વડોદરા ના માણેજામાં ગાયે મહિલા પર હુમલો કરતાં મહિલા નું મોત નિપજ્યું હતું. આ બનાવ બાદ મૃતકના પરિવારજનોએ રૂ.૨૫ લાખનું વળતર માગ્યું છે. આ અંગે મ્યુનિસિપલ કમિશનર અને ગાય માલિકને નોટિસ ફટકારવામાં આવી છે.
માણેજા ની પંચરત્ન સોસાયટી નજીક રહેતા ગંગાબેન પરમાર ને ગાયે અડફેટમાં લીધા હતા. ગંભીર ઇજાઓ થતા ગંગાબેનનું ઘટના સ્થળે જ કરુણ મોત નીપજ્યું હતું.વૃદ્ધ ગંગાબેનનું મોત નીપજતા સ્થાનિક લોકોમાં રોષ વ્યાપ્યો હતો.
આ દરમ્યાન ગંગાબેનના વારસદાર પુત્ર જગદીશ પરમાર તથા પુત્રી નીરૂબેન એ એડવોકેટ અલ્પેશ ચૌહાણ મારફતે ગૌપાલક અને મ્યુનિસિપલ કમિશનર પાસે વળતરની માંગણી કરી હતી. પરિવારજનો ૬૦ દિવસમાં રૂપિયા 25 લાખનું વળતર ચૂકવવાની નોટિસ આપી છે જો આ વળતર નહીં ચૂકવવામાં આવે કોર્ટમાં દાવો દાખલ કરવામાં આવશે તેમ એડવોકેટ અલ્પેશ ચૌહણે જણાવ્યું હતું.
