- પોલીસે જુગારીઓ પાસેથી રોકડા 32,520 રૂપિયા તથા ચાર મોબાઇલ ફોન મળીને કુલ રૂપિયા 46,020નો મુદ્દામાલ કબજે કર્યો

શહેરના ગાજરાવાડી વિસ્તારમાં આવેલા વિશ્વકર્મા નગરમાં ચાલતા જુગારધામ પર પાણીગેટ પોલીસે દરોડો પાડીને જુગારધામના સંચાલક સહિત પાંચ જુગારીઓને ઝડપી પાડ્યા છે.

પાણીગેટ પોલીસ સ્ટેશનનો સ્ટાફ વિસ્તારમાં પેટ્રોલિંગમાં હતો તે દરમિયાન માહિતી મળી હતી કે ગાજરાવાળી વિશ્વકર્મા નગરમાં રહેતો પવન કુમાર રામ ગુલામ રાવત પોતાના ઘરમાં જુગારધામ ચલાવે છે જેથી પોલીસે ઉપરોક્ત સ્થળે રેડ પાડતા પાંચ જુગારીઓ ઝડપાઈ ગયા હતા. પાણીગેટ પોલીસે પકડેલા જુગારીઓમાં પવનકુમાર રામ ગુલામ રાવત,  કલ્પેશ કંચનભાઈ ચુનારા, નરેશ ગણેશભાઈ ચુનારા, મુકેશ ઈશ્વરભાઈ ચુનારા અને ભરત ભગવાનદાસ કનોજીયા (તમામ રહે. વિશ્વકર્મા નગર, ગાજરાવાડી)નો સમાવેશ થાય છે. પોલીસે જુગારીઓ પાસેથી રોકડા 32,520 રૂપિયા તથા ચાર મોબાઇલ ફોન મળીને કુલ રૂપિયા 46,020નો મુદ્દામાલ કબજે કર્યો છે.