- કમિશનરના માર્ગદર્શન હેઠળ સારા કામ કરવાનો પ્રયાસ કરીશ - અર્પિત સાગર

વડોદરાના ડેપ્યુટી કમિશનર તરીકે અર્પિત સાગરની નિમણૂક થયા બાદ આજે તેમણે પોતાનો પદભાર સંભાળ્યો હતો. તેમણે જણાવ્યું હતું કે, મહાનગર પાલિકાનો મારો આ પ્રથમ અનુભવ છે.

અગાઉ મેં વલસાડ અને નવસારીના ડીડીઓ તરીકે જે ફરજ બજાવી છે, તેનો અનુભવ અહીં મને કામ લાગશે. સૌ પ્રથમ તો અહીં શું કાર્યપ્રણાલી છે તે મારે સમજવી પડશે અને કમિશનરના માર્ગદર્શન હેઠળ સારા કામ કરવાના પૂરેપૂરા પ્રયાસ કરવામાં આવશે. આ ઉપરાંત વર્તમાન સમયમાં જે પ્રશ્નો ઊભા થયેલા છે તેને કેવી રીતે દૂર કરવા અને સૌને સાથે મળીને કામ કરવા પર ભાર મુકારો તેમ તેમણે જણાવ્યું હતું. ઉલ્લેખનિય છે કે, અંદાજે ૧૯ મહિના બાદ વડોદરા કોર્પોરેશનને ડેપ્યુટી કમિશનર મળતા કામગીરીમાં થોડી રાહત જણાશે.