શહેરના વાઘોડિયા તાલુકાના બાકરોલ ગામે તળાવ નજીકના પાણીના ખાલી અવાડામાં છુપાવેલો રૂપિયા 3,68,196નો વિદેશી દારૂ પોલીસે ઝડપી પાડ્યો હતો. જોકે દારૂ છુપાવનાર બૂટલેગર તેના ઘરેથી ફરાર થઈ ગયો હતો. 

પ્રાપ્ત વિગત અનુસાર વાઘોડિયા તાલુકાના બાકરોલ ગામે રહેતા સાગર બીપીન ભાલીયા વિદેશી શરાબનો વેપલો કરે છે તેવી બાતમી વાઘોડિયા પોલીસને મળી હતી તેથી તેના ઘરે અને ગામમાં તળાવ નજીક પાણીની ટાંકી પાસે આવેલા ખાલી હવાડામાં તપાસ કરી હતી. ત્યારે અવાડામાંથી રૂપિયા 3,68,196 નો વિદેશી શરાબ મળી આવ્યો હતો. જોકે સાગર નાસી ગયો હતો. પોલીસે દારૂનો કબજો લઈ સાગરને પકડવા તજવીજ હાથ ધરી છે.