વડોદરા પીસીબી પોલીસને માહિતી મળી હતી કે આજવા રોડ પર ફોજી નગરમાં આવવરૂ મકાનમાં આરોપી મિતેશ રાજપૂત તથા અક્ષય પરમાર વિદેશી દારૂનો જથ્થો ઉતારી વેચાણ કરે છે. આરોપી રાકેશ કનોજીયા મોપેડ પર દારૂ લઈને તેને આપવા માટે આવ્યો છે. જેથી પીઆઇ સી.બી.ટંડેલની સૂચના મુજબ સ્ટાફે ઉપરોક્ત સ્થળે તપાસ કરતા રાકેશ રામદેવભાઈ કનોજીયા (રહેવાસી પાણીગેટ) મળી આવ્યો હતો. પોલીસે તેની પાસેથી વિદેશી દારૂની બોટલ નંગ 167 કિંમત રૂપિયા 23,900 ની કબજે કરી હતી. જ્યારે આરોપીઓ સંજય રાઠવા તથા અક્ષય પરમાર તથા મિતેશ રાજપુતને વોન્ટેડ જાહેર કર્યા હતા. પોલીસે દારૂ અને વાહનો મળી કુલ 99,200 રૂપિયાનો મુદ્દામાલ કબજે કર્યો હતો.
