ મથકના પીઆઇ તરીકે મુકાયા છે. જ્યારે લીવ રિઝર્વ કંટ્રોલરૂમ ખાતે ફરજ બજાવતા એ.એમ.ગઢવીને વારસિયા પોલીસ મથકના પીઆઇ, આર.ડી. ચૌહાણને જેપી રોડ પોલીસ મથકના પીઆઇ, વુમન પીઆઈ એમ.ડી. ચૌધરીને લક્ષ્મીપુરા પોલીસ મથકના અને લક્ષ્મીપુરા પોલીસ મથકના પીઆઇ પૂજા તિવારીને રાવપુરા પોલીસ મથકના પીઆઇ તરીકે મુકાયા છે. પીઆઈ એ.બી મોરીને અન્ય હુકમ ન થાય ત્યાં સુધી એમઓબી શાખાનો ચાર્જ પણ સંભાળવાનો રહેશે.
