શહેરના વારસિયા વિસ્તારમાં આવેલી વાસવાની કોલોનીમાં રહેતો નરેન્દ્ર ઉર્ફે ગણેશ દયાળદાસ રામચંદાની પોતાના ઘરમાં દારૂનો જથ્થો રાખીને તેનું છુટક વેચાણ કરે છે તેવી બાતમીના આધારે કુંભારવાડા પોલીસે દરોડો પાડી ઘરમાં તપાસ કરતા દારૂની બોટલો અને બિયરના ટીનો મળ્યા હતા. આ સાથે ઘરમાંથી નરેન્દ્ર ઉર્ફે ગણેશ પણ ઝડપાઈ ગયો હતો. પોલીસે દારૂ બીયરનો જથ્થો, એક સ્કૂટર અને મોબાઈલ મળી કુલ 1.71 લાખનો મુદ્દામાલ કબજે કર્યો હતો. તેની પૂછપરછમાં દારૂનો જથ્થો આવેશ નામના શખ્સ પાસેથી લીધો હોવાની કબુલાત કરતા પોલીસે આવેશ તેમજ કબજે કરેલ સ્કૂટરના માલિકને ફરાર જાહેર કરી બંનેની શોધખોળ હાથ ધરી છે.