- વડોદરા દિલ્હી ફ્લાઇટ સાંજે 5.40 વાગ્યે દિલ્હીથી આવશે અને સાંજે 6.30 વાગ્યે વડોદરાથી દિલ્હી જવા રવાના થશે, ગતરોજ પ્રથમ દિવસે 170 મુસાફરોએ મુસાફરી કરી

વડોદરા એરપોર્ટથી જનારા મુસાફરો માટે ખુશીના સમાચાર સામે આવ્યા છે. વડોદરાથી દિલ્હી વચ્ચે વધુ એક ફ્લાઇટ એર ઇન્ડિયા દ્વારા શરૂ કરવામાં આવી છે. વડોદરા-દિલ્હી વચ્ચે વધુ એક ફ્લાઇટની શરૂઆત ગતરોજથી કરવામાં આવી છે. જેમાં પ્રથમ દિવસે 170 જેટલા મુસાફરોએ મુસાફરી કરી હતી. આ ફ્લાઇટ અઠવાડિયામાં 5 દિવસ ઉડાન ભરશે.

એર ઇન્ડિયા દ્વારા શરૂ કરવામાં આવેલી નવીન ફ્લાઇટ સપ્તાહમાં 5 દિવસ ચલાવવામાં આવનાર છે. આ ફ્લાઇટ શરૂ થતાં મુસાફરો માટે દિલ્હી જવા વધુ વૈકલ્પિક સુવિધા મળી રહેશે. એર ઇન્ડિયાની વડોદરા દિલ્હી ફ્લાઇટ સાંજે 5.40 વાગ્યે દિલ્હીથી આવશે અને સાંજે 6.30 વાગ્યે વડોદરાથી દિલ્હી જવા રવાના થશે. ગતરોજ 170 મુસાફરોએ આ ફ્લાઈટમાં મુસાફરી કરી હતી. તેથી કહી શકાય કે વધુ એક ફ્લાઇટ શરૂ થતાં મુસાફરોને અગવડ અને ટાઈમસર સુવિધા મળી રહેશે.

એર ઇન્ડિયા દ્વારા શરૂ કરવામાં આવેલી આ ફ્લાઇટને લઇ વડોદરા એરપોર્ટ પરથી સપ્તાહમાં ગુરુવાર અને શનિવાર એમ બે દિવસ નહીં જાય બાકીના 5 દિવસ આ ફ્લાઇટ ઉડાન ભરશે. વડોદરા દિલ્હી વચ્ચે એર ઇન્ડિયાની ત્રણ અને ઇન્ડિગોની ત્રણ મળીને છ ફ્લાઇટ થઈ છે. આ ઉપરાંત વડોદરાથી મુંબઈ, વડોદરા પુણે અને હૈદરાબાદની ડાયરેક્ટ ફ્લાઇટ પણ રેગ્યુલર ઉડાન ભરે છે.