- આરોપીએ પાવાગઢ અને ચોટીલા લઇ જઇ સગીરા પર દુષ્કર્મ આચર્યું હતું

વડોદરા શહેરના મકરપુરા વિસ્તારમાં 16 વર્ષીય સગીરાનું 21 વર્ષીય યુવકે અપહરણ કરીને દુષ્કર્મ આચર્યું હતું. માંજલપુર પોલીસે આરોપી યુવકની ધરપકડ કરીને આ મામલે વધુ તપાસ શરૂ કરી છે.

મૂળ દાહોદ જિલ્લાના રહેવાસી અને વડોદરાના મકરપુરા જીઆઇડીસીમાં રહેતા શ્રમિક પરિવારની 16 વર્ષની દીકરીને તેમની નજીકમાં જ રહેતા 21 વર્ષીય પવન રાજુભાઈ વૈદ્ય 19 ઓગસ્ટના રોજ અપહરણ કરીને લઈ ગયો હતો. 29 ઓગસ્ટ સુધી પાવાગઢ અને ચોટીલા સગીરાને સાથે લઈને ફર્યો હતો. આ દરમિયાન યોગ્ય સગીરા સાથે દુષ્કર્મ આચર્યું હતું. આ ઉપરાંત છેલ્લા પાંચથી છ મહિનાથી તે સગીરા પણ દુષ્કર્મ આચરતો હતો.

સગીરાની માતાએ આ મામલે આરોપી યુવક પવન વૈદ્ય સામે માંજલપુર પોલીસ સ્ટેશનમાં ફરિયાદ નોંધાવી છે. પોલીસે આરોપી અને પીડિતાના મેડિકલની કાર્યવાહી કરી છે અને યુવકની ધરપકડ કરીને આ કેસમાં વધુ તપાસ શરૂ કરી છે.