સોખડા ગામ યોગીરાજ સોસાયટીના ગેટ પાસેથી પોલીસે 2.66 લાખનો વિદેશી દારૂ સહિત વાહનો મળી કુલ 9.16 લાખનો મુદ્દા માલ કબજે કર્યો છે. પોલીસે ચાર આરોપીઓને ઝડપી પાડ્યા છે

મંજુસર પોલીસે મળેલી માહિતીના આધારે સોખડા ગામે યોગીરાજ સોસાયટીના ગેટ પાસેથી ચાર આરોપીઓને વિદેશી દારૂની બોટલો તથા બિયરના ટીન મળી કુલ 1005 બોટલ કિંમત ઉપર 2.66 લાખના સાથે ઝડપી પાડ્યા હતા. તેમજ દારૂની હેરાફેરીમાં વપરાયેલા વાહનો પાંચ મોબાઇલ ફોન મળી કુલ 9.16 લાખનો મુદ્દા માલ કબજે કર્યો છે. પોલીસે પકડેલા આરોપીઓમાં શાહિદ મુસ્તકીમ શેખ (રહે. ચાચા નહેરુનગર, આજવા રોડ. મૂળ રહે, યુપી), વિપુલ વિષ્ણુભાઈ રાજપુત (રહે. યોગીરાજ સોસાયટી, સોખડા. મૂળ રહે, એકતા નગર, છાણી જકાતનાકા), જયદીપ લાલસીંગભાઇ રાઠવા (રહે. પાદરા. મૂળ રહે, છોટાઉદેપુર), પરવેઝ મહમદ શેખ (રહે, રોશનપુર, જીલ્લો મુઝફરપુર, બિહાર)નો સમાવેશ થાય છે જ્યારે આરોપી ભાવિન પ્રવીણભાઈ ઠાકોર ઉર્ફે હનુમાન ઉર્ફે શાહિદ (રહે. યોગીરાજ સોસાયટી)ને વોન્ટેડ જાહેર કર્યો છે.