ભારતીય જનતા પાર્ટીના રાષ્ટ્રીય અધ્યક્ષ જે.પી.નડ્ડા આગામી તા.10મીએ ગુજરાતની મુલાકાતે આવશે. બપોરે 1:00 વાગ્યાના સુમારે વડોદરા એરપોર્ટથી પંચમહાલ થઈને વડોદરા આવશે. એરપોર્ટથી ભાજપ કાર્યકરોની રેલી સાથે ભાજપ રાષ્ટ્રીય અધ્યક્ષ આજવા રોડ સ્થિત પંડિત દિનદયાલ ઉપાધ્યાય ખાતે શહેર જિલ્લા ભાજપ અગ્રણીઓ સાથે આગામી 2024ની ચૂંટણી અંગે સંવાદ કરશે.
ભારતીય જનતા પાર્ટીના રાષ્ટ્રીય અધ્યક્ષ જે.પી.નડ્ડા આગામી તા.10મીએ ગુજરાતની મુલાકાતે આવશે. વડોદરા એરપોર્ટ ખાતે શહેર જિલ્લા ભાજપ અગ્રણીઓ સહિત પ્રદેશ ઉપાધ્યક્ષ ગોરધન ઝડફિયા સહિત ઉપસ્થિત સૌ કોઈ દ્વારા તેમનું ભવ્ય સ્વાગત કરશે.
ભાજપ રાષ્ટ્રીય અધ્યક્ષ હરણી એરપોર્ટથી સીધા જ પંચમહાલ જવા રવાના થશે. જ્યાં આગામી 2024ની લોકસભા ચૂંટણી સંદર્ભે જાહેર સભાને સંબોધન કરશે. ત્યાર બાદ પુન: વડોદરા એરપોર્ટ ખાતે આવશે. જ્યાંથી શહેર જિલ્લા ભાજપ યુવા અગ્રણીઓ વિશાળ બાઈક રેલી સાથે ભાજપ રાષ્ટ્રીય અધ્યક્ષ જે.પી.નડ્ડા આજવા રોડ સ્થિત પંડિત દિન દયાલ ઉપાધ્યાય હોલ ખાતે પહોંચશે. જ્યાં શહેર જિલ્લા ભાજપના અગ્રણીઓ સહિત વડોદરા ભાજપ પ્રભારી ગોરધન ઝડફિયા, મેયર નિલેશ રાઠોડ વડોદરા ભાજપ પ્રમુખ ડોક્ટર વિજય શાહ વડોદરા શહેર જિલ્લાના ધારાસભ્યો આ પ્રસંગે ઉપસ્થિત રહેશે.
આગામી 2024 ની લોકસભા ચૂંટણી સંદર્ભે ભાજપ રાષ્ટ્રીય અધ્યક્ષ પંડિત દિન દયાળ ઉપાધ્યાય હોલ ખાતેથી ચૂંટણીલક્ષી સંવાદ યોજશે. સામાન્ય રીતે આવા પ્રસંગે સંવાદ બેઠક વડોદરા સર્કિટ હાઉસ કે પછી ભાજપ કાર્યાલય ખાતે યોજાતી હોય છે. પરંતુ આ વખતે સૌપ્રથમવાર લક્ષ્મીનારાયણ ફાર્મ હાઉસ ખાતે સંવાદ બેઠક યોજાઇ હતી. આમ ભાજપ રાષ્ટ્રીય અધ્યક્ષ જે.પી.નડ્ડા આગામી તા 10 મી ગુજરાતની મુલાકાતે આવી રહ્યા છે ત્યારે રાજ્યમાં આગામી 2024 લોકસભા ચૂંટણી સંદર્ભે ચૂંટણી બ્યુગલ વાગશે.
